ما الحل القانوني لاتهام أبي في قضية تتعلق بسرقة ونصب لا ذنب له فيها؟

Question

أنا معايا عمى عايش بالسعودية و كفيل سعودى ومعاه 4 اخوات منهم والدى ف فى فترة من الفترات كان بياخد مبلغ معين من الناس فى مقابل أنه يخليهم يسافروا السعودية ويشتغلوا هناك ف المهم خلال الفترة دى جات كورونا وكل تأشيرات السفر وقفت واتلغت ف بالتالى فى تأشيرات كتير عملها واتلغت بالفعل ف المهم بعد انتهاء فترة الحظر وخلاص انتهت فترة كورونا الناس اللى دفعت فلوس عاوزة تسافر وهو خلاص كل التأشيرات أتلغت ومش معاه فلوس علشان يرجعها لهم تانى ف حاليا الناس عاوزة فلوسها ف بقيوا يروحوا لأهله البيت يطلبوا فلوسهم خصوصا لان الناس دى لما كانت بتحول له الفلوس كانت بتدى الفلوس لاخواته و اخواته يبعتوها له إلا والدى الوحيد اللى كان رافض تماما للموضوع دا ومعارض له وبسببه اعتراضه هو و عمى اتخانقوا ومتخاصمين ومش بيكلموا بعض ف حاليا الناس مش عارفة تشتكى عمى بحكم أنه ف السعودية وكدا ومش هتقدر توصل له قاموا اشتكوا اخواته كلهم بما فيهم والدى بحكم أنه مفيش فى أيديهم اى حل تانى ف عمى خاف على اخواته وبعت لهم فلوس الناس دى وهما دفعوها للناس إلا والدى كان الشخص الوحيد اللى عمى مرضيش يساعده أو يديه فلوس الناس اللى بتطالب بيها لأنهم متخاصمين و بسبب ذلك حكمت المحكمة على والدى بالحبس لمدة 3 شهور ( وانا مش عارف ازاى حصل كدا واتحكم عليه بالحكم دا خصوصا أن والدى كان الوحيد اللى مشتركش معاه ف الجريمة دى زى ما عملوا باقى اخواته ومفيش اى إثبات أو دليل أنه نصب على الناس دى أساسا دا بعيدا عن أنه معظم الناس دى ميعرفش اسماءها حتى لأننا عايشين ف مدينة بعيدة عن أهله ) ف دلوقتى كنت عاوز مساعدة فى موضوع والدى لانه حاليا الشرطة بدأت تتحرك علشان تقبض عليه واحنا مش معانا المبلغ دا علشان نرجعه الناس غير أنه مفيش اى ذنب على والدى أنه يقع فى مشكلة زى دى وهو الوحيد اللى معملش اى حاجة غلط فيهم وكمان هيضر فى شغله وممكن يطردونا من المدينة بسبب الموضوع دا و عمى رافض تماما يبعت فلوس لوالدى بحكم أنه عاوز ينتقم منه علشان رفض أنه يساعده وكدا ف ايه الحل القانونى فى موضوع زى كدا ومعرفش ازاى المحكمة تحكم بحكم زى دا وهو ملهوش أي ذنب ولا علاقة بكل اللى حصل دا مجرد بلاغ كيدى من الناس علشان يجبروه يدفع الفلوس عوضا عن عمى مش اكتر والمشكلة الأكبر أنه لو فكر و دفع لواحد بس على الاقل ناس كتير هتروح تعمل نفس الحركة لمجرد أنهم لقيوه استسلم ودفع لناس هو ملهوش اى علاقة بيهم ف ايه الحل

Accepted Answer

السلام عليكم ورحمه الله وبركاته لو هو الناس دي معندهاش اي اثبات يقول ان هم فعلا ادوا فلوس لوالدك فالموضوع مش هيمشي بالشكل ده ويقدر يتعمل فيه ان هو بلاغ مزيف يعني لو هو فعلا ما اخدش منهم فلوس.

Answer

أخي العزيز، أُقدّر مشاعرك وموقفك الصعب الذي تمر به. إن القضية التي تتناولها معقدة، وتحتاج إلى معالجة قانونية مناسبة. أولاً، من المهم فهم أن القضايا القانونية ذات طبيعة حساسة، ويجب دائمًا التعامل معها بطريقة قانونية ونظامية. بما أن والدك ليس له أي علاقة مباشرة بالجرائم المزعومة التي ارتكبها عمّك، يجب عليه أن يعتمد على بيّنات تثبت براءته. إليك بعض الخطوات التي يمكنك اتخاذها لبلورة الحل: استشارة محامي مختص : من الضروري الحصول على استشارة قانونية متخصصة. المحامي يمكن أن يقدم لك توجيهًا حول كيفية التعامل مع القضية وكيفية الدفاع عن والدك. توثيق الأدلة : اجمع كل الأدلة الممكنة التي تثبت أن والدك لم يكن له دور في المشكلة، مثل الشهادات من الأشخاص الذين يحملون معلومات حول عدم مشاركته في العملية. تقديم دفاع رسمي : يجب على والدك، إذا كان محتجزًا أو مهددًا بالاحتجاز، أن يقوم بتقديم دفاع قانوني رسمي أمام المحكمة يوضح عدم علاقته بالمعاملة المالية التي قام بها عمك. البحث عن تسوية مع المتهمين : إذا كان بالإمكان، من الجيد محاولة التوصل إلى اتفاق مع الأشخاص الذين قدموا الشكوى، حيث قد يكون لديهم رغبة في التوصل إلى حل ودي، مما قد يساعد والدك على تجنب التبعات القانونية. التوجه للجهات الرسمية : في حال لم تنجح الطرق السابقة، يمكن التوجه للجهات القانونية في المملكة العربية السعودية وطلب التوضيح حول ملابسات القضية، مما قد يساهم في فهم الوضع القانوني للوالد بشكل أدق. أعلم أن الوقت قد يكون معقدًا وصعبًا، ولكن الصبر واستخدام الوسائل القانونية المناسبة قد يسهمان في الوصول لحل فعّال. لا تتردد في تحقيق الدعم القانوني الضروري لهذا الأمر. وأدعو الله أن يسهل أموركم ويخفف عنكم ما أنتم فيه.

ما الحل القانوني لاتهام أبي في قضية تتعلق بسرقة ونصب لا ذنب له فيها؟

قانونية

سؤال من احد أعضاء فدني

تم النشر الأربعاء، ٢٥ ديسمبر ٢٠٢٤

2 إجابة

3 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك