مشكلتي باختصار اني دايما بشوف نفسي في مكانه كبيره ودايما ربنا بيعطيني ايحاء و احلام ب اني هكون ملياردير وانا لسا شاب رغم اني تحت خط الفقر ولكن بالرغم من كدا انا مش قادر احقق احلامي .....بمعنى اصح أن انا مش قادر اتغلب عالكسل ومش عارف اتمرن ولا عارف اتعلم حاجه ولا عارف اقرا كتاب ورغم اني فاضي طول اليوم بس زي ما بصحى زي ما بنام مفيش اي شيء بيحصل و دايما عاوز اغير من دا بس مش عارف
ممكن نصيحه من أهل الخبره والعلم ياريت عشان الموضوع زاد عن حدو عندي بقالي تلت سنين على هذا الحال للاسف
دى شوية معتقدات سليمة محطوطة فى مسار غلط ومنقوصة فبيبقى الوضع انك تكون متخدر كده فى مكانك انك يكون عندك حلم غير انك يكون عندك هدف الحلم صورة فى المخ ( انك تكون ملياردير ) ده جميل الهدف هو اخطوات الواقعية اللى توديك للحلم ( ودى للاسف مش عندك ) ايمانك بنفسك كبير ...بس مزيف لانك لا تفعل شيئا يظهر قيمة ذاتك قاعدة بسيطة اللى تكلم بيه نفسك ...قوم نفذه ...منفذتش متقولهاش تانى بينك وبين نفسك واقرأ المقال ده هيساعدك فى تنفيذ خطة اهداف واضحة باذن الله https://ar.wikihow.com/تحديد-أهداف-حياتك
تم النشر الثلاثاء، ٥ سبتمبر ٢٠٢٣
تم النشر الثلاثاء، ٥ سبتمبر ٢٠٢٣
الاحلام كويسة جدا، بس الاحلام بدون ما تكون وراها هدف وهدف محدد، هتكون ملهاش لازمة، بل انها هتكون كانها عايمة كده مش عارفه تمسكها من فين. الكسل بداخل كل شخص مننا، بنكون اوقات كتير مش قادرين نعمل اي حاجه .. مفيش اسهل من القعدة قدام ال TV او الانترنت ... بالعكس ده منتهى الراحة. اسال اي حد كده وخيره ما بين انه ينزل يتمرن ولا يقعد يتفرج ع اي حاجه بيحبها .. هيقولك طبعا احب الانتخة. ف احنا مطالبين اننا نغصب نفسنا بمعنى اصح، لو عايزين فعلا اننا نحقق اي شئ في حياتنا لازم نغصب نفسنا ع عادة معينه، وبعد كده هيكون بمثابة روتين. يعني في الاول التمرين هيكون ارخم حاجه في الدنيا، ولكن بعد شوية وقت هتتعود عليه واليوم اللي مش هيبقى فيه تمرين هتحس بان فيه حاجه اتغيرت او حاجه ناقصة! انت بس محتاج تحس بالمسؤولية والالتزام اتجاه حياتك مش اكتر.
تم النشر الثلاثاء، ٥ سبتمبر ٢٠٢٣
أخي الكريم، أشكرك على ثقتك ومشاركة مشكلتك معي. التغيير للأفضل ممكن دائماً بإذن الله، ولكن يحتاج إلى خطوات صغيرة ومدروسة. أولاً، لا تيأس ولا تستسلم للكسل والخمول. ابدأ بتحديد هدف واضح تريد تحقيقه، واجعله ملموساً وقابلاً للتنفيذ. مثلاً أن تتعلم مهارة جديدة أو تقرأ كتاباً معيناً في شهر محدد. ثانياً، ابدأ خطوة خطوة. لا تحمل نفسك فوق طاقتها. مثلاً بدلاً من قراءة كتاب كامل، ابدأ بقراءة صفحة في اليوم، ثم زدها تدريجياً. ثالثاً، حاسب نفسك وكافئها. ضع جدولاً يومياً وارصد تقدمك، واجعل لنفسك مكافأة عند إتمام المهمة. رابعاً، ابتعد عن المشتتات مثل وسائل التواصل والهاتف، وركز على المهمة أمامك. خصص وقتاً للتركيز دون إزعاج. خامساً، استعن بالله والدعاء، ففيه العون والتوفيق. ادع الله أن يقوي عزيمتك ويسدد خطاك. سادساً، طلب المساعدة من الأهل والأصدقاء المخلصين، فربما يرشدونك إلى الصواب. وفوق كل ذلك، لا تيأس، فالنجاح مرهون بالمثابرة والصبر. أعانك الله ووفقك لما فيه الخير.
تم النشر الثلاثاء، ٥ سبتمبر ٢٠٢٣
ممكن حضرتك تشوف محتاج تطور إي وخد الخطوة من الاول خالص إبدأ علطول بس بقدر مش كبير أوي عشان متحسش بخنقةة شوية شويةة.
تم النشر الثلاثاء، ٥ سبتمبر ٢٠٢٣
زي ما نفسك بتستعمل التسويف معاك في الحاجات المهمة استعمل أنت التسويف معاها في الحاجات التافهة! يعني أنت طبيعي بتبقى فاصل الشبكة عن التليفون أثناء النوم ومخليه في وضع الطيران .. فلما تصحى أجّل فتح التليفون لحد ما تصلي وبعدها لحد ما تفطر وهكذا .. وكذلك الزهق شعور مهم ممكن تستغله لصالحك .. ازهق من الحاجات اللي بتتابعها في التليفون يا أخي!!
تم النشر الثلاثاء، ٥ سبتمبر ٢٠٢٣
لو أنت حاطط لنفسك هدف أنك تجري مثلا في المنطقة لمدة تلت ساعة هتلاقي أن أصعب ما في الموضوع هو البدء والاستعداد النفسي لذلك .. لكن بمجرد أن تنزل الشارع وتبدأ في الجري ستجد نفسك دخلت في مود الجري وأصبح الاستمرار في الجري أمر سهلا .. يمكنك قياس هذا على كل أمر آخر في حياتك .. بمجرد أن تكسر الحاجز النفسي وتدخل في المود ستجد أن لديك قوة تدفعك لإكمال ما بدأت (بالقصور الذاتي)
تم النشر الثلاثاء، ٥ سبتمبر ٢٠٢٣
طيب أنت مش بتزهق من اللاشيء اللي مالي يومك؟!
تم النشر الثلاثاء، ٥ سبتمبر ٢٠٢٣
فعلا معاك حق والله ......والله يا مستر جاد اقسملك بالله حتى مسكه التلفون بقت بتحسسني لالزهق تخيل .....فا انا قولت لنفسي خلي عندك دم بقا واعمل اي حاجه......عالاقل لو متت وقابلت ربنا النهارده أو بكرا أو بعدو او ايا يكن لما ربنا يسالني انت عملت اي في حياتك اعرف ارد ميبقاش اجابتي مقتصره على رد أو ردين وغير كدا كمان انا لسا في سن التعب فا قولت لنفسي انت ليه بتدور عالراحه وانت في سن التعب
تم النشر الثلاثاء، ٥ سبتمبر ٢٠٢٣
شكرا جدا يا مستر جاد والله نصيحتك دي خلتني أعيد النظر في التفكير في كذا حاجه..... طب بالمناسبه تقدر تديني نصيحه بخصوص اني مش عاوز اول ما اصحى من النوم اقوم امسك التلفون علطول عاوز ابدا اعمل حاجه افضل واخلي التلفون دا المرحله التالته في اليوم .......تنصحني اعمل ايه من فضلك
تم النشر الثلاثاء، ٥ سبتمبر ٢٠٢٣
والله يا مستر جاد انا اصلا لسا صاحي من ساعتين صليت الفجر ومسكت التلفون وجيت شعرت بالزهق بس كل ماجي اعمل حاجه الاقي نفسي رجعت فتحت النت ومسكت التلفون بلا هدف .....انا نفسي زعلت وحاسس بالذنب وتعبت من العاده السيئه دي .....بس انا عاوز ابطلها والنيه موجوده والله .....اعرف ان النيه لا تصلح العمل الفاسد بس فعلا انا عاوز يومي يبقا في انجازات مش يبقا زيرو
تم النشر الثلاثاء، ٥ سبتمبر ٢٠٢٣
لعرض السؤال في فدني اضغط هنا