ملخص بسيط ل ٢٢ سنه

Question

السلام عليكم انا شاب زي اي شاب ارتبط وعمل علاقات حب اونلاين وبدل المرة كتير بس من ونا صغير كنت كل ماشوف اي بنت بفكر فيها كانها حبيبتي كنت ببقي عايز نبقي صحاب ... مش عارف دا اعجاب ولا اي .. ولما دخلت الثانوي كنت لسه راجع من السعودية وللاسف اني كان مقفول عليا من اهلي (مش وحيد اهلي ) اتلميت علي اصدقاء سووء كتيرة وانحدرت جامد لدرجة اني جيت فيوم بقيت احب البنت ولو قابلت غيرها تاني يوم او يومها بليل وحسيتها احلي منها ممكن اسيبها عادي المشكلة ف الارتباط ان دايما كانت ميولي ف الاول حلوة وجميلة الا وبعد مدة وللاسف بلاقي كل ميولي جنسيه معاهم واخاف من ان يحصل اي حاجه وابعد وببقي غلطان بس بقنعهم او اغلطهم انا بتمتع بالزكاء وبقدرة الاقناع ولبق جداا اخر علاقه انا فيها حاليا مع بنتين الاولي s فضلنا سوا مع بعض والعلاقه هاديه وحلوة وبعدها الموضوع قلب معانا احنا الاتنين لميول شهويه وبعدها كل شوية احذرها من ان دا غلط وبعدها هيا وهكذا لحد ماحصل بينا مشكلة واتلككت انها بجد مش هقدر اكمل و يومها اتعرفت علي بتنت وكانت اول بنت اتعرف عليها فيس تو فيس قبل مانتصاحب او نرتبط وكانت البنت دي فهماني جدا جدا جدا لدرجة ان معظم المواقف الي انا واجهتها كانت هيا كمان واجهت شبهها وكان بينا تفاهم وزكاء عااالي جدا وبعد فترة حسيت انها تعرف عني حاحات كتيرة بتضعفني ومن غلطتين ورا بعض فشكلت ورجعت بالصدف الغريبة لاول مرة نزلت شغل ف البلد بتاعت s ورجعنا نتكلم وبقي بينا كلام بس بنجرح بعض جامد وهيا بتصعب عليا انها لسه بتحبني وانا مبقاش ليها فقلبي اي حاجه خاااالص ومش عارف اعمل ايه الاتنين حرفيا بيكلموني وانا بحاول انتظم مع ربنا وبرجع انحدر وانتظم وارجع وهكذا لحد يومنا دا مبقتش فاهم اي حاجه .......ومتشكر علي الاهتمام والاطاله معزورة

Accepted Answer

أنت ربنا أنعم عليك بمواهب ولكنك بدلا من أن تستغلها في نفع الناس أو وضع نفسك في مكان أفضل للأسف استغلتها في دغدغة مشاعر الفتيات .. الانخراط في علاقات غير ناضجة لن تتطور لعلاقة زواج مضيعة لوقتك وتركيزك وممكن يفرق في مستقبلك الوظيفي كثير جدا .. وممكن تلاقي واحد بنصف مواهبك وإمكانياتك بقى في مكان أحسن منك بكتير لأنه اشتغل على نفسه في الوقت اللي أنت كنت مقضيها تسالي!! هذه العلاقات لن يتبقى لك منها إلا الذكرى ويا ريتها كانت ذكرى كويسة (وأهو بكرة نقول كانت ذكرى وعشنالنا يومين)! الكلام دة من الناحية البراجماتية .. وأما من الناحية الدينية فتذكر أن شبابك دة في حد ذاته نعمة من ربنا سوف تسأل عنها وأن الله يغار على محارمه أكثر من غيرة آباء هؤلاء الفتيات على بناتهم وأنك لا تطيق أن ربنا ينظر إليك نظرة غضب وأنت بتعصيه مع واحدة منهم وخلي بالك أن اللي بيشوف أفلام إباحية مثلا بيظلم نفسه بس لكن لما تدخل في علاقة وتعلق شخص بيك وتسيب في نفسه ذكريات الله أعلم هتفضل موجودة لحد إمتى فأنت بتظلمه كمان معاك لو عايز نصيحتي ..اقطع علاقتك بالاثنين فورا وركز في مستقبلك وحافظ على الصلاة في موعدها مهما كان الأمر وحط لنفسك هدف أن الفتاة القادمة التي تتعرف عليها سيكون بمعرفة أهلها بقصد الزواج منها لا غير!

Answer

اهلا ومرحبا بك. طبيعي إنك تشوف حد ممكن تنجذب إليه، كمجرد إعجاب، وليس حب. للأسف أنت أثرت نقطة وهي مشكلة كل اللي انت قولته. (الانغلاق) الانغلاق سواء كان بسبب المجتمع اللي انت عشت فيه، أو بسبب الأسرة. للأسف من كتر الخوف من الأسرة على أبناءهم بيبقى كل شيء مرفوض أو ممنوع، على الرغم أن ممكن تكون فيه صورة سليمة لتوصيل كل شيء ليهم ولكن بطريقة تناسب سنهم، وتناسب معايير المجتمع أيضًا، ولكن لا بأس. أنت الآن هنا، ال ٢٢ سنة بكل حاجه حلوة ووحشة هي انت، عليك تقبل كل ما حدث، سواء الحاجات اللي ملكش فيها ذنب، أو الحاجات اللي عملتها برضاك. بأقترح عليك انك توقف كل العلاقات دلوقت مع البنات، كلها، لأنها مبنية كلها على أساس غلط، وانت عارف كده كويس. أقطعها فورا، وكل اللي حصل قبل كده أتمنى أنك متجلدش نفسك عليه، بل تستغله لصالحك؟ إزاي تستغله؟ بإنك تراجع كل حاجه حصلت، بص على نفسك من جواها، أعرف مميزاتها، عيوبها، اشتغل على نفسك اكتر، اشتغل، تطوع في مؤسسات خيرية، نمي عندك الجانب الروحي. أعرف إن كل اللي فات ده مكانش حب، بل نتاج طبيعي لتنشئتك، الحب مش بنظرة عين، ولا بموقف ولا اتنين، اللي بيحصلك ده مجرد اعجاب. وبعدها زي ما انت قولت بيتحول لميول من نوع تاني، لكن الحب عمره ما هيكون كده. خليك فاكر انك بإيدك أنك تقدر تغير كل ده، تغير كل حياتك.

Answer

اعلم دائما ان الحياه لا تقف علي احد فعليك ان تبتعد عنهم نهائيا وتنتبه لحياتك وارجع الي الله وتوب عما فعلت وعسي الله ان يشرح صدرك ويهديك الي طريقه

ملخص بسيط ل ٢٢ سنه

نفسية

دينية

تربوية

اجتماعية

سؤال من احد أعضاء فدني

تم النشر الأربعاء، ١٦ نوفمبر ٢٠٢٢

5 إجابة

0 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك