هو ازاي القي محفز ليا في الحياه عموما لاني بفقد الشغف في اي حاجه بسرعه حتي وانا بقراء كتاب قبل كده للدكتور ابراهيم الفقي قال ان المحفز حاجه مهمه عشان تقدر تنجح في اي حاجه ف فقدت الشغف ف قراءة الكتاب اصلا وسبته .. سني ٢٠ سنه للتوضيح
بص أول حاجه كده أنا أقدر أقولك مفهومك للمحفز غلط المحفز بيخليك تبدأ فى الحاجه لكن هو ميقدرش يخليك تكمل فيها للأبد لأن لو مثلا اعتبرنا التليفون محفز ليا علشان العب لعبة ما بجودة عالية و فرام عالي من غير ما يهنج هل التليفون هيفضل يشتغل معاك زي أول جيم ؟ أكيد لا فبتحتاج يتقلل الجودة يتشتري تلفون جديد (لو شايف إن عندك حل تالت أنا أرجوك تعرفوني هيحللي مشاكل كتير 😅) تاني حاجه أنا أقدر أقولك على فيلم animation بيتناول الفكره دي بعمق كبير أوي...هنا هتتريق أو هيجيلك فكره فيها سخريه لكن أنا بعتبر الأفلام أى كانت نوعيتها هيا نصف الحقيقة و لو ركزت كمان مش بعيد تلاقي كلام دكاتره فى علم النفس أو بلوجر مشهور أو الناس اللي بتعد تقول quote's بتحفز بيها الواحد هتلاقي أفلام مش بعيد أنت بتحبها و مبنيه عليها (by the way the film name is soul ) تالت حاجه علشان تبدأ فى حاجه و تنهيها لازم تخطط إزاي هتنهيها يعني أى ؟ يعني أنا دلوقتي عايز أبني بيت هبنية إزاي من غير المخطط الهندسي؟ بلاش ديه أنا دلوقتي طالب و عايز أنجح فى الامتحان و مفيش فرصه للغش هنجح ازاي من غير ما أذاكر؟ ده كله تقدر تلاقية فى quote من(Antoine de Saint-Exupéry) بيقول. A goul without a plan is just a wish.... و هسبلك صورة برضوا ل quote هيفيدك. رابع حاجه و الاخيره علشان تبدأ فى حاجه و تعرف تنهيها لازم تعرف أنت بدأتها ليه . بس.
تم النشر الأربعاء، ٥ يوليو ٢٠٢٣
أهلا، فقدان الشغف والدافع في سن صغيرة زي دي ممكن يكون نتيجة عوامل نفسية أو ظروف معينة. لكن مش مشكلة كبيرة وممكن تتحسن. أنا هديكي بعض النصائح: •حاولي تكتشفي اهتماماتك ومواهبك وابقي نشيطة في الحاجات دي. لما بتشتغلي بحاجة بتحبيها بتلاقي نفسك بتصحى لها وبتكتسبي دافع. •ركزي على أهدافك في الحياة وبناء مستقبلك. ده بيعطي الحياة معنى وبيخليكي تسعى نحو حاجة. •خلي نفسك محاطة بناس ليها نفس الاهتمامات أو الأهداف. اتعلمي منهم وسانديهم، وهما هيساندوكي. ده بيزود المحفز والدافع. •اقرأي سير أشخاص ناجحين أو كتب تطوير ذاتي. ده بيعرضك لأفكار محفزة وبيقدملك أمثلة تحتذي بيها. •حافظي على نشاطك البدني وابقي في حالة جيدة. ابدأي روتين رياضي منتظم. ده بيحسن من مزاجك وبيزيد مستويات الأندروفين. •بلاش تكوني متشائمة. حاولي تفكري إيجابي وتركزي على ما عندك، مش على ما ناقصك. التفاؤل بيزيد المحفز والدافع. أتمنى هذه النصائح تساعدك تكتسبي دافع في الحياة. كل التوفيق ليكي!
