انا مدمن علي العاده السريه بقالي سنه و نص مش عارف ابطل ارجوكم ادوني اقتراحات علشان اوقف
تابع مع طبيب نفسي اولا ظبط علاقتك بالله عليك بصلاه الفجر وصلاه القيام عليك بالصياااام والنوافل كل ما قويت علاقتك بالله الدنيا هتظبط مارس الرياضة باستمرار اشغل وقت فراغك بالمفيد
تم النشر الجمعة، ٢ ديسمبر ٢٠٢٢
سلوك ادمانى العلاج ١. البعد عن المحفزات الخاصة بالادمان ٢. نبدأ روتين ونشاط جديد يشغل الوقت بشكل كبير ٣. نلتزم بنظام غذائى يساعد على توقف التحفيز الجسمانى ) صيام والاعتماد على الخضروات واللحوم اكتر من النشويات والسكريات) ٤. الاستعانة بالله والاستماع للاحاديث اللى بتنهى عن هذا السلوك . ٥. الاستعانة بصحبه صالحه والبعد عن الاشخاص اللى ممكن يشجعوا على ده. اسأل الله لك ان يجعل فى قلبك نفورا من كل ما يحيد عن الفطرة السليمة
تم النشر الأحد، ٤ ديسمبر ٢٠٢٢
هي جملة اتمنى انك تدركها وتفهمها وتستشعرها.. ( لا تجعل الله اهون الناظرين اليك )
تم النشر الاثنين، ٣٠ يناير ٢٠٢٣
أولاً انا حابب أشيد وأبدي أعجابي شجاعتك دي حاجه عجبتني جداً جداً فيك بسم الله ما شاء الله.. وبالنسبالي طالما انت اتكلمت في الموضوع كده، ده معناه انك حقيقي متضايق منه وكاره وبالشكل ده بأذن الله هتنجح أنك تتخلص منه لأن الأعتراف بوجود مشكله هو أول طرق حلها!! بصي بقي يا سيدي بكل بساطه في مقوله بتقول ان العيوب بتكبر في الضلمه.. فزي العادة السرية دي ما كبرت معاك في السر والضلمة احنا هنقتلها بالنور.. فنصيحتي ليك انك دايماً تفضح أفكارك، فلو ليك اصدقاء بتثق فيهم وهيساعدوك انك تتخلص من الموضوع ده أستعين بيهم.. كل مره تلاقي ان دماغك بتقولك تعالي نعمل العادة السرية دي، أرفع سماعه التليفون او كلم اي حد قوله انا دماغي بتقولي كذا.. بالروتين ده شويه بشويه هتنجح انك تتغلب علي العادة دي بأذن الله طول ما انت بتطلعها للنور هتقتلها بأذن الله زي ما كانت بتكبر في الضلمه.. وربنا يوفقك ويكرمك صديقي الشجاع 🖤
تم النشر الاثنين، ٣٠ يناير ٢٠٢٣
اشغل وقتك وامنع نفسك عن الحاجات المحفزة للممارسة وحاول تبدأ حياتك العملية ركز فى مستقبلك العب رياضة ممكن كمان تشوف بنت مناسبة ليك أو معجب بيها وتخطب أو اتجوز لو فى امكانية وحط ف دماغك أن ده بيدمر مستقبلك مع شريك حياتك اللى جى أو حياثر بدرجة كبيرة على الممارسة السليمة
تم النشر الأربعاء، ٧ ديسمبر ٢٠٢٢
تواصل مع فريق واعي عن طريق أي منصة على السوشيال ميديا.
تم النشر الأحد، ٤ ديسمبر ٢٠٢٢
حاول تصلي وتخليك ديما ف وسط ناس وابعد عن العزله
تم النشر السبت، ٣ ديسمبر ٢٠٢٢
متقعدش لوحدك خالص وحاول تقضي علي وقت فراغك ، واهم حاجه تتمرن وتنزل جيم ، قرب من ربنا وصلي وغير روتين حياتك
تم النشر الجمعة، ١٠ مارس ٢٠٢٣
اولا العادة محرمة واظن انك عارف كده ولازم تصلي وتقرأ قرآن ده أساسي، ثانيا لو انت لما بتحاول تبطل بتحس بالإحتياج فده حله انك تشغل نفسك ومتلمسش نفسك الا للإستنجاء او الإستحمام، وأما لو انت بتحس بألم لما بتحاول تتوقف فبترجع لها علشان ترتاح من الألم ده وقتها تروح لدكتور لأنها اعراض دوالي او احتقان.
تم النشر السبت، ٣١ ديسمبر ٢٠٢٢
اولا متقعدش لوحدك خالص ولازم وانت داخل الحمام مطولش والصلاه اهم حاجه والعب رياضه والاستحمام بالمياه البارده
تم النشر الأربعاء، ٧ ديسمبر ٢٠٢٢
قرب من ربنا وادى عباداتك في وقتها واشغل وقتك قدر الامكان
تم النشر السبت، ٣١ ديسمبر ٢٠٢٢
تقوى الله عز وجل واستشعار نظر الله إليك والبعد عن الأسباب اللي بتجرك ليها وحافظ على وضوءك وصلاتك وغض بصرك وخذ الأمر على محمل الجد لازم يكون عندك عزيمه وميكنش مجرد تمني... المؤمن القوى خير وأحب إلى الله من المؤمن الضعيف
تم النشر الثلاثاء، ٦ ديسمبر ٢٠٢٢
لعرض السؤال في فدني اضغط هنا