لو طلقت مراتي علشان ارضي اهلي وهي مفيش عليها ولا على أهلها وأخلاقها غبار ابقى ظلمتها ؟
ولو عايز ارجع لها بس بردو اهلي معترضين وقالولي لو اتجوزتها هيغضبوا عليا بس بردو مش عايز اظلمها ايه الحل ؟
بتظلمها طبعا !!!!! طالما مش قادر توازن أو تقنعهم من البداية ليه ترتبط ببنات الناس وتعذبهم معاك. وتسيبها لحياة المطلقات !!!
تم النشر الأربعاء، ٢٣ نوفمبر ٢٠٢٢
على حد معرفتى ...لا طاعة لمخلوق فى معصية الخالق ولا طاعة للاهل ولا هذا ببر للوالدين ..طالما انه فى سىء يخصك وحدك ولا يخالف مثلا اوامر الله فى شروط الزواج. حضرتك رجل بالغ وسوف تحاسب امام الله وحدك على قراراتك ...اى كان سببها او من شارك فيها . وطبعا طالما لا يوجد سبب فهذا ظلم بين والله اعلم. لانه حتى لو السبب كان انك حسيت بنفور ...فده سبب يأخذ فى الحسبان. لكن سبب انه اهلك عاوزين كده...ده مش سبب الحقيقة خالص. اتمنى من الله ان يرشدك الصواب ويجنبك الظلم ...فالظلم ظلمات على الانسان ليوم الدين
تم النشر الأربعاء، ٢٣ نوفمبر ٢٠٢٢
بقولك ايه ، لو مراتك انسانة كويسة و انت مقتنع بيها يبقي ابعدها عن اهلك .. و أراضيهم بس متطلقهاش لأنك لو ظلمتها بنسبة كبيرة مش هتشوف خير بعدها .. الاهم بقي كراجل بقولك بطل طفاسة و صدقني الستات في النهاية زي بعض سواء اتجوزت البيضا او السمراء او الشقراء كلهم في النهاية زي بعض لو عندك مشكلة مع واحدة هيبقي عندك مشكلة مع أي واحدة .. رضا الاهل مش شامل الكفر و مش شامل خراب البيوت .. اتقي الله و اكيد سنك يسمح لك تبقي سفير سلام بينهم كلهم و ناخد كل طرف علي الجنب اللي يريحه بدون ظلم او عقوق برضه .. و نصيحة ليك حياتك تخصك لوحدك و انت انسان عاقل راشد مسؤل عن تصرفاتك و هتتحاسب عنها قانونيا و قدام ربنا ، و لا طاعة لمخلوق في معصية الخالق .. لو طلقتها و هيه لا يعيبها اي شيء شرعي ذكر في اخلاق و صفات الزوجة و يستحق الطلاق و قولت بنفذ رغبة اهلي و هما يشيلوا الذنب مش هيحصل و هتبقي انت اللي ظلمت زيهم بالظبط .. اقعد معاها و معاهم و خلي كل طرف يسمع و في الاخر قولها صراحة .. انتم اهلي علي راسي من فوق لكن مش هغضب ربنا و اهد بيت و اطق واحدة بالظلم .. اذا اردت ان تطاع فأمر بما يستطاع . و الله مش عاجبه سيبه يراجع نفسه . و اتحمل نتيجة قرارك زي اي راجل معدنه صلب و أصيل و يعرف ربنا
تم النشر الأربعاء، ٢٣ نوفمبر ٢٠٢٢
طالما طلقتها قبل الدخول بها فقد بانت منك وللزواج منها تحتاج إلى عقد جديد وفي هذه الحالة فالنصيحة إذا كنت ترى أنها امرأة صالحة وأن قلبك معلق بها أن تسترضي والديك وتستميل قلبيهما إليك .. وهذا السؤال له تعلق بسؤالك https://www.islamweb.net/ar/fatwa/235444/حكم-الزواج-بامرأة-دون-رضا-الوالد
تم النشر الأربعاء، ٢٣ نوفمبر ٢٠٢٢
حبيبي الموضوع ليس له علاقة ببر الوالدين زي مثلا تلبس ايه وانتا خارج او تاكل ايه او تتجوز مين..... تحاول ترضيهم لكن مخالفتهم ليست عقوق اوعي اوعي تطلقها الامام احمد بن حنبل بيقول لا طاعة لمخلوق في معصية الخالق من الاخر طالما مش بتعمل حاجة حرام او عيب مش مجبر تسمع كلامهم ومع ذلك تحاول ترضيهم
تم النشر الأربعاء، ٢٣ نوفمبر ٢٠٢٢
هتكون ظلمتها وظلمت نفسك لانها حد كويس هي واهلها .. توكل على الله وبلاش طلاق ودة ملوش علاقة بعقوق الاهل
تم النشر الاثنين، ٢٨ نوفمبر ٢٠٢٢
إن كانت بنت حلال مش تسببها وبكره اهلك هيرضوا عليها
تم النشر الخميس، ٢٤ نوفمبر ٢٠٢٢
قاطعين التواصل معايا نهائي سافرت واتكلمت معاهم ووعدوني هيصلحوا بينا ، وكلمت أهلها على الأساس ده ولما كلمتهم علشان يكلموهم ويصلحوا بينا رفضوا وعملولي بلوك ومش بيكلموني وامي اتصلت بيها قالتلها تنسى الموضوع انا خارج البلد ومش عارف اعمل حاجه وحاسس اني ظلمتها معايا
تم النشر الأربعاء، ٢٣ نوفمبر ٢٠٢٢
مكنش في عده كنا عاقدين فقط
تم النشر الأربعاء، ٢٣ نوفمبر ٢٠٢٢
هل انتهت عدة الطلاق أم ما زالت في العدة؟
تم النشر الأربعاء، ٢٣ نوفمبر ٢٠٢٢
مش عارف السبب بس اعتقد خايفين تاخدني منهم رغم أنها يشهد ربنا دايماً تنصحني اسأل عليهم قبلها واهتم بيهم وكانت أول اللي يكلمهم ويسأل عليهم في مرضهم وهما مرضوش ده بطريقه كويسه معاها ومع أهلها
تم النشر الأربعاء، ٢٣ نوفمبر ٢٠٢٢
ليه أهلك طلبوا منك تطلقها؟
تم النشر الأربعاء، ٢٣ نوفمبر ٢٠٢٢
لعرض السؤال في فدني اضغط هنا