انا خريجه مكملتش كام شهر واشتغلت الحمد لله . حرفيا طول فتره الكليه مدخلتش في اي ارتباط أو اي أمور عاطفيه . فضلت علي كدا . وده حسسني أن في غلط فيا . مش عشان مرتبطتش لا . عشان المشاعر عندي مش بتشتغل ديما .
في مواقف تستحق الحزن أو الفرح أو الانفعال . مش ديما بتشتغل . فلازم التظاهر بالحزن او الفرح . فضلت من ٣ ثانوي حتي تخرجي . وانا بشعر بفراغ من لي مشاعر لدرجه اني بعيط اني مش عارفه أشعر . او احس بمشاعري كأن مشاعري ملغيه .
حاولت اقرا او افهم واحلى المشكله . اتكلمت مع اهلي . الرد عباره عن انتي اوفر بلاش شغل ده يعني اي معندكيش مشاعر . المهم فضلت اتجاهل والموضوع بيزيد . الم جامد في صدري و حاولت اكتب عشان اقلل الموضوع . مسكن فتره ونرجع تاني .اي الحل
عزيزتي، أنا آسفة لسماع ما تمرين به. الشعور بنقص المشاعر أو عدم القدرة على التجاوب عاطفياً قد يكون تجربة صعبة ومحيرة. من المهم أن تعرفي أن هذه المشاعر ليست شيئًا غير طبيعي، فهي قد تؤشر إلى مشاعر داخلية عميقة أو ضغط نفسي. قد تكون هناك عدة أسباب وراء شعورك هذا، منها: الضغوط النفسية : يمكن أن تكون المسؤوليات أو الضغوطات الحياتية قد أدت إلى شعورك بعدم القدرة على الانفتاح عاطفياً. مؤثرات الشعور : في بعض الأحيان، يكون لدينا مشاعر دافعة ولكننا نكبتها بسبب تجارب سابقة أو تخوف من التعرض للأذى. من المهم أن تبحثي عن وسائل صحية للتعبير عن مشاعرك. إليك بعض الاقتراحات: المشاركة : قد يكون من المفيد الحديث مع شخص موثوق مثل صديقة أو معالج نفسي. التحدث عن مشاعرك يمكن أن يساعد في التعرف عليها وفهمها بشكل أفضل. تدوين المشاعر : تابعي كتابة ما تشعرين به يومياً، حتى وإن كنت تعتقدين أن تلك المشاعر غير قوية. هذا قد يساعدك في التعرف أكثر على مشاعرك. النشاطات الإبداعية : جربي الانخراط في أنشطة تُحفز مشاعرك مثل الرسم أو الكتابة أو حتى الموسيقى. إذا استمر هذا الشعور لفترة طويلة وأثر على حياتك اليومية، أنصحك بالتوجه للحصول على دعم مهني من معالج نفسي. الأبناء وصيغ الدعم قد يكونون أفضل رفقاء في خوض هذا النوع من التحديات، فهم يساعدونك على التعامل مع مشاعرك بشكل سليم. تذكري أن التعرف على مشاعرك هو جزء من النمو الشخصي، ولا تتردي في طلب المساعدة. أنت لست وحدك في هذا، فالكثيرون يمرون بمثل هذه التجارب.
تم النشر الأربعاء، ١ يناير ٢٠٢٥
يمكن نفس مشكلتي في الحزن اشعر بشي لكن ليس مثل باقي الناس يعني تخيلي اخويا ربنا يرحمه مات وانا ولا دمعة بس في شعور غريب وكذلك في الفرح الناس مبسوطة وانا عادي وفي البيت انا في عالم ثاني ماسك التلفون وتحصل اشي وانا ما عندي خبر ومش بستمتع بالدردشة مع الناس احب الجوال اكثر شي وما اقدر اتواصل بصري لو عندك نفس اعراضي واحد من اثنين يا رهاب اجتماعي او شخصية تجنبية الاثنين اعراضهم تقريبا نفس الشي
تم النشر الخميس، ٢ يناير ٢٠٢٥
شكرا ليكم كلكم بجد هركز علي الطرق الي قولتوها وربنا يفيدكم زي ما بتفيدو الناس ❤️
تم النشر الأربعاء، ١ يناير ٢٠٢٥
هو لو ده اسلوب كتابتك اللي تقصديه فدى كتابه تحط عليكي زياده. التانيه اسمها كتابه تفريغيه يعني بتبقي نيتك اننا افرغ مشاعري فبفتكر المواقف وحسيت باايه وقتها وأسيب نفسي احسها وتخرج لوحدها. ثانيا واضح من فكره انك جلدتي ذاتك عشان ماتحسي ده خلي عقلك يحجب عنك اي تأثير. فااول حاجه انتي محتاجه تشيلي فكره انك عايزه تحسي وأخرج مشاعري ازاي. انتي تبدأي تركزي. ع اللذات اليوميه زي طعم القهوه من غير اي مشتت حسي بالمايه حسي بالأكل بملمس لبسك وشعرك. كل الحاجات الصغيره دي مع الوقت هتعمل الحاجتين وهتجدد عندك لذه المشاعر تاني وحبه بحبه القديم هيخرج. ويكسر عندك الحزن التقيل ده. وجددي اسلوب ان عشان اعدي الموقف مش لازم احجب نفسي كليا. انا احجب نفسي لحد مااتصرف ف الموقف ويخلص واقعد مع نفسي اخرج مشاعري انتي ماشاء الله كبرتي محدش هيلقي بالا لمشاعرك. فلو في صاحبه تزودي معاها المشاعر الحلوه ياريت. ممكن بقي حاجه لطيفه اوي اي طفل ف حياتك جاوريه اي ملجأ أطفال خدي لعب واكل وروحي اقعدي معاهم وقت. قد ايه الطفل مبهر ومحب ولطيف غير ان ثوابها كبير وكثره الخير بيعلي المشاعر لكن احتكاك الطفل اللي بيبقى جواه مشاعر اصليه وحقيقه وعفويه هيخرجك من السور اللي حاوطتي نفسك بيه. ممكن كمان تواظبي ع سوره قرآن بتحبيها القرآن بيلين قلوبنا عشان لو حاسه ان ده غير منطقي. واعرفي كويس ان مشاعرنا مش ضعف دي بوصله كلنا بنحاول نقومها عشان تبقى دليل صحي. وفهمي عقلك ان ده مش وضع حمايه ده وضع خوف. خوف التماس مع أي هيبره اذا كان حزن او فرح. مش لازم نهيبر بس لازم نحس بالفقد ونوصل لقرار ان لله وانا اليه راجعون ونحس بالفرح انه نعمه وفضل ورب الخير لا يأتي الا بالخير❤️ كل يوم فيه نعم كتير اوي عديها وانبسطي بيها واكتبي مواقفك القديمه متخافيش تكتبي انك كنتي صغيره الموقف كان كبير أو صعب. المشاعر بتتكون قبل اللغه وده بيخليها صعبه شويه. هاتي مانديلا لَونيها. كل حاجه صغيره بس هتفرق مع الوقت.
تم النشر الأربعاء، ١ يناير ٢٠٢٥
هل انتى مريتى بتجارب كتير ف حياتك صدمتك بحيث اصبح فى تبلد عام ف المشاعر - بمعنى مابقتش فارقة معاكى حاجة - ؟ او انتى بتحسي عقلك كبير ومافيش حاجة تستفزه بسهولة ؟
تم النشر الأربعاء، ١ يناير ٢٠٢٥
انا بحس بنفس الشي واستنتج انو من الضغوطات وكمان ممكن عشان مر عليكي وقت واستنزفتي مشاعر زياده ف عشان كدا بتحسي بتبلد ف المشاعر وتمكن الحل بالوقت
تم النشر الأربعاء، ١ يناير ٢٠٢٥
نتمنى تكونى احسن.. الله يعينك ويقويكي
تم النشر الأربعاء، ١ يناير ٢٠٢٥
ممم لى الاحباط دا ؟ انا مش بقلك احكى مالك.. انا عاوزك تحطى ايداك ع المشكلة لان بيكون ليها آثر على حاجات كتير ف حياتنا.. يمكن دى تكون فرصة
تم النشر الأربعاء، ١ يناير ٢٠٢٥
كونك بتكتبى دا شئ صحى كطريقة تعبير عن شعورنا.. ليكى منفذ... انتى بتطلعى مشاعرك فى كتاباتك.. بس كل دا عرض لحاجة مزعلاكى ومضايقكى جدا! دورى عليها وعديها..
