دلوقتي انا في واحد اتقدملي تمام وكلم اهلي وقراية الفاتحه كمان شهر نص ...المهم انا اول قاعدة لينا انا ارتحتله وانا صليت صلاة استخارة هو شخص محترم وواثقة أنه هيقدرني.....هو اعجب بيا جامد جدا وبقا خلاص بيحبني مع أن بقالنا اسبوعين بس المهم وانا بحس من ناحيته بس مش اوي اه بنبسط بكلامه وكل حاجه بس مش معجبه بيه اوي وحصل مشكله مبنا أنه هو معندوش ينفع النزول بالليل نهائي إذا كان مع اخواتي أو لوحدي انا قولتله دول اخواتي واحنا ليه حتي مقرناش فاتحه وبقالنا اسبوعين بنتكلم هو بيقولي انا خايف عليكي بس هيخاف عليا مع اهلي وكمان هو في عرق صعيدي معندوش حوار النزول بالليل لوحدي بس انا قولتله دي عيشتي مع الوقت مفروض بالتعود اقلل من نزولي بالليل مش من اول اسبوعين وانا قولت لأخواتي علي نقطه أنه بيقولي مينفعش هو زعل وانتي تقولي لأهلك بس انا شوفت مش هعرف احل الموضوع دا لأنه مش عطيني فرصة اتكلم ومن كتر ما بيكلم بيخلي الشخص اللي قصاده عاييز يقفل الموضوع لأنه مش عطيه فرصة وكمتن لما كلم اخواتي امبارح طلعني وحشة قصادهم وفتح في مواضيع انا محكتهاش لأخواتي أو مامتي ويقولهم أن انا الغلطانه مع أن انا فتحت مع اهلي موضوع أنه احنا لسه في الاول وبيقولي من دلوقتي النزول بالليل لا وكمان هو عايزني بكلمه طول الوقت انا بقعد اقول عشان أهله متوفيين ومفروض انتي اللي تبقي معاه دلوقتي بس بيكلم كتير انا مش بيبقا عندي فرصة اقوم اعمل اي حاجه حرفيا ولو قولتله شوية بكلمك ف بقعد ساعتين بعمل كذا حاجه بيضايق وانتي مش مهتمه ومش محترماني طيب ما انا معنديش فرصة اعمل اي حاجه غير اني بكلمك ..انا فكرت اقوله كل شئ قسمه ونصيب وغير أن انا مش معجبة بيه اوي لسه انا بقول ممكن في الاول بس اهلي قالولي متظلمهوش معاكي وكدا وانا فيا عيب أن هو لو بعتلي رسالة برد متأخر عليه هو بيتعصب من الموضوع دا بس انا بحاول اعدل الموضوع دا .. المهم ممكن حد يقولي رأيه اسيبوا ولا اكمل
تم النشر الخميس، ٦ يونيو ٢٠٢٤
يا حبيبتي، أولا شكراً إنك وثقتي فيّ وشاركتيني بمشكلتك. أنتِ دلوقتي محتارة ومش عارفة تاخدي قرار، وده شيء طبيعي جداً لأن الموضوع كبير وبسيب تأثير على حياتك كلها. خليني أديكي شوية نصايح تساعدك في اتخاذ القرار. مشاعرك: بما إنك مش معجبة بيه بنسبة كبيرة، ده مهم. الحب مش حاجة بتتخلق بالمظهر الخارجي أو الاحترام بس، هو كيمياء ومشاعر لا إرادياً بتحسيها. لو حسيتي إن المشاعر دي ممكن تنمو مع الوقت، حاولي تديله فرصة، لكن لو مش متأكدة ودايما حاسة إنك مش مرتاحة، ده ممكن يكون سبب كافي للتفكير الجدي. التفاهم: علاقة الزواج مبنية على التفاهم والمرونة بين الطرفين. لو هو مصرّ على قواعد صارمة من الأول ومش بيديلك فرصة تفسري وجهة نظرك أو تناقشي الأمور معاه بشكل مريح، ده مش مؤشر جيد. لازم تكوني قادرة على التعبير عن نفسك وتلاقي منه استماع وتفهم. المساحة