السلام عليكم و رحمة الله و بركاته
كيف اقدر اتعامل مع الشخص الفضولي مثلا اذا كان شخص يسأل بطريقه غير مباشرة و هو يعلم اني اعلم ما يريده ولا طريق غير اني اجاوب على هذا الشخص(الامر يتعلق بنتيجه دراسيه و احد اقاربي الذي في سني يسألني دائما عن النتيجه احيانا بطريقه مباشره و أحيانا بطريقه غير مباشره ولا أرغب بالرد عليه لأنه امر لا يخصه ولا أعلم كيفيه الرد عليه بطريقه تسكته و في نفس الوقت لا تجرحه)
مع العلم ان الامر عن طريق الرسائل الالكترونيه ف لا اعرف تغيير الموضوع لانه سيلاحظ و هذه المره سألني بطريقه غير مباشره ثم سألني اذا كانت درجتي جيده و لم اجب بعد (اذا اجبته ب نعم او لا سوف يسألني بطريقه مباشرة) كيف اتصرف
الامر الثاني كيف ارد على الكلام الساخر بطريقه لائقه دون اهانة الشخص الذي سخر مني خصوصا اذا كان يأتي من شخص اكبر مني سنا و امام أشخاص اخرين
وعليكم السلام ورحمة الله وبركاته .. فيه طريقتين .. ل اما ترد بادب وتقول مثلا ردود بس بطرق برضه غير مباشرة زي مثلا الحمد لله على كل حال، ربنا مش هيجيب حاجه وحشه .. الردود اللي هي عامة. ل اما اساسا تلزم حالة التجاهل، وطالما الرسائل الكترونية .. عادي ليك الحق انك تلزم الصمت، طالما انت متضرر من الشخص ده.
تم النشر الثلاثاء، ٣٠ يناير ٢٠٢٤
حاولي دايما تظهري قوتك مش ضعفك حتى لو بتردي بحترام وحاولي تكوني واثقه من نفسك ومن افعالك
تم النشر الاثنين، ١٥ يوليو ٢٠٢٤
من حقك كل الحق انك ماتجاوبش على سؤال مش عايز تجاوب عليه والي عايز يزعل يزعل دي خصوصياتك .. ولازم تحط حدود لحياتك ممنوع حد يعديها .. بالنسبة للاسئلة عن درجات اوي اي شيء خاص هترد بالحمد لله وتغير الموضوع بانك تسأل الشخث اي سؤال تاني .. ولو رجع وسألك برضه هترد بالحمد لله .. ربنا سترها معايا وشكرا على كدا .. وماتحسش بالضغط او الإحراج وحط في دماغك هو مالوش حق يعرف .. بالنسبة للسخرية على الشكل مثلا فهترد بانها خلقة ربنا مع ابتسامة بسيطة لو على صفات زي غبي او تافه هترد بانك احسن من ناس كتير وانك مش شايف نفسك كدا مع ابتسامة بسيطة وتقوم من المكان او تبدا كلام مع حد تاني بحيث انك توصله رسالة ان الكلام خلص ويوقف سخرية
تم النشر الأربعاء، ٣١ يناير ٢٠٢٤
بالنسبة للرد علي الكلام الساخر، فحقيقي أنسب رد هو التجاهل، ولا كإنك بتسمعي حاجة، لو حد بينتقد نقد سلبي ممكن تردي تقولي ميرسي ده من زوقك، وربنا يجازيكِ علي قد نيتك
تم النشر الثلاثاء، ٣٠ يناير ٢٠٢٤
أولاً يجب رد الشخص الفضولي هذا لأن مش من حقه يتدخل فيما لا يعنيه، حصلت معايا وأنا كنت بقول درجاتي العالية بكل فخر بس للأسف مكنتش مدركة إن الناس بتحسد لدرجة إني أكره الدراسة وأفقد التركيز ودرجاتي تقل وحياتي تتدم ربس بعدين أخدت بنصيحة النبي صلى الله عليه وسلّم لما قال استعينوا علي قضاء حوائجكم بالكتمان، فبقيت أقول الامتحان كان صعب وأنا مش عايزة أفتكره ولا أفتكر الدرجة، فأنتِ ممكن تردي تقولي الحمد لله وقدر الله و ماشاء فعل وأنا مش عايزة أحكي في موضوع الدرجات ومش عايزة أفتكر الدرجة علشان النفسية مش محتاجة، وتكوني فضولية أنتِ كمان لما تسأل أسأليها و خليكِ مصرة عليها إنك تعرفي هي عملت اي ف لما تفكر تسألك مش هتعرف علشان متسأليش
تم النشر الثلاثاء، ٣٠ يناير ٢٠٢٤
تجاهلي سواله وهتحرج مع الوقت هيبطل يسال
تم النشر الأربعاء، ٣١ يناير ٢٠٢٤
تعمد عدم الرد المباشر على اسالته .
تم النشر الأربعاء، ٣١ يناير ٢٠٢٤
لعرض السؤال في فدني اضغط هنا