تم النشر الأربعاء، ٥ يوليو ٢٠٢٣
انت محتاج تلاقى هدف عام فى الحياة وتربط بيه كل اهدافك الصغيرة . انا مش بشوف محفز يخلى حد يكمل حاجة قد احساس المسؤولية . مسؤوليتك تجاه نفسك انك مش هتسمح لنفسك تقصر فى حق نفسك هتخليك تاكل الكتب اكل وتعمل كل حاجة وتحس انك الوقت مش مكفيك ووراك حاجات اكتر عاوز تعملها.
تم النشر الأربعاء، ٥ يوليو ٢٠٢٣
ممكن تقولي يعني ايه الشغف! هل قصدك أنك تكون متحمس وعند قابلية جامدة بقى وكده أنك تبدأ في الشئ ده! للاسف موضوع الشغف ده بقى منتشر جدا ف إن كل الناس بتقوله، ولكن للاسف برده احنا مش فاهمينه صح. الشغف ما هو أنه يديك الدافعة الاولى للشيء اللي حابب تبدأ فيه. الحافزية بمعنى اوضح، ولكن مش دوره ف أنه يخليك تكمل، ولا أنك تكون مبسوط كل يوم، أو أنك في أبهى صورة كل يوم. لأ، الموضوع مش بيمشي كده، لأن مستحيل الإنسان يبقى يبقى عنده حافزية طول الوقت، مش معقول يبقى عنده دافعية، ومتحمس طول الوقت. ده مش ممكن ابدا، لأن مش ديه الطبيعة، الانسان عنده مشاعر كتير ممكن تكون على مدار اليوم متنوعة. فرحان، غضبان، حالة عادية، حزين. الإنسان ليس على وتيرة واحدة. وعلشان كده محدش بيبقى هيموت من الفرح أو متحمس اوي وهو صاحي من عز نومه والدنيا برد علشان يقوم يذاكر، هو صاحي علشان عنده هدف، عايز يوصله. الهدف هو اللي المفروض تركز عليه علشان توصل ل اللي انت عاوزه، مش الشغف. لازم تحدد أهدافك كويس .. لو فيه هدف وانت عندك إصرار وعزيمة فيه، يبقى سهل أنك تتغلب وقتها على كسلك. اتمنى ليكي كل التوفيق
تم النشر الأربعاء، ٥ يوليو ٢٠٢٣
وجود الشغف بيجي لما يكون عندك هدف لازم يبقا في هدف محدد و واضح و لي خطة انت بتمشي عليها علشان تقدر تصحي كل يوم يبقا عندك حافز تتشجع للهدف ده و ده حافز داخلي و مهم جدا كمان علشان يبقا عندك شغف لازم يبقا في حاجة بتحفزك و مش صح طول الوقت نعتمد علي محفزات خارجية ممكن في بعض من الوقت بس الاكيد و الي لازم يحدث ان الحافز يبقا نابع من جواك و ده بيحصل زي ما قولت عن طريق يبقا عندك هدف واضح و حاجة بتسعي ليها و ممكن تستعين بمحفزات خارجية تقدر تأثر علي التحفيز داخلي زي انك تكافئ نفسك لما تبدأ تمشي علي خطوات تحقيق الهدف ب اكله بتحبها او بخروجة كان نفسك فيها من زمان المهم تكون حاجة بتحبها و كان نفسك فيها ف عقلك هيبدأ يتعود أنه مش هيحصل علي مكافأة دي غير لما يبدأ يعمل خطوات معينة المهم انك تشتغل علي محفزات الداخلية الي نابعة من جواك علشان دي محفزات الي بتدوم لفترة طويلة أما المحفزات الخارجية بتساعد بس علي فترات قصيرة جدا
تم النشر الأربعاء، ٥ يوليو ٢٠٢٣
ممكن حضرتك تتعامل بفكرة إنك هتحاول تتبسط بكل لحظةة بتعدي من حياتك لان الي هيعدي مش هيرجع تاني فَ تستمتع بقا بوقت الدراسةة بتثقيف نفسك.من قرأه كُتب او سماع دورات او الخروجة حتى مع نفسك وتفتكر أثر الحاحةة دي عليك اي بعدين وعلى اسرتك مثلا او أولادك. يعني عشان ميجريش العمر وتقول يا رتني كنت فاهم حاول تسمتع بكل لحظةة بتعدي ف حياتك. ربِّ يبارك ف حضرتك.
تم النشر الأربعاء، ٥ يوليو ٢٠٢٣
سؤال معلش إيه هو تعريفك لكلمة محفز؟(هبني إجابتي على إجابتك)
تم النشر الأربعاء، ٥ يوليو ٢٠٢٣
انا مش عارفة هو الشخص الي في دماغي دة ولا لاء بس لو هو يبقي هو شخص كويس جدا برضو وكمان مش شرط تختار شخص معين بمجرد ما تكتب في بحث اليوتيوب فيديوهات تحفيزيه لكذا ايا يكن بقى ايه هو الكذا ده للدراسه للعمل للخروج للمساعده اي حاجه وافتح الفيديوهات اللي هتظهر قدامك واسمعها ومش شرط كل يوم تسمع 20 فيديو ممكن كل يوم فيديو كل يوم فيديو بكلام مختلف هيفيدك وهيحفزك جدا ربنا يوفقك باذن الله ويكون في عوننا يا رب
تم النشر الأربعاء، ٥ يوليو ٢٠٢٣
بالنسبه للاستاذ كمال المحفز هو الدافع ليا اني اعمل اي حاجه اصلا او هو الهدف ال بيشجعني علي اني اكمل في الحياه
تم النشر الأربعاء، ٥ يوليو ٢٠٢٣
تمام شكرا ❤️
تم النشر الأربعاء، ٥ يوليو ٢٠٢٣
بص حاول تعمل حاجات جديده يعني مثلا وانت بتقرا الكتاب ده قول لنفسك انك بعد الاكل على طول لازم تقرا صفحتين على الاقل في الكتاب ده تمام لازم تربطه بحاجه انت بتعملها هتلاقي نفسك اجباري بتقراه وكده كده الكتب انواع كثير وممكن يكون المشكله في نوع الكتاب ان هو مش جذبك تمام ولما مثلا تبقى عايز تقوم تذاكر او تعمل حاجه مهمه تقدر كمان تبحث عن فيديوهات للتحفيز على اليوتيوب ولما تسمعها بيدوك كلام كثير حلو من ناحيه ان انت لازم تقوم ولازم تحاول ولازم تثبت للناس كلها ان انت شخص قد المسؤوليه وكده والفيديوهات دي بتفرق معايا انا شخصيا عن تجربه وحاول كمان كل مده تجيب حاجه جديده مثلا قلم شكله حلو عارف انت الورقه اللي بتتحط في نص الكتاب علشان تعرف انت وقفت لحد فين حاول تجيب ورق شكله حلو مكتوب عليه مقولات لطيفه وحطه هيشجعك برده هو ممكن تكتب لنفسك ورقه تكتب فيها مثلا ان باباك نفسه يشوفك عامل ازاي او مثلا صديقك اللي بيشجعك تكتب لنفسك ان هو قوم علشان الناس دي في حاجات كتير تقدر تشجع بيها نفسك ومن احسن الحاجات اللي يستحسن انك تربط بيها نفسك هي الصلاه اللي هو انت مثلا تصلي الضهر وبعد الظهر لازم تقعد تذاكر شويه او تعمل حاجه مثلا في البيت وبعد المغرب لازم تقرا لمده ساعه في الكتاب المعين عشان تستفاد وحط لنفسك هدف يعني انا حلمي مثلا اكون داعيه اسلاميه كبيره تمام فدايما حاطه الحلم ده قدامي وبس عليه باني بتابع دورات اسلاميه كثير جدا ورابطه نفسي باني اصلي كذا وبعدين اقعد اسمع الدوره الفلانيه او بالليل قبل اما انام لازم اسمع حلقتين من دوره كذا فاهمني بفضل حاطه الحلم قدامي وهو اللي بيديني شغف لان انا اكمل
تم النشر الأربعاء، ٥ يوليو ٢٠٢٣
لعرض السؤال في فدني اضغط هنا