انا دايما بيراودنى شعور ناحية صحابى ان هما مش مناسبين ليا، صح مقربين بس مش طريقة التفكير كل واحده فينا مختلفه عن التانيه ودا طبيعى محدش شبه التانى، بس الفكره ان انا بحس دايما انهم م مكملين ليا او انهم الصحاب اللى بتمناهم، او الصحاب اللى ارقى بيها، يعنى مبناش التشجيع دا ولا حب الصحاب الحقيقى، لدرجة كمان ان ممكن يردوا عليا بغيره او انهم كل واحده بتحاول تقلل م التانيه بحجة هزار!!ا
احنا دلوقتى دخلنا كليات مختلفه ومش بنشوف بعض زى الاول لكن معايا واحده منهم، بس م عارفه ليه كل مدى الفتره دى بيزيد عند شعور البعد نحيتهم، اللى هو خلاص انا اكتفيت عايزه صحاب حقيقين، كل لحظه تكون حقيقيه، اى ضيق جوايا اهرب ليهم، واحكلهم كل حاجه وانا مطمنه انهم نفسى مش صحابى، كل الحجات دى والتفاصيل م موجوده م صحابى الاصليين، هل دا شعور صح نحيتهم ولا انا تفكيرى غلط، وهل دى اسمها صداقه حقيقيه، ولا شبه صداقه.
الصداقة درجات والاصدقاء يظلوا اصدقاء طالما جمعتنا فترة من النشاطات المشتركة وتبادل التفاصيل الشخصية اى كان عمق التفاصيل او المدة التى تشاركنا فيها ...فهم يلقبوا بالاصدقاء احتياجك لصديق مقرب اكتر ده طبيعى ...كل انسان بيدور على حد يكون شبهه ويكون معاه طول عمره ...انتى بتسمى ده هى الصداقة الحقيقة ...هو بيكون اسمه تؤام الروح او الصديق المقرب ..او بتحسيهم من عيلتك وهكذا مفيش مشكله ان اصدقائك يكون خلاص وقتكم والحاجة اللى كانت بتجمعكم مبقيتش زى الاول احتفظى بذكرياتك الحلوه معاهم واندمجى فى محيطك الجديد واتعرفى واختارى كويس اللى هتقربيهم منك وتسميهم اصدقاء جدد والى هتلاقى معاه الراحه والثقة هما اللى هيبوا زى ما انتى راسمه فى خيالك
تم النشر الخميس، ١٦ نوفمبر ٢٠٢٣
دي مش صحاب حقيقه للاسف .. مفيش صحاب بيحاول يقللو من بعض .. الصحاب دول علشان نشجع بعض و نقف ف ظهر بعض و نكمل بعض .. ابعدي عنهم و سيبي في ذاكرتك الايام الحلوه ال بنكو بس و ما تبقيش شايله من اي واحده فيهم افتكري الحلو ال بنكو لأن في وقت كبير عل حسب كلامك عشتوه سوا ف افتكري الحلو بس و لتعرفي على ناس كويس و شبهك ... العالم مليان ناس كتير اوي ❤️
تم النشر الجمعة، ١٧ نوفمبر ٢٠٢٣
يؤسفني اقولك ان دي مش صدقه حقيقيه الصديق ال بجد عمره في حياته مهقلل من صحبه تحت مسمه الهزار و علي فكره شعورك من نحيتهم صح و بعدين ال هوما بيحبوكي بجد هيخدوكي من ايدك لطريق الصح و غير كده الصحاب ال يغير من صحيه ده مش صحاب يا حببتي ده يبقا اسمه شبه صاحب و كونك بتخافي تحكلهم حاجه ده شعور صحيح جدا و بعدين انتي لما تخشي الجامعه اكيد هتتعرفي علي اصحاب حققين و وهتعرفي الصاحب ال بجد من ال صاحب ال اي كلام و أدعي ديما ربنا يقرب منك الخير و يبعد عنك الشر بإذن الله يا حببتي
تم النشر الخميس، ١٦ نوفمبر ٢٠٢٣
طيب نبدأ بحاجه حاجه .. اولا هو لو فيه حد بيهزر معاكي بطريقة تقلل منك وانتي طبعا مش موافقة على الطريقة ديه، ياريت تعبري للشخص اللي قدامك ان الطريقة ديه انتي مش بتحبيها، وترفضيها تماما. تاني شئ، انتي لو حاسه انك مش حابه مثلا طريقة تفكيرهم، كلامهم .. اي حاجه مش شرط تقطعي علاقتك معاهم، علشان تشوفي اصحاب تانين. وانتي ليكي كل الحرية انك تختاري الاصحاب اللي انتي حباهم.. ف انتي اولا خلي في حدود شوية ف الكلام اللي بيضايقك. وبعد كده قيمي العلاقة .. شوفي انتي محتاجه ايه؟ وهما فيهم ايه ؟ ومش فيهم ايه برضه.
تم النشر الخميس، ١٦ نوفمبر ٢٠٢٣
للأسف دول مش صحاب اللي بيحاول يقل من التاني دا عمر ما كان صاحب والحياة مش بتقف علي حد والصاحب اللي يسببلك الأذي ابعد عنه وصدقا عمرها ما كانت بالأيام والسنين دا اللي اكتشفته مؤخرا الصاحب اللي بجد هوا اللي هيشدك لطريق الخير وللقرب من ربنا وهيشجعك وهيحبلك الخير 💙
تم النشر الخميس، ١٦ نوفمبر ٢٠٢٣
هيا دي الحياه هتقبلي ناس كتيره منهم مش مناسبين بس مش معنا كده نعتزل الي حولينا نتعلم منهم سوا كان خير أو شر اكيد هتقبلي حد شبهك حول تتقبلي الي حواليك
تم النشر الثلاثاء، ٢١ نوفمبر ٢٠٢٣
الحياه بتستمر ومش بتوقف علي حد اكيد ربنا شايل ليكي الخير والاجمل من كده
تم النشر الخميس، ١٦ نوفمبر ٢٠٢٣
لعرض السؤال في فدني اضغط هنا