الشخصية: اللي حكيتِه عن ضغطه عليكي في التواصل طول الوقت وإنه بيزعل لو ما ردتيش بسرعة، دي حاجة هامة. لازم يبقى فيه مساحة شخصية لكل طرف في العلاقة. لو انتِ حاسة إنك مختنقة أو مش قادرة تعيشي حياتك بشكل طبيعي، لازم تقفي عند النقطة دي وتتكلمي معاه بجدية. العائلة: مهم جداً تعرفي رأي أهلك وأخواتك، لأنهم شايفين الموضوع من زاوية مختلفة وممكن يكون عندهم تجارب ونصائح تفيدك. بس في النهاية اللي هيعيش الحياة دي هو انتِ، فلازم تكوني مقتنعة تمامًا بقرارك. إذا حسيتي إن الموضوع بيكون تقيل عليكِ أو إنه مش راح يديكِ الفرصة تعيشي حياتك بشكل طبيعي وبدون ضغوطات كتيرة، فكري كويس في اللي هيخليك أسعد وأريح. ولو حسيتي إن المواضيع دي ممكن تتحل بالتفاهم والنقاش مع الوقت، حاولي تديله فرصة أخيرة بناءً على توجيهات قلبك وعقلك. تذكري، الاختيار في النهاية هو لكِ، ولازم تكوني مبسوطة ومرتاحة في حياتك. أي حاجة تانية دايماً ممكن تتصلح أو تتناقش، الأهم هو راحتك النفسية وسعادتك. رفضك له مش معناه ظلم، لكنه طريق للحصول على حياة سعيدة ومستقرة بعيداً عن الضغوطات والمعوقات.ربي يوفقك في اتخاذ القرار الصحيح. 💖
تم النشر الأربعاء، ٥ يونيو ٢٠٢٤
هل ممكن تتعودي على سيطرته وتمسكه بآراءه؟ ولا شايفة إن الاستمرار على الوضع دة ممكن يخنقك ويزهقك. تخيلي المستقبل ما تخرجيش مش بيسيب لك فرصة تتكلمي أو تشتكي ولا عاوزك تحكي حاجة لأهلك يعني هو والأطفال هايبقوا كل حاجة في حياتك. لو دة محتمل او معندكيش مشكلة فيه، يبقى كملي وتوكلي على الله. طب لما نوصل لزيارات الأهل بعدين في الاجازات والأعياد، كدة لازم يكون مرافق ليكي؟ طب لو مش حابب يروح لأهلك ومش عاوزك تنزلي لوحدك؟ طب بحكم وجود أطفال ومضطرة تتعاملي مع أمهات أصحابهم وتشوفي مدارسهم وتوديهم النادي؟ هل هايقدر يرافقكم في كل دة ولا تبقى حكم بالحبس؟ صلاة الاستخارة مش لازم تيجي في تحقيق اللي بنطلبه من ربنا. ممكن تكون تجربة ووحشة كمان بس هاتنفعنا بعد سنين وساعتها جايز نفهم حكمة ربنا.
تم النشر الخميس، ٦ يونيو ٢٠٢٤
حبيبتي انتي اللي تقرري تسبيه او تكملي. لو شايفة نفسك هتستحملي الوضع دا وهتبقى مبسوطة خلاص كملي، ولو شايفة نفسك انك مش هتقدري خلاص سبيه.
تم النشر الأربعاء، ٥ يونيو ٢٠٢٤
بصي انا هخرج برا الموضوع خالص وهقولك حاجة واحدة بس قراية الفاتحة عند الزواج بدعة والرسول صلّ الله عليه وسلم قال إن شر الأمور محدثاتها وكل محدثة بدعة وكل بدعة ضلالة وكل ضلالة في النار
تم النشر الخميس، ٦ يونيو ٢٠٢٤
شوفي المزايا و العيوب، عموماً هو ملهوش اي سلطة عليكي دلوقتي، اهلك هما الي ليهم السلطة و تخرجي امتي وترجعي امتي. فا شوفي المزايا و العيوب و شوفي لو هتستحملي العيوب دي و هل المزايا دي تستحق انك تضحي عشانها ولا لا واختاري هتعملي ايه
تم النشر الأربعاء، ٥ يونيو ٢٠٢٤
لعرض السؤال في فدني اضغط هنا