هل ده وسواس..!؟! انا لما بكون بعمل حاجه زي بقفل الباب بحط كتب في الشنطه يحتفظ بفلوس دائما بتأكد اكتر من مره مع اني لسه شايفاها أو لسه عاملاها ببص واتأكد ويبقي برده مش متطمنه... زي مثلا اخر مره كنت رايحه الدرس وانا حاطه الكتاب في الشنطه بايدي بس مش متأكده وبقول لاه وممكن اقف ابص عليه مع اني حطاه...
هل ده وسواس.. وازاي اتخلص منه
لا خالص ده قله تركيز وده بسبب أن العقل مليان بحاجات كتير وبيفضل يراجع كل حاجه من الاول تاني ممكن تبقي نازله تجيبي كيس شبسي وتلاقي نفسك جايبه بيبسي ده بسبب التفكير الكتير وافضل طريقه للعلاج هيا انك تهدي وتاكل كل يوم حبابه عين الجمل والله حلوه للتركيز اوووي كل يوم الصبح وهتلاقي الدنيا اتعدلت لاكن دي مش وسواس الوسواس ده لي معني تاني خالص
تم النشر الثلاثاء، ١١ أبريل ٢٠٢٣
الوسواس عموما بيكون افكار اوافعال قهريه او الاتنين سوا .وانتي بتبقي مدركه خطأ الفكره ولكن غصب عنك بتسلمي ليها لانها بتسببلك توتر وتنفيذ الفعل القهري بيخفف عنك قلق الفكره دي رغم انك عارفه انها مش صحيحه مش ضروري الي بيحصل معاكي يكون وسواس قهري بس ممكن لاسباب كتير زي انك من ضغط المذاكره مثلا بتنسي وانتي عارفه انك بتنسي ف خايفه تنسي حاجه وبتتاكدي دايما انك مش نسياها او ان تركيزك قليل وفي حجات بتقع منك على مدار اليوم وانتي حابه تكوني ملتزمه في كل حاجه وممكن يكون قلق مش اكتر وفي العموم لازم تواجهي الفكره دي وتأكدي على نفسك مره واحده ان معاكي فلوس وحطاها ف مكان معين واول مالفكره تجيلك بشكل ملح ابدأي قاومي ان الفلوس انتي حطاها بأيدك وانا مش هبص تاني ومش هتأكد تاني وابدأي خدي نفس عميق اكتر من مره وحولي تفكيرك لحاجه تانيه زي دندنه اغنيه او ذكر معين بحيث تغطي على الفكره دي اهم حاجه انك تفضلي ترددي بشكل ذهني انها مجرد فكره بتتردد معاكي وان مش ضروري بتنسي حاجه مش معنى انك نسيتي مره او اتنين قبل كده انك هتفضلي تنسي على طول وهكذا
تم النشر الاثنين، ٩ يناير ٢٠٢٣
ايوة ده وسواس قهري ولو استسلمت له هيفسد عليك حياتك وهيزيد وهيبقى في كل حاجه في يومك وهتتعبي منه جدا جدا عن تجربه افضل علاج له هو الالتزام بنصيحه النبي صلى الله عليه وسلم في علاجه ( اول ما يجيلك الوسواس استعيذي بالله من الشيطان ولا تلتفتي مهما حصل ) لا تلتفتي يعني لا تعيري اي كلام او شك جوه نفسك اي اهتمام كان الشك ده مش بيحصل اصلا اياك تعبريه ولا حتى تروحي تتاكدي ولا كان مخك بيقول لك حاجه .. واضيف كمان انك عشان متتردديش اربطي ده بعمل صالح يعني اول ما يجيلك الوسواس استعيذي وابدأي استغفري ١٠٠ كدمرة مثلا او سبحي او اقرأي اية الكرسي والمعوذات او طلعي صدقه او اقرأي صفحه قران اعملي اي عمل صالح عشان الشيطان هيلاقي ان كل وسوسه انت بتاخدي عليها حسنات وفي نفس الوقت مش بتستجيبي له فهيبدا ينصرف عنك تماما لانه مش عاوزك تاخدي حسنات على حسابه كمان انصحك تعملي حجامه بتخفف حدة الوسوسة وربنا يعافيك
تم النشر الأحد، ٨ يناير ٢٠٢٣
ده وسواس طبعا انا زيك بس بقيت اتجاهل واعمل اي حاجة مثلا احط فلوس في المحفظة .. شكيت بعد كده؟ .. اقول انا متأكد وزي ما تيجي تيجي، مبرجعش اتأكد علشان مستسلمش للوسواس ويكبر.
تم النشر الاثنين، ٩ يناير ٢٠٢٣
فعلا وسواس قهرى ومحتاجه نصيحه دكتور نفسى
تم النشر الاثنين، ٣٠ يناير ٢٠٢٣
لعرض السؤال في فدني اضغط هنا