تم النشر الأربعاء، ١ يناير ٢٠٢٥
وبعدعدم وجود تلك المشاعر سوي الالم ماذا بعد . لقد حاولت أن لا أظهر عاطفتي . تقبلت الالم. بصدر رحب . يجعلونني اتالم حتي لا اشعر بالالم كما مرو هم . في الحقيقه هما اللعنه التي تؤلمني أكثر من المواقف المجرحه . اللمهم اقوي بأضعاف .من الم الغريب . لم تعد للدموع تنفع بشئ . بل أصبحت الابتسامه ضحكا علي الالم ودي حاجه تانيه عندي بدرو عندي كتتيييرر من دول
تم النشر الأربعاء، ١ يناير ٢٠٢٥
تتمزق اوتار قلبي كل يوم . يزداد الما وشده. تراه هينا لكنه لم يكن حزن من قرب الجميع . وحبا في العزله حزن في أوصال نفسي . ولا اري له مخرجا . حزن قد حاربت لاخفاءه ولكن روحي تتاكل النسيان اترجاه لقدوم لكن لم يكن موجودا وانت الذاكره تخبرني وتجعلني اتذكر كل ما لا اريد تذكره عقلي أصبح اقسي من ذي قبل . لم يعد العاطفه متوفره في أغلقت أبوابها .وما كان سوي العقل غير فرض الأوامر بعدما شعر قلبي أن انيسه اختفي . بدأت بطاريته في النفاذ قلبا فارغا . عقلا جارحا ونفس غارقه
تم النشر الأربعاء، ١ يناير ٢٠٢٥
تمام عاوزين نفرق بردو مابين الشعور والريأكشن بتاعنا.. يعنى موقف حزن انتى بتكونى زعلانة بس ممكن الريأكشن بتاعك هادى عندك ثبات انفعالى عالى.. موقف فرح مش هتشقلبى الدنيا وهكذا.. شعور الحزن والفرح جوانا بحسب الموقف انا شخصيا بيتقالى انت بارد ازاى كدا مع التعامل عموما... دى حاجة.. الحاجة التانيه انت اعتمدى ع نفسك كتير وبتقوى نفسك ممكن بتعتبرى الشعور دا ضعف ؟ معتقدش عشان لو ضعف مش هتدورى على اجابة.. احنا كبشر عموما ضعاف واجتماعيين يعنى كلمة حلوة تبسطنا وممكن تضايقنا شفنا حد بيعجبنا ونتشد ليه بنعيش شعور فرحة اخر يوم امتحان مثلا شعور فرح صاحبى.... انتى سيبى نفسك بس
تم النشر الأربعاء، ١ يناير ٢٠٢٥
هي دي حاجه كويسه. بس ع حسب واصله معاكي لفين؟؟ هل هي اداره ولا تبلد. لو إداره وانتي شخص بيقدر يتحكم في مشاعره. ده حلو جدا ومطلوب للبنت جدا. لو تبلد وهو كتم مشاعر وتصل بيكي لحد القسوه والعنف فده محتاج كلام تاني. يعني بيمنعك تتعاطفي مع حد لتقديم المساعده مثلا؟ ولا بتفكري الأول هل تقديم المساعده في الموقف ده بيضرني فقدمه ولالا؟ ولا انا اساعد ليه اصلا ؟. لو بتحسي التعاطف بتفكري اساعد او لا هو ده الاداره. لو مش تحسي تعاطف عموما فده مشاعر مكبوته لدرجه كبيره. ثانيا عبادتك هل فيها تواصل شعوري مع ربنا ولا برده نفس الكلام مفيش اي احساس؟
تم النشر الأربعاء، ١ يناير ٢٠٢٥
اهم شئ هو شعورك بالسعاده و السعاده ممكن تكون باكتر من طريقه في ناس تستمتع بالهدوء و الإبداع و في ناس بتفضل التفوق في المهنه او العباده و ممكن تكون الروايات مفيده لأنها بتحاول توصل المشاعر بكل دقه و بتخلينا نتفاعل معاها، ممكن لما حد يموت في الحقيقه نتقبل الموضوع عادي و نمثل الحزن لان في النهايه دي طبيعه الحياه و كونك مش بتحزني جدا دا لان انت فاهمه و مدركه ان دي سنه الحياه، و الحمد لله على كل شئ
تم النشر الأربعاء، ١ يناير ٢٠٢٥
فعلا مش اي حاجه بختارها من ناحيه اللبس بسهوله . بس لما يحدد علي حاجه خلاص انا قررت الحاجه دي ومفيش راجعه
تم النشر الأربعاء، ١ يناير ٢٠٢٥
للاسف عقلنا كل ما ينضج اكتر ويمر بتجارب اكتر ويتخزن فيه كل ردود فعلنا مافيش حاجة بتخليه يُستفز بسهولة ومع الوقت مافيش حاجة بتبسطك بسهولة ومافيش حاجة بتزعلك بسهولة من الآخر مابيبقاش فارق حاجة بتكون تقيل فى مكانك.. انا اتوقع ان عمرك العقلى كبر ودا خلى فى " تبلد" ع حد وصفك.. مابتشوفيش ان الموقف يستحق دا انى ازعل او افرح مش اى حاجة هتعجبنى وتخش دماغى اختياراتك بتصعب كل مابتكبرى لانك عاوزة مواصفات معينة.. سؤال تانى غريب سيكا وانتى بتتسوقى عشان تشترى هدوم بتختارى بسهولة ولا بتلفى ع ٥٠ محل الاول لحد ماتلاقى حاجة عجباكى ؟
تم النشر الأربعاء، ١ يناير ٢٠٢٥
اه مريت بتجارب كتير وركزت ديما علي تقويه شخصيتي وأبقى حد يعتمد عليه مش اعتمد علي حد . انا في الاول وفي الاخر بنت ولازم يكون في عاطفه
تم النشر الأربعاء، ١ يناير ٢٠٢٥
وبعدين اعمل اي
تم النشر الأربعاء، ١ يناير ٢٠٢٥
دي أحد كتاباتي
تم النشر الأربعاء، ١ يناير ٢٠٢٥
الاول كنت فكره اني لو قلتلهم هيفيد . لكن في الحقيقه لقت اني ملهاش اي فايده ومحدش عمل حاجه . وانا بطبعي من وانا صغيره مليش في اني احكي عن نفسي . فا لما وصلت لفتره الاعداديه بدأت افهم اني لازم اعبر عن الي جوايا فا لجئت لكتابه عشان اعبر عن مشاعري . ومع الوقت مبقتش بعرف اصلا اقول انا حاسه بايه من جوا غير لما بكتب
تم النشر الأربعاء، ١ يناير ٢٠٢٥
سؤال اخير وانا عارف انى كترت اسأله.. كلنا بنمر بأوقات ضعف وكل واحد بيقعد يصيح لصاحبة عادى هل انتى بتعملى كدا ؟
تم النشر الأربعاء، ١ يناير ٢٠٢٥
الاول لما كنت بشعر بحزن أو اي مشاعر . أعاتب نفسي عتاب شديد الي هو ملكيش حق تزعلي . انتي اسكتي متحسيش . مره في مره في مره . اجي احاول ارجع عشان أشعر لو بذره تعاطف أو اي حاجه يبقا الي هو اي الجحود الي انا فيه . حرفيا جلد زات ولكن دلوقتي مبقتش بقول نفسي اي حاجه الي هو مش مشكله . طب نتأثر بروايات يمكن تفوق المشاعر . حرفيا بحس انو كلام مش قادره أن استشعر بيه اي حاجه
تم النشر الأربعاء، ١ يناير ٢٠٢٥
لعرض السؤال في فدني اضغط هنا