انا عندي ١٥سنه
بصراحه انا لسه محوله من مدرستي فرحت مدرسه جديده
في بدايه الترم كان في ولد عجبني بس مكنتش بحبه هو بس كان شكله حلو فكان عجبني مكنتش بهتم بيه هو كان معايا في الدرس انا مكنتش بهتم بشكلي ولا بتصرافتي قدامه كنت عادي طبيعية وبعدين لما غيرت مجموعتي مبقتش معاه بقيت بصدفوه في اي حته
بنبص علي بعض كده لثواني مش عارفه بس تقريبا كأي بنت في مرحلتي انجذبت ليه اوي بقيت كل ما اشوفه اهتم بمظهري و كلامي و تصرفاتي
في مره عده اربع ايام من غير ما اشوفه كنت مضيقه اوي
وبعدين لما شفته تنيت متنحا فيه انا كنت بحبه بس مقلتش لحد
بعدين لما سألت عنه صحابي قلولي ان هو كان مصاحب بنتان قبل كده و كان بيلعب بيهم و سبهم والبنتان في الحقيقه تلعوه صحابي جامد يعني
انا لما عرفت كده مبقتش طيقاه الصراحه بقيت بضايق كل ما اشوفه
وبعدين رحت درس انجليزي جديد
لقيته هناك كل ما اجاوب سؤال او المستر يوجهلي كلام يجي هو مضير باسس عليا بيمشي وريا في كل حته و جرب يكلمني لكن انا اتجهلتوه كتير علطول بيبص عليا حتي انه احيانا بيبقي واقف قدام بيتي ع صحابه انا كنت مضيقه
بس كنت خايفه برضوه
بصراحه دي اول مره حد يظهرلي اهتمام كده انا كنت متلغبطه كنت فرحانه و مضيقه و بعدين طنشتوه شويه
لغايه ما بقا عادي معايا بس لسه بيبص عليا علطول
انا بقا مش عارفه انا ليه علطول بفكر فيه مش عارفه افكر غير فيه
تقريبا انا بحبه بس لما هو يبطل يهتم بيا انما لما يهتم انا بضايق انا بصراحه مش عرفه وضعي اي
قولت اكتب
ياريت حد يديني رأيه يا جماعه هكون شكره اوي
شوفى يا ست البنات. المشاعر البناتى دى بتبقي عاملة زى الشتله الصغيره اللى بنحتاج نراعيها عشان تكبر وتبقي شجره جميلة . طبيعى انك تبدأى تنجذبي للجنس الاخر وتبقي مشدودة لاى علامة اهتمام حتى لو نظرة. حسيتى بالانجذاب او الاهتمام او اى شعور ليه اسم حلو وخلاكى تبقي مبسوطة ومهتمه بنفسك.....مفيهوش مشكلة المشكلة انك تبدأى تاخدى اى افعال بناءا على الشعور ده. زى ما قولتلك دى شتله صغيره لو عاملناها معاملة الشجرة الكبيرة هنأذيها. الاهتمام او النظرات وانك بتضايقى لازم تبدأى توجهيهم تاخديهم من بابا او ماما ...لما تلبسي حلو روحى لماما او بابا وقوليله ايه رأيك حلو كده ...انا بحب تشوفونى حلوه ...هتاخدى اللى محتاجاه منهم ومع الوقت مش هتضايقى انك فقدتى نظرات الولد ده. ربنا يبعد عنك كل الوحشيين وربنا بيحبك اهو وخلاكى عرفتى ان مش كل حد شكله حلو وانجذبتى ليه هيكون انسان كويس وممكن يكون وحش ....عشان كده مينفعش نمشي ورا مشاعرنا بس وناخد افعال ممكن تأذينا.
تم النشر السبت، ٤ مارس ٢٠٢٣
الحب يا صغنن (موده و رحمه) يعني اولا كدا احنا بنقول انتي لسا صغيره عشان مفهمتيش الجمله ، فبلاش حب اساسا ف السن دا عشان بيكون نتجية اهمال الاهل ف اهتمامتهم معاكي ف طبيعي حد اهتم حتسي بيحبك و انتي ف سن اساسا ف تجاهل كتير و ضغط و اهتمام بشكل اوفر عليكي كل حاجه متلغبطه حوليكي كله داخل ف بعضه ف طبيعي تكوني مشتته ركزي على نفسك يا صغنن و اهتمي بنفسك لنفسك و حطي اهلك قدامك ف كل خطوه بتعمليها حسها غلط مش لازم ناخد رايهم ف حاجات بس لما نحطهم قدمنا وجهة نظرنا بتتغير ،،،و انتي اكبر خطوه حلوه انك استشارتي طلما انتي حاسه ان ممكن اهلك يهجموكي ف انتي ولدتي جواكي شجاعه بس الاحسن حاجه ف كل دا انك فكرتي مخدتيش قرار عشوائي مبني على نظرات و مشاعر وحاجات وهميه
تم النشر الجمعة، ٣ مارس ٢٠٢٣
برافوا عليكي جدا انك متكلمتيش معاه ومدتيلهوش الفرصه دي وانتي قلتي حاجه كويسه انك لما سألتي قالوا عنه انه بيلعب بالبنات وهو مش مركز ف مستقبله ولا بيفكر كويس هو طايش ..لكن المهم عندنا دلوقتي بنوتتنا الجميله طبيعي تهتمي بنفسك بشكلك ولبسك لانك جميله وتستحقي تفضلي كده مش عشان حد ابدا كمان انتي لسه صغيره كل يوم بتكبري بتنضجي اكتر وبتكتشفي ان في حجات كتير كانت بتحصل وعملتيها وفكرتي فيها وقولتي يارتني مكنت فكرت فيه او عملت كده وممكن ف وقت تقولي الحمد لله اني معملتش كده واني حافظت ع مشاعري لحد يستاهلها وتعب عشاني وجالي بشكل صح يرضي ربنا وقدام كل الناس وحابه انك تقرأي روايه اسمها اكتشفت زوجي ف الاتوبيس لدكتوره دعاء عبدالرحمن هي واقعيه جدا وهتجاوب ع مشاعر كتير عندك واسأله وهتساعدك قوي الفتره دي
تم النشر السبت، ٤ مارس ٢٠٢٣
شطوره إنك بتكتبي و تشاركي بس هيكون أفضل لو مامتك حتي لو هي مشغوله عنك ابدأي آنتي صاحبيها وحلو انك واعيه إنها مراهقه وعلي فكره مشاعر الوقت ده صادقه جدا بس هي ملهاش نتيجة وبتبقي هلك مشاعر ع الفاضي يعني مثلا حكيتي إنه ولد صاحب مرتين وبيلعب بيهم يعني هو أصلا مصاحبه دي مفيش خلاف إنها غلط وحرام وعيب وخاصا فالسن ده بس هو مش مطالب منه حاجه يعني طبيعي يبقي بيتسلي بس طبعا غلط كبير عليه وغلط كبير ع البنات ال وافقت بده لكن هو مش ملزم خالص بأي وعود فاهمه انكم تكونوا صحاب فالدروس ومدرسه جروب مع بعض تقولو لبعض شكلك حلو ده مش غلط بس مينفعش نتعدي الحدود دي. زماله وبس مشاعرك اكتبيها بجد لما تكبري هتحبي آوي آوي ترجعي تقرئيها وتتفرجي علي صوركم إعملي نوت كبيره ