ليه كل ما فترة مؤلمة تخلص ونعتقد ان خلاص مش هنقابل ناس مؤذية بنفس الشكل تانى بنقابل ناس تأذينا بنفس الطريقة؟
يمكن لانك لم تتعافى من التجربة الاولى ، فبتتكرر تاني ، لانك بتختار نفس الصفات مرة تانية ولكن في اشخاص مختلفة ، او بتسمح/بتسمحي بدخول ناس جديدة في حياتك ليهم نفس الصفات اللى فاتت ، على امل انك المرة دي هتقدر/ي تنجحي العلاقة دي وتثبت/ي لنفسك انك قادرة تغيري الماضي. او ربما يكون لانك ليك دور في السماح لهم باذيتك. سواء بتسمح لهم باستغلالك او مبتحطش حدود واضحة بينك وبينهم ، او بتتساهل وترضا منهم بالاذى. محتاج/ة تتعافى من التجارب السابقة، والاذى اللى وقع عليك/ي وتعرف/ي سبب انجذابك للشخصيات دي ، ودورك ايه في السماح لهم باستغلالك او اذيتك ، وازاي تحمي نفسك و ازاي تقدر/ي تتجنب/ي تكرار نفس التجارب مرة تانية.
تم النشر الثلاثاء، ٢٣ أبريل ٢٠٢٤
هو عموما احنا مش هنسلم 100% من الناس المؤذية .. لأننا في الدنيا مش في الجنة. ولكن بنحاول نقلل من ده قدر الامكان، بمحاولة فهمنا للأخطاء اللي مرينا بيها، علشان اللي حصل ميتكررش تاني. ده سؤال شبيه لسؤالك عليه اجابات كمان كويسة، اطلعي عليهم وباذن الله هتفيدك https://www.fedni.net/q/45045232/الشخصيات-المؤذيه-ليه-بتبقا-سبب-انجذابنا
تم النشر الأربعاء، ٢٤ أبريل ٢٠٢٤
ده بسبب انك ما اتعلمتيش الدرس من الاشخاص دي فبيظهر اشخاص بنفس اسلوبهم في حياتك لحد ما تتعلمي و تفهمي الدرس الي هم موجودين في حياتك عشانه مفيش اي شخص في حياتنا موجود كده بلا هدف او صدفه كل شخص موجود ليه هدف معين و الاشخاص المؤذية في حياتنا ظي موجودة عشان تعلمنا دروس معينه كده و بمجرد ما بنفهم ده و نتعلم من اغلاطنا مش هيتكرروا تاني في حياتنا
تم النشر الأربعاء، ٢٤ أبريل ٢٠٢٤
لعرض السؤال في فدني اضغط هنا