باذن الله توبه نصوحه ومقبولة كل اللى بيحصل معاكى دى حيل دفاعيه وحاجة زى اعراض الانسحاب. عشان بشكل لا ارادى تيأسي وتروحى للذنب عشان يديكى نوع من السعادة طيب نعمل ايه نمشي بخطوات بطيئة ونستشعر الاحاسيس البسيطة ونكبرها ونعمل عليها تركيز كبير يعنى انا صحيت نشيطة ...اقوم اروق السرير واقول برافو عليا وشكل السرير احلى وهو متروق وان شاءالله اعمل كده كل يوم ... كل ما حاجة تثبت وتبقي بتتعمل بشكل تلقائى ابدأ ازود واعمل غيرها. ده هيخلق عندك شغف للبدأ كل يوم وانتظار الجديد.
تم النشر الجمعة، ١٧ مارس ٢٠٢٣
حلو انك تابعتي مع لايف كوتش وربنا يديم عليكي توبة ويثبتك ويبعد عنك الفتن يارب.. هو الفتور من سكك الشيطان ليكي لانك توبتي وخسرتيه فاعلمي إنك لازم تضاعفي مجهودك ضده وتستعيني بربنا كتير فكل خطوه.. وانك بتكوني نشيطه ففتره معينه من اليوم فده أصلا الطبيعي بتاع أي إنسان إنه يكون له فتره ذهبيه فاليوم فيها نشاط و يستغلها عشان كده مفيش حاجه إسمها تنظيم الوقت الوقت ثابت ولكن إسمها تنظيم الطاقة وهي إنك تكتشفى متي طاقتك عاليه فتنجزي فيها المهام الاصعب والسهل يتقسم علي مدار اليوم.. وطبعا الاذكار والقرآن ليهم بركه كبيرة ف طاقتك و تركيزك فمش تهمليهم مهما كان الكمية ابدأي بالقليل ثم زيدي عليه وآحده واحدة
تم النشر الخميس، ١٦ مارس ٢٠٢٣
ده طبيعي جدا .. الواحد بيعدي عليه طول اليوم احاسيس كتيرة جدا في اليوم مش لازم انك طول اليوم تكون عندك طاقة او شغف او انك عايزة تهدي الدنيا. لأ الطاقة هتيجي بعمل الاشياء والانجازات اللي ممكن تعمليها، يعني الحركة بركة، طول ما انتي قاعدة في مكانك مش بتعملي اي نشاطات هتحسي بالتقل، وبالملل، وانك معندكيش حاجة تتعمل، وهتحسي بالفتور. اما حاولي انك تعملي جدول مثلا كل يوم وتلتزمي بيه، حتى لو حاسه انك مش فالمود، الحاجة اللي هتعمليها هي اللي هتخليكي في مود احسن. لان الموضوع بيجي بالعكس، ما هو اكيد لو الواحد قاعد ومش بيعمل حاجة هيكون حاسس بالملل، وبالتقل، والانتخة ومش هيحب يعمل حاجة، اما لما يتحرك كل ده هيتغير. اتمنى ليكي السلامة
تم النشر الخميس، ١٦ مارس ٢٠٢٣
ربنا يغفرلك ويسامحك ويتوب عليكي توبه تصوحه يااارب اول حاجه انتي محتاجه معالج نفسي هيكون افضل جدا معاكي لانه هيعالج مشكلتك ويساعدك تتقبلي نفسك ويعالج معاكي مشاكل زي فقدان الطاقه والملل كمان الطاقه موجوده بس افكارنا عنها وعن نفسنا وع ان اليوم مفيهوش حاجه جديده بيخلق عندك شعور فقدان الطاقه والملل ف حاولي تمارسي رياضه بانتظام وتسجلي الانشطه الي ف يومك من انشطه بتحبيها لأنشطه مجبره عليها لانشطه مهمه بس بتتجنبيها وبتبدأي تقصدي تحطي انشطه كتير تسببلك السعاده هتفرق معاكي جدا كمان قربي من ربنا كتييييير وحاولي تقرأي روايات وكتب هتفرق ف مودك جدا
تم النشر الخميس، ١٦ مارس ٢٠٢٣
أولاً أشكرك على ثقتك بي لمشاركة معاناتك، ولا تشعري باليأس لأنك تحاولين الشفاء من مشكلتك النفسية وكذلك توبتك الصادقة. من أهم النصائح التي أستطيع أن أعطيها لك هي أن تستمري في التوبة والاستغفار والتواصل المستمر مع الله بالدعاء والقراءة، فالله هو اللطيف الخبير وسوف يساعدك بشكل كبير. كما ينصح بالبحث عن معالج نفسي لمساعدتك في معالجة مشكلتك النفسية الأصلية وتغيير نمط التفكير الذي يدفعك للارتكاب بالأخطاء. وبالنسبة لشعورك بالفتور والزهق، يمكنك تغيير نمط حياتك عن طريق تحديد أهداف وتخطيط الأنشطة اليومية وأداء الرياضة وتحسين نوعية النوم، كما ينصح بالمواظبة على العمل على تحسين الذات وتنمية المهارات الشخصية والتواصل مع الآخرين والانخراط في أنشطة اجتماعية مفيدة. أتمنى لك التوفيق والشفاء العاجل، ولا تترددي في الرد علي إذا كان لديك أي استفسارات أو تحتاجين إلى مساعدة أخرى.
تم النشر الخميس، ١٦ مارس ٢٠٢٣
لعرض السؤال في فدني اضغط هنا