لمَّا يجيلك إحساس العصبية فوراً غيري وضعك لو قاعده قومي اقفي والعكس وممكن تفردي جسمك او تتمشي بهيئة المد (المشي السريع)،او تروحي تغسلي وشك،ولو مُسلمة اتوضي. بخصوص ماما راعي موضوع انك تختاري الوقت المُناسب للكلام معاها فاهمة، يعني ميكونش مثلا باين انها مدايقة من حاجة او مضغوطة او في فترة الدورة الشهرية تحديد قبلها بكام يوم و اول أيامها مثلا فاهمة قاصدي راعي الوقت المُناسب. بردك عاوزة اقولك على حاجة تدريجيا كده إبدأي بإنك تحاولي تتصرفي في مشاكلك بنفسك وتدوري على طرق لتفريغ الطاقات دي فاهمة متنسيش تعتذري من ماما وحاولي تتحكمي في نفسك ومتتعصبيش عليها عشان حرام
العفو
تم النشر الخميس، ٢٣ يناير ٢٠٢٥
عاوزة أقولك بردو انك لما تتعصبي أو يحصل أي حاجة تضايق مطلعيش الغضب ده على أي مخلوق متعمليش كده حاولي تتحكمي شوية ومع الوقت هتعرفي بس عشان متزعليش حد منك ملوش ذنب
تم النشر الخميس، ٢٣ يناير ٢٠٢٥
تمام وشكرا لنصائح حضرتك 💗
تم النشر الخميس، ٢٣ يناير ٢٠٢٥
أكيد ماما مش قصدها تضايقك صح! بس خليني أقولك على حاجة شوفي يا حبيبي عشانك نتِ متضغطيش نفسك بفكرة إنك عاوزة تكوني أشطر من الـ ٣ اشخاص اللي ذكرتيهُم، انتِ بس اعملي اللي عليكِ وإنك تكوني متفوقة ده واجب عليك بما إن مفيش اسباب تمنع فاهمة زي مرض مثلا بيعطلك عن المذاكرة كده فاهمة، حاجة كمان شوفي ربنا خالقنا كُلنا بقدرات مُعينة كُل واحد فينا ليه مجال بيطلع فيه أحسن ما عنده، ممكن يكون حد شاطر ف الرياضيات، حد تاني شاطر خالص ف اللُغات، حد تالت عنده هواية تانية فاهمة هيا اللي بتميزة كده، اللي علينا اننا نطور من المجال اللي احنا قادرين نتعامل فيه فاهمة نقطة لازم تفهمهيا كويس عشان تريحك بعدين...
تم النشر الخميس، ٢٣ يناير ٢٠٢٥
بحاول بس انا اليوم كنت مضايقه وكنت بذاكر وانا اصلا بذاكر من علي النت ففي مساله وقفت عليا وعشان اتاكد انها صح بعمل خطوات معينه فأنا اخترعت خطوات وطلعت حل تاني والاستاذ علي النت قال هنسيب المساله علي جنب فسألتها قالتلي المستر قال تتساب علي جنب عشان عارف ان محدش يعرف يحلها غير لو مخه خارق وانا دائما بحط مقارنه وبحس أن انا في سباق في الفصل مع تلات أشخاص جنه وهبه ويوسف فلما ماما قالت لي كده حسيت أن هما دول الخارقين فاتضايقت وكسرت القلم الرصاص وقطعت النوته بتاعتي ومن ساعتها وهي متضايقه مني
تم النشر الخميس، ٢٣ يناير ٢٠٢٥
لعرض الإجابة في فدني اضغط هنا