انا بتخيل كتير من غير ما أحس بنفسي يعني من شويه تخيلت ان انا فوق 20 سنه وتحت 25 ورحت عند دكتور صحبي في العياده وكنت عمال اهزر واضحك واكلم المرضي وأخرجهم من زعلهم وكده يعني وبعد مده بدأت افوق إني كنت بكلم نفسي انا من بدايه الأمر انا كنت عارف ان ده خيال لكن الخيال ده أجبرني إني استرسل معاه في الأفكار وأزود عليها كمان انا بقالي اكتر من ٤٠ دقيقه كنت بكلم الوهم والخيال وده بيأثر جامد جدا علي مذاكرتي حتي لما باجي اذاكر مش بعرف اذاكر وانا ساكت لازم اذاكر كأني بكلم حد والحد ده بيسألني و انا بشرحله وبقعد افتح مواضيع معاه تانيه ومش بذاكر وده بيأخد مني وقت طويل جداا في المذاكره يعني الصفحه ممكن تاخد مني ساعتين وبعد مفوق بحس بالحزن لأني ضيعت وقت كتير بالله عليكوا انا عايز حد مختص هو الي يرد عليا هل انا كده مريض نفسي وهل في علاج لده ولا لأ انا في كلام كتير عايز اقولو لكن مش هعرف اكتبه
متحسش بالحزن علي الوقت الي ضاع استعوض ربنا وقل قدر الله ما شاء فعل متفتحش باب الشيطان.. بحاول احل الموضوع ده بالذكر خصوصا عند النوم لاني كنت ممكن اقعد بالساعات اتخيل
تم النشر الاثنين، ٢٥ مارس ٢٠٢٤
لابد من زيارة معالج نفسي لمعرفة كافة التفاصيل بوضوح ومساعدتك بشكل أفضل
تم النشر الاثنين، ٢٥ مارس ٢٠٢٤
أنا برضه كده، بتكلم مع نفسي كتير جدا من وأنا صغيرة وأهلي كذا مرة يقفشوني بتكلم مع نفسي وأخلق حوارات وكإني بتكلم مع ناس حقيقية، المهم سألت مرشدة نفسية قالتلي إن أنا طبيعية ما دام مش بشوف أي كائنات غريبة يبقى أنا كده طبيعية، وإن ده بيكون أفضل من إنك تتكلمي مع حد عن اللي مضايقك، المشكلة بس إن الموضوع بيتطور معايا إني لو مندمجة في الحوار حدا ممكن ءتأثر وأعيط، بس ممكن تستغل ده بشكل إيجابي إنت بتقول إنك مش بتعرف تذاكر غير كدا يعني يا بختك أنا مكنتش بعرف أذاكر خالص، المهم حاول تكون اجتماعي عشان متفصل عن الواقع، وكمان عشان تحافظ على تركيزك
تم النشر الاثنين، ٢٥ مارس ٢٠٢٤
لعرض السؤال في فدني اضغط هنا