أعمل إيه عشان أبطل أخد كل حاجه على أعصابي؟ نفسي أبقى بارده ومتأثرش باللي قدامي حتى لو كان قاصد يستفزني أو يشتت تفكيري، عاوزه أكون من الفئه اللي بيسموها "على قلبها مراوح" بدل ما أقعد أكل في بعضي وأدبدب في الأرض وأقطم ضوافري وأعور شفايفي وخد عندك شهرين تلاته بقى عندي أرق ومش عارفه أنام ونفسيتي تدمر وعلى ما أعمل موڤ أون أدخل في الفلاش باك وأرجع لنفس البوينت كإن الحوار لسه حاصل ، طب ليه أنا عاوزه أبتسم وأنام وأصحى كإن محصلش حاجه.
فيه حديث عن النبي بيقول انما العلم بالتعلم وانما الحلم بالتحلم والحلم هنا من معانيه الصبر فعشان تتعلميه تداومي عليه مره بعد مره وكان الكلام مش موجه ليكي او الفعل مش مقصوده بيه انتي وتحاولي تقولي ذكر سبحان الله لان ربنا بيقول ولقد نعلم انك يضيق صدرك بما يقولون فسبح بحمد ربك فلما تلاقي حد بيحاول ينرفزك غمضي عينك ورددي بصوت واطي سبحان الله لحد ما يخلص بعد فتره مش هتحسي بالكلام تلقائي
تم النشر الخميس، ١٥ ديسمبر ٢٠٢٢
اققلبي السحر ع الساحر أنا عارف كذا بيستفزك بلعب عليه واضغط عليكي بيه زيادة دمري تخطيط اللي قدامك بأنك تهدي وكأنه بيمدح هوا اللي هيستفز وهيحس بأماله بتتبخر وبالتالي هيسكت وكل ما يكررها نفذي نفس الفكرة هيبطل دا وانتي مع الوقت هتتعود علي كظم الغيظ اللي بينصحك دا مكنش فيه في عصبيته لدرجة ايدي كانت بتسبق لساني بقيت أبرد من مما تتخيلي و ع فكرة هيا ضغوطات ومواقف سلبية كتير حوالي تدوري ع اللي يفرحك وابعدي عن اي حد يديكي طاقة سلبية أو يزعلك كمان قربي من ربنا والتزامي الازكار خليها ع لسانك ديمآ هتفرق ف راحتك النفسية اوي
تم النشر الخميس، ١٥ ديسمبر ٢٠٢٢
ياريتها بتبقي فى غمضة عين محتاجة اولا تقنعى نفسك ان صحتك اغلى من اى موقف واى شخص...اغلى من رأيك انتى شخصيا اللى بتبقي ثائرة زى البركان عشان تتكلمى عنه او تناقشيه. كل الكلام والاراء والمواقف مش هيكون ليها وجود لو انا ( لاقدر الله ) فقدت النطق او الحركة او حتى بقيت ميته اه هى الحاجات دى للاسف اللى ممكن تحصل...طب بالذمه انهى حاجة دى اللى تستاهل ان ده يحصل. ثانيا : ثقتك وايمانك بنفسك لما يكونوا نابعين من نفسك ومش مستنيين تأكيد من الناس بره ...هيخليكى اهدى بكتير...يعنى لو حد فاهمنى غلط رغم انى وضحت ومصمم على موقفه..خلاص دى حاجة تخصه ...انا هضايق نفسي ليه بحاجة تخصه هو وانا واثقه من نفسي وعملت اللى عليا ووضحت. طيب حد مصمم على حاجة غبية او غلط ...بردوا انا هعمل اللى عليا واحاول واقول وافهم ...طب هو لسه مكمل فى غلطة وغباءه ....انا مالى بقي ..بردوا حاجة تخصة ومش هديها مساحة من تفكيرى انا . صحتك بالدنيا
تم النشر الخميس، ١٥ ديسمبر ٢٠٢٢
من وجهة نظري أن دي بتبقي طبع في شخصيتك هتحتاجي مجهود كبير علشان تغيرها حاولي تقراي كتب كتير عن اللامبالاة و كلامك يبقي قليل و تبقي جادة لأن من التجارب اللي مريت بيها لاحظت أن أغلب الشخصيات اللي كلامها قليل بتكون أعصابها باردة و اكيد انت عارفه الناس اللي بتستفزك ممكن تتجنبيهم بس دا حل انا م أفضله و ممكن تواجيهم و تيجي علي نفسك و مترديش لحد ما تبقي عادة عندك
تم النشر الخميس، ١٥ ديسمبر ٢٠٢٢
والهي يا صديقي تبقى برنس لو انت مش بتدي اهتمام لحاجة يعني لو حد بيحبك شكرا ولو حد بيكرهك ميضرش فلان بيقول عنك قصايد شعر يشكر والهي وهكذا ماشي بنور الله ولا شايل من حد وعارف أن القبول ده بتاع ربنا فما مش محتاج تحاول عشان تقنع حد بيك☕🌹
تم النشر الجمعة، ١٦ ديسمبر ٢٠٢٢
الموضوع مش سهل ومبيتعملش ف يوم .. ده محتاج وقت و اصرار على التغيير
تم النشر الخميس، ١٥ ديسمبر ٢٠٢٢
والهي يا صديقي تبقى برنس لو انت مش بتدي اهتمام لحاجة يعني لو حد بيحبك شكرا ولو حد بيكرهك ميضرش فلان بيقول عنك قصايد شعر يشكر والهي وهكذا ماشي بنور الله ولا شايل من حد وعارف أن القبول ده بتاع ربنا فما مش محتاج تحاول عشان تقنع حد بيك☕🌹
تم النشر الجمعة، ١٦ ديسمبر ٢٠٢٢
لعرض السؤال في فدني اضغط هنا