أنا عارفه ومؤمنة أن كل حاجة قسمة ونصيب بس أنا بفكر كتير اوي في حكايه اني نفسي اتخطب نفسي الاقي حد يهتم بيا حد يسأل عليه حد ابقي مهمه بالنسباله نفسي احس بالسعاده اللي بشوفها في عيون البنات المخطوبه مش عارفة اتخلص من المشكله دي مش عارفة يمكن عشان مش حاسه بالسعاده بين أهلي او إني عايشه وسطهم ولا كاني عايشه عشان حاسه اني مليش لازمه
أو يمكن خايفه إن ربنا ميبعتليش الشخص ده او عشان معايا في الجامعة بنات كتير من الفئه دي مش عارفة اعمل ايه بس الموضوع ده بفكر فيه كتير اوي ممكن تفيدوني
طبعا من حقك تفرحي وتبقي عروسه وتحسي بالمشاعر دي كلها لان دي غريزه وحاجه طبيعي اي بنت هتحب انها تفرح والي تعترض اصلا او متحبش فكره الاستقرار والجواز ف هي عندها مشكله .... بس استني نصيبك يجي بشكل كويس لان زي مبتشوفي في بنات مبسوطه ومرتاحه مبتشوفيش الكواليس ورا الكلام ده ومبتشوفيش بنات تانيه حياتهم صعبه واتجوزوا ومأحسنوش الاختيار ومشاكلهم صعبه ومش عارفين يكملوا ومش عارفين ينفصلوا ف اعرفي ان اي تأخير ف هو ان ربنا بيمنع عنك شر وشايلك خير كبير ... وطبيعي لو حاسه ان في مشاكل ف البيت او مش مستقريه معاهم عاطفيا او مش محسسينك بمكانك المهم انك تنزعجي وتحسي بضيق وده ممكن يكون سبب ف رغبتك انك تتخطبي وتعيش قصه حلوه وتحسي انك محور اهتمام حد ... طيب نعمل ايه دلوقتي..اول حاجه بصي على امكانياتك انتي اكيد عندك مميزات كتير جوه البيت وبرا البيت مع صحابك اظهريها وادخلي ف انشطه خيريه كتير انك تزوري دور ايتام او مسنين وتبدأي تهتمي بيهم وتديهم الدعم الي تقدري عليه هيفرق معاكي جدا ف احساسك بأهميتك وان في بيستناكي ف كل زياره عشان يستمد منك مشاعر اخوه او مشاعر الام المفتقده لبنتها ف الدار مثلا وهتحسي انك مفيده لنفسك ولمجتمعك كمان وهيديكي سعه صدر تتحملي مشاكل كتير وخبره حلوه ف انك ازاي تختاري الانسان القريب منك وهيكون زوجك ان شاءالله
تم النشر الثلاثاء، ٧ فبراير ٢٠٢٣
التفكير ده طبيعى ولاى سبب وحتى لو مفيش سبب ده طبيعى لانه احساس فطرى سليم ...سواء ولد او بنت بيتجه فطريا انه يلاقى زوج او زوجة. لما يهجم عليكى التفكير ...اذكرى الله واستغفرى وحوقلى
تم النشر الثلاثاء، ٧ فبراير ٢٠٢٣
اختي بارك الله فيك خير ما تفكرين به فهذه الغريزة والفطرة السليمة للانسان والأفضل من هذا انك تبحثين عن الحلال ومن يكون لك سترا وغطاء وسندا وعونا في الحياة فهذه سنة الحياة قال تعالى(( وخلق لكم من أنفسكم ازواجنا لتسكنوا إليها وجعل بينكم مودة ورحمة)) فالمراة لا تجد سعادتها عند أحد كما تجدها مع زوجها وفي بيتها وبين أولادها. فنصيحتي لك: .اولا ان ترضي بما انت فيه الآن وان تصبري وتعلمي علم اليقين ان هذا التأخير لخير كتبه الله لك لم نحط به علما. .ثانيا احرصي على الدعاء واجزلي الطلب وتحري اوقات الاستجابة. .اشغلي وقتك بما يعود عليك بالنفع واحرصي على الصوم وتعلم العلم الشرعي . ملحوظة .ليكن في دعائك ان يرزقك الله بالزوج الصالح فإنه يحفظ الأمانة ويصون العرض ويعلم حقوقك عليه . اتمنى لك التوفيق وأسأل الله أن يحقق لك ما في امنيتك.
تم النشر الثلاثاء، ١٤ فبراير ٢٠٢٣
طيب هنتكلم في كذا جانب اول حاجة طبيعي جدا تحسي بشعور انك عايزة تتجوزي ويكون ليكي بيت واسرة ولا عيب في ذلك. لكن خلينا نتكلم في الجانب التاني ... وهو انك اساسا مش سعيدة في بيت اهلك وده جزء منن احساسك حاليا .. انتي نفسك تحسي بالحب والسعادة .. اللي لسه مش لاقيهم حتى وانتي مع اهلك .. وديه محتاجين نتكلم فيها شوية. ليه حاسه بالاحساس ده؟ وليه خايفة ان ربنا ممكن ميبعتش ليكي الشخص المناسب!
تم النشر الثلاثاء، ٧ فبراير ٢٠٢٣
لعرض السؤال في فدني اضغط هنا