انا بحب بنت بقالنا اربع سنين وانا حالياً لسه داخل الجيش
كلمت والدتها من فترة وهى رافضة انها تعيش معايا فى المنيا وهى من القاهرة
انا بحكم ظروف مهنتى صعب انقل الشغل وانى الاقى شقة ف القاهرة
عندنا شقتى موجودة وأهلى بيكلموها وناس كويسين معاها
لسه نازل اجازة لاقيت والدتها بتقول مش هينفع تعيش ف المنيا
والبنت كلمتنى وقالت انا شارياك وعاوزاك
انا كنت مرتب انى الاجازة الجاية هروح اقابل ابوها واتقدملها ولو اترفضت مرة واتنين وعشرة هفضل اتقدملها طول ما هى عاوزانى
ياريت حد يفيدنى ازاى اكلم ابوها ولو سألنى عرفتها ازاى وهى من محافظة وانت من محافظة ،وقتها أقوله ايه.
ده احساس طبيعي من الام، انها خايفة على بنتها علشان متكونش بعيدة عنها! اتقدم بشكل رسمي، واعتقد لو انت كلمتهم بالمنطق، وكمان طمنتهم وحسوا انك شخص مترم باذن الله هيوافقوا. وقولهم مثال صغير: لو كنا في القاهرة، بل في نفس الشارع .. وجت مثلا فرصة سفر لينا في الخارج، قولها انا كده هبقى مش ف مصر اساسا؟ ف مثلا اسيب زوجتي هنا وانا اسافر؟ اكيد لا. جبها من ناحية ان العيب عمره ما كان في المكان، لو الشخص كويس هتطمن عليها في اي مكان مهما كان فين. وربنا يوفقكم باذن الله
تم النشر الأحد، ٢٥ فبراير ٢٠٢٤
انا شايفه إن والدتها قالت كدا من باب الخوف على بنتها وانها تكون بعيده عنها بالساعات وهي لسه مش عارفاك وقلقانه على بنتها تعيش في محافظه وناس جديده عليها أعتقد إن وجهه نظرها ممكن تتغير لو لقتك شخص محترم وهادي ويؤتمن على بنتها و بعد ما تقابل عيلتك وأهلك وتطمن انهم هيكونوا أهل لبنتها وهيخافوا عليها زي بنتهم بالظبط فنصيحتي إنك تتقدملها وتكون واضح وصريح إنك مش هتقدر تنقل حياتك للقاهره بسبب ظروف شغلك و إنك عندك شقتك بالفعل في محافظتك وممكن توضحلهم ظروف أجازاتك في المستقبل وزياراتك ليهم هتكون كل قد إيه بعد الزواج و إن الموضوع هيكون فيه ود دائم وتواصل مستمر وزيارات من الطرفين بالنسبه لنقطه هتقول إيه لوالدها دي لازم تتفق معاها هي فيها.. ممكن تقول إنك كنت بتخلص أوراق جيشك في القاهره وشوفتها مع والدتها وسألت عنهم ووصلتلهم أو مكان هي بتروحه مثلا جامعه او معهد او شغل وتقول إن حد رشحها .. او البنت نفسها ممكن يكون عندها إقتراحات تانيه
تم النشر الأحد، ٢٥ فبراير ٢٠٢٤
كان المفروض الأمور دى حسمتها من أول ما عرفت البنت وكلمت والدها ووالدتها من ساعتها وعرفت راسك من رجليك
تم النشر الأحد، ٢٥ فبراير ٢٠٢٤
حد قالي عليها
تم النشر الأحد، ٢٥ فبراير ٢٠٢٤
لعرض السؤال في فدني اضغط هنا