دايما حاسه بشعور غير مريح ال هو في حاجة معينه كنت بتمناها من خمس سنين وراحت لغيري وكان عندي ثقه في ربنا عاليه لابعد الحدود ان الشئ ده هييجي بس محصلش لمجرد أن بدعي بيه واقول هيجي اكيد هيجي وربنا مش هيخذلني ابدا ابدا ومجاش وكنت بسمع فيديوهات كتيير عن استجابة الدعاء وتغير الأقدار بسبب الدعاء وكنت مطمنه ان ليا بس محصلش من يومها وانا نفسيتي تعبانه وهسه من جوا وحاسه بخءلان من كل حاجة ومبقتش بتمني حاجة نهائي ولا بدعي بحاجة وحاسه أن مفيش حاجة هتتعوض مكان الشئ ده ولا هتملي مكانه تعبت جدا واتخذلت وبقيت لوحدي وبمر بالازمه لوحدي ومش ببين حاجة قدام حد عشان مش بحب اصعب علي حد بس انا تعبت اوي
معلش كل حاجه بتروح من الإنسان بتكون خير ليه وهوه مش واخد باله بس أهم حاجه الرضا ويمكن مكنش فيه خير انتى مش تعرفى مثلا لو كنتى خدتى الحاجه ده كان ايه إلى هيحصل أو إيه هيتاخد منك مكانها . وعلى العموم مفيش دعوه بتترد ربنا قال (وإذا سألك عبادى عنى فإنى قريب أجيب دعوة الداعى إذا دعان فليستجيبوا لى وليؤمنوا بى لعلهم يرشدون) ليه ربنا قال لعلهم يرشدون علشان الرشد هوه بلوغ العقل منزلة الفهم والحكمه والسير فى الطريق الصحيح . ومعنى كده ان الواحد لازم ياخد كل حاجه بصدر رحب علشان يعرف الحكمة من الحاجة ده . وأحسن حاجه لتيسير الأمور واستجابة الدعاء وأحسن حاجه لكل حاجه هيه الصلاة على سيدنا محمد عليه افضل الصلاة وأتم التسليم. وربنا يبدلك بالأحسن وإن شاء الله كل أمورك تتحل وتبقى تمام.
تم النشر الأحد، ١٤ يناير ٢٠٢٤
بدايةً فإن استجابة الدعاء مراتب كما ذُكر في كتاب الداء والدواء لابن القيم أن الدعاء إما يستجيبه الله كما هو وإما يؤخره الله بالثواب في الآخرة وإما يدفع الله به بلاء وفي الثلاث حالات المؤمن فائز أخشى أن أقول أن تعلقك بالمخلوق كان أشد من تعلقك بالخالق فالمؤمن يتعلق النعم والمخلوقات تعلق مربوط بالله فمثلا أن متعلقة بشخص أحبه لأن الله رزقني إياه ورزقني حبه فأنا لا أتعلق بالشخص بل أتعلق بفضل ورحمة الله لأنه منحني هذه النعمة، ثم إن مات هذا الشخص أو أبتعد عني لأي سبب كان فهذا لا يؤذيني لأنني في الأصل متعلق بنعمة الله وكلنا لله، فلله ما أخذ ولله ما أعطى، وحسن ظني بالله أنه استجاب دعائي بأي شكل من أنواع الإجابة، لم يؤذني الفراق لأنني متعلقة بنعمة أعطاني الله إياها برحمته ورحمة الله لا تنقطع. أخشى أنك أسأت الظن بالله بعدما لم يستجب الله لدعواتك بالشكل الذي تريدينه، أخشى أن تُحرمي أجر الدعاء بسبب سوء الظن أو عدم الرضى عن الله. أوصيك أختى ارضي عن ربك رضى الله عنك، وأصيك عند الدعاء أن تقولي اللهم ارزقني الخير حيث كان ثم ارضني به. تذكري أختى أن الله يعلم ونحن لا نعلم، ربما يصيبنا ما نكره ونمقت لكن عسى مت كرهناه كان خيرًا وعسى ما طلبناه كان شرًا لنا، نحن لا نعلم لكنَّ الله يعلم، تأملي قول الله ﴿كُتِبَ عَلَيكُمُ القِتالُ وَهُوَ كُرهٌ لَكُم وَعَسى أَن تَكرَهوا شَيئًا وَهُوَ خَيرٌ لَكُم وَعَسى أَن تُحِبّوا شَيئًا وَهُوَ شَرٌّ لَكُم وَاللَّهُ يَعلَمُ وَأَنتُم لا تَعلَمونَ﴾ [البقرة: ٢١٦]
تم النشر الاثنين، ١٥ يناير ٢٠٢٤
كل حاجه بتورح وتيجي .. المشكلة هنا ان الانسان يضع كل حياته في حلم او هدف واحد .. وده الخطأ الاكبر. اذا كان في الحروب دائما ما تكون هناك خطط بديلة، دايما هناك خطط بديلة ف كل شئ .. في العمل والدراسة .. ف كيف يكون لديك حلم واحد فقط تعيشين له؟ طريقة ادارتك فيها شئ خطأ .. ومش لازم الدعاء يتقبل .. ربما كان شر ليكي وربنا ادرى طبعا بكل شئ .. ف حكمة ربنا احسن من خططنا احنا.
تم النشر الأحد، ١٤ يناير ٢٠٢٤
شكرا ليكي ♥️✨
تم النشر الأحد، ١٤ يناير ٢٠٢٤
بصحي حببتي الواضح انك كنتي ومازلتي متعلقه بالشي دا و طبعا من تعلق بشي عذب به لو انتي فكيتي تعلقكك بالشي دا في نتجتين هتحصلي علي وحده منهم يا اما ترتاحي و تشكري الله ان دعوتك مستجبتش يا اما تحصلي علي الشي دا بكل سهوله من جديد و تكوني فحاله امتنا لله ثانيا بخصوص الدعاء و ظنك بالله انتي واخده فكري غلط علي موضوع الدعاء انتي مطلبتيش من الله شي وبعدين خدتي بالاسباب و من ثم توكلتي علي الله و راضيا بالنتيجه وصابره تحققت اهلا وسهلا متحققتش تحوني مبسوطه ان اللي جاي احسن هو دا الظن بالله و هو دا الدعاء الصح ربي يقول ف القران واذا سالك عبادي عني فاني قربي اجيب دعوه الداعي اذا دعي وخلي بالك ف جمله اذا دعي دي و بخصوص انك كنتي ظانه بالله و ربنا مكنتش عند ظنك بصي الظن بالله ان اللي ربنا كاتبه خير ليا سواء حصل اللي بتمناه او محصلش هو دا الظن تكوني ف حاله حب و تقبل لكل الاحداث بس انتي كنت عاوزه الشي بقوه ومن كتر ما مش متخيله حياتك بدون الشي دا او الشخص دا افتكرتي ان دا ظن بالله
تم النشر الأحد، ١٤ يناير ٢٠٢٤
• الأمر الذي كُنتِ تدعي به فيهِ أذى لكِي ولذلك صرف اللَّه دُعائك عنكِ ، تحياتي.
تم النشر الجمعة، ١٩ يناير ٢٠٢٤
بدام عملتي بالأسباب ودعيتي وربنا ما استجابش يبقا ده كان شر ليكي وربنا عارف مصلحتك فخلاص لازم رضا عشان ده من ضعف الإيمان
تم النشر الاثنين، ١٥ يناير ٢٠٢٤
وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمون
تم النشر الاثنين، ١٥ يناير ٢٠٢٤
اكيد ربنا هيعوضك ويمكن ربنا فداكى بحاجه احسن وانتى مش حاسه بيها، ويمكن ربنا بيختبرك ربنا لما يحب شخص بيبتليه بالحلو والوحش. متخليش ايمانك يضعف بس وثقى فى رب الكون لانه مخلقناش عشان ينسانا
تم النشر الاثنين، ١٥ يناير ٢٠٢٤
اكيدربنا
تم النشر الاثنين، ١٥ يناير ٢٠٢٤
ربنا سبحانه وتعالى يعلم الماضى و الحاضر و المستقبل لكن احنا علمنا محدود فى حدود اللى شايفينه بس و انتى فاهمة غلط انك دعيتى كتير بس ربنا ما استجبش لدعاكى و نسيتى او تاه عن بالك ان ربنا مش بيدينا حاجة غير الحاجة اللى فيها خير لنا فى حاضرنا و مستقبلنا الجاى و قال فى آية و عسى أن تحبوا شيئا وهو شر لكم و آية تانية قال فيها و عسى أن تكرهوا شيئا و يجعل الله فيه خيرا كثيرا .. فخلى الدعاء مختلف و قولى اللهم ما كان لى خيرا فقربه منى و يسر لى الوصول اليه و ماكان لى شرا فاصرفنى عنه و اصرفه عنى فأنت تعلم و لا أعلم سبحانك انك انت علام الغيوب
تم النشر الأحد، ١٤ يناير ٢٠٢٤
لعرض السؤال في فدني اضغط هنا