ياجماعة انا في تالتة ثانوي عام ادبي ووالدي جابلي الكتب الخارجية ما عدا كتاب الإنجليزي والتاريخ ودول أصعب مادتين وانا لسه مبدأتش فيهم وكل ما أقول له علي الكتابين دول يقولي معيش فلوس وانا مش عارفه اعمل ايه واحنا في شهر ١٢ وبجد انا خايفه اوي لأعيد السنة وانا نفسي اخلص ثانوية عامة على خير إن شاء الله وادخل الجامعة فأنتم شايفين اعمل ايه اقسم السنة علي سنتين مثلا عشان انا لسه مبدأتش المادتين دول بس بجد أنا مضايقة اوي
السلام عليكم ورحمه الله وبركاته ممكن تتوكلى على الله وتذاكري المواد كلها وتدخلى بها الامتحان عدا التاريخ والانجليزي حاولى بقدر الإمكان حد يجبهم لك وذاكري وادخليهم دور تاني ،انا اعرف واحدة صحبتي أجلت الاحياء والكيمياء للدور التاني وكلنا نتيجنا طلعت واتكرم الاوائل وهي مشغلتش بالها ب التكريم و امتحنت ونجحت وجابت مجموع حلو وهي في٤طب حاليا، ربنا يوفقك ويعديك ع خير ويرزق والدك ويفك كربه
تم النشر الاثنين، ٩ ديسمبر ٢٠٢٤
أنا شايفة إنك تخلصي السنة دي وخلاص وتبذلي جهدك في الوقت المتبقي... لو ذاكرتِ بطريقة صح وراجعتِ باستمرار إن شاء الله هتقدري تنجحي بتقدير كويس جدًا... أي دقيقة بتفرق حتى لو قبل الامتحان مباشرة. المهم تستعيني بالله وتبدأي. عارفة لو قررتِ تقسمي السنة ومغيرتيش أسلوب تفكيرك ومذاكرتك هتلاقي نفسك ضيعتي سنتين وخلاص وبرضه هتلاقي الشهور عدت ومش قادرة تلمي المنهج والمواد تراكمت. الفكرة كلها في إنك تعيدي برمجة عقلك وتحددي أهدافك وتنظمي وقتك. استعيني بالله وابدأي وشيلي من دماغك أي قلق ناحية النتيجة وهلحق ألم المنهج قبل الامتحان ولا لأ. القلق وتضييع الوقت مش هيخليكِ تنجزي أي حاجة... ابدأي بس وربنا يقويك ويوفقك إن شاء الله.
تم النشر الاثنين، ٩ ديسمبر ٢٠٢٤
عزيزتي، أشعر بمخاوفك وقلقك تجاه الدراسة، خاصة في هذه المرحلة الحساسة من الثانوية العامة. من المهم أن تتذكري أن النجاح يتطلب التخطيط والتنظيم، ويمكنك تجاوز هذه الصعوبات. إليك بعض الخطوات العملية: توزيع المواعيد: حاولي وضع جدول زمني لدراستك، حددي فيه أوقات لمراجعة المواد التي تحتاجينها. يمكنك التركيز على المواد الأسهل أولاً ثم الانتقال إلى الأصعب. المصادر المجانية: إذا كان لديك مشكلات مالية في الحصول على الكتب الخارجية، ابحثي عن مصادر مجانية على الإنترنت. هناك العديد من المواقع والقنوات التعليمية على يوتيوب التي تقدم شروحات شاملة للمناهج. المساعدة الجماعية: يمكنك الانضمام إلى مجموعات دراسية مع زملائك. من خلال التعاون، يمكنكم مساعدة بعضكم البعض في فهم المواد المعقدة والتي تحتاج إلى وقت أكبر. التواصل مع الوالدين: حاولي إجراء محادثة هادئة مع والديك حول الوضع. يمكنك الإشارة إلى أهمية الدراسة في مستقبلك واحتياجاتك الدراسية، قد تتمكنين من العثور على حل يساعدكم جميعًا. اقتطاع الوقت: إذا شعرتِ بالضغط، يمكنك التفكير في تقسيم المواد على سنتين، لكن تأكدي أن هذا الخيار قد يؤثر على مسيرتك في الجامعة. لذا، كوني حذرة في اتخاذ هذا القرار. الإيجابية: حافظي على تفاؤلك، تذكري أن كل الخطوات الصغيرة تحقق تقدمًا. الصبر والانضباط هما مفتاح النجاح. إن شاء الله، ستجتازين هذه المرحلة وتحققين أهدافك. وفقك الله.
تم النشر الأحد، ٨ ديسمبر ٢٠٢٤
الافضل بلاش مس هتاخدي اكتر من نصيبك ربنا يوفقك متضيعيش من عمرك ده سنه واحده وتحس انها سنين اومال لو قسمتيهم
تم النشر الاثنين، ٩ ديسمبر ٢٠٢٤
متعملييييش كدا م بتفيد كتير بتربكي نفسك وبتأثر ع مجكوعك بالسلب لأنه بينزل ف السنه التانيه ف الأرجح هى بتييجي مره واحده ورلك بيكرم الثانويه العامه بتكون سنه كبيسه متخليهاش سنتين! ربنا يوفقك فكري كويس
تم النشر الاثنين، ٩ ديسمبر ٢٠٢٤
يارب وشكرا على كلامك التحفيزي الجميل ده 💜💜
تم النشر الأحد، ٨ ديسمبر ٢٠٢٤
متقسميش صدقيني حتعدي بتوفيق من ربنا ان شاء الله كنت محتاسة زيك فمادة الفيزياء و جبت النص و عديت بتوفيق ربنا و فضله حاليا ركزي فاللي معاكي من مواد و قسمي المادتين دول و غير كدا كتير من المدرسين بيشرحوا كويس علي اليوتيوب دوري علي اللي بترتاحي لشرحهم و ابدأي و متيأسيش ربنا يوفقك يا جميلة و تعدي علي خير
تم النشر الأحد، ٨ ديسمبر ٢٠٢٤
تمام متشكرة جدا
تم النشر الأحد، ٨ ديسمبر ٢٠٢٤
دا رابط تحميل الكتب الدراسيه لاى ماده من موقع الوزاره كبدايه / الكتب الخارجيه موجود صور ليها بس للاسف فى حقوق ملكيه
تم النشر الأحد، ٨ ديسمبر ٢٠٢٤
https://moe.gov.eg/ar/elearningenterypage/e-learning/?schoolStageId=1931&schoolYearId=1938&schoolSubjectId=7696&schoolTermId=1584&contentTypeId=7597&pageIndex=0&sortBy=0
تم النشر الأحد، ٨ ديسمبر ٢٠٢٤
انا بعت لحضرتك على الفيسبوك اتمنى حضرتك تشوفي الرسالة بتاعتي
تم النشر الأحد، ٨ ديسمبر ٢٠٢٤
تواصلي معايا وابعتيلي لينك الفيس او اي موقع ليكي
تم النشر الأحد، ٨ ديسمبر ٢٠٢٤
لعرض السؤال في فدني اضغط هنا