سلام عليكم
انا قبل كدا من شهرين كنت ناوي اعيد تالته ثانوي تاني ومدخلش الامتحانات بسبب ظروف نفسية حصلتلي وحوارات مكنتش بعرف اذاكر و دايما مشتت
بس اهلي رفضو الموضوع ودخلت الامتحانات امتحنت عربي و فرنساوي و كيميا وحاسس اني هنقص فيهم جامد يعني حوالي 15٪ ولسه فاضلي أربع مواد .
قدامي حلين ومحتار
⭐اروح امتحن باقي المواد واخلص من السنة وخلاص
ولا
⭐او اعمل تأجيل الأربع مواد اللي فاضلين للسنه الجايه
كدا كدا كان حلمي اخش صيدلة بس خلاص راحت عليا
ولو اجلت فانت مش عارف ايه هيحصل السنة الجاية وممكن بردوا متدخلش صيدلة. ربنا يسرلك الموضوع انك تروح الامتحانات ...خليك مع اللى ربنا يسرهولك وبعد النتيجة ان شاءالله استخير فى الاتجاه اللى بعد كده
تم النشر السبت، ١ يوليو ٢٠٢٣
بس حضرتَك لسه مش عارف صيدلة هتاخد من كام دي حاجةة. ممكن خلاص متأجلش ولا تعيد ولا أي حاجة بجد إستثمر كل احظةة متبقيةة لباقِي المواد وإسعى ان حضرتك تجيب نتايج كويسةة وإستثمر الوقت صدقني لو فاضل على الإمتحان ساعه ممكن تقرأ مذكرة او اي حاجة بتذاكر منها. مش هطول عليك لان التعليقات الي قبله كانت كويسةة. بس حبيت أوضح لحضرتك النقطةة دي.
تم النشر السبت، ١ يوليو ٢٠٢٣
أول حاجه عايز أبدا كلامي بآيتين كُفال بأنهم يردوا عليك (وَأَنْ لَيْسَ لِلإِنسَانِ إِلَّا مَا سَعَى وَأَنَّ سَعْيَهُ سَوْفَ يُرَى ثُمَّ يُجْزَاهُ الْجَزَاءَ الأَوْفَى) (وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ) أول حاجه أنا فى نفس سنك و بمتحن نفس امتحناتك لكن للأسف مقدرش أقولك إني حاسس بيك تماماً لكن أنا مقدر موقفك تاني حاجه الامتحانات عدت و خلاص أنت امتحنت و مين قالك ممكن أنت حليت صح و أنا حليت غلط و تكون جايب فوق 90٪ تالت حاجه كمل للأخر لأنك لو رجعت دلوقتي هتندم و تقول ياريتني ما عدتها لأنك هتكون وسط كلام كتير و أسئلة كتير و خود بالك الامتحانات السنة الجايا هتكون أصعب من امتحانات السنه دي هتقولي من قالك هقولك إحنا الدفعة الوحيدة اللي عندنا حجه واضحه وضوح الشمس و عايزين يخلصوا مننا آخر حاجه بتمنى ليك التوفيق و النجاح و لو حصل نصيب و بقيت فى نفس جمعتي لكن قسم مختلف و شوفتني أتمنى إنك توقفني و تبشرني إنك دخلت صيدلة و حققت حلمك و أنا هكون مبسوط علشانك صدقا ولله. وبس.
تم النشر الجمعة، ٣٠ يونيو ٢٠٢٣
كمل طبعا ليه تأجل تاني هو العمر فيه كام سنه عشان تاجل وتضيع ع نفسك
تم النشر الخميس، ٦ يوليو ٢٠٢٣
توكل على الله وروح امتحن المواد الباقية وربنا يجعلك من المجبورين
تم النشر الجمعة، ٣٠ يونيو ٢٠٢٣
روح وربنا معاك
تم النشر الجمعة، ٣٠ يونيو ٢٠٢٣
مرحتش ولا حاجه خلي عندك ثقه في الله والله ربنا مش هيكسر بخاطرك لسه الوقت معاك اعمل اللي عليك لاخر ثانيه وادعي
تم النشر الجمعة، ٣٠ يونيو ٢٠٢٣
روح وسبها لله
تم النشر الجمعة، ٣٠ يونيو ٢٠٢٣
لعرض السؤال في فدني اضغط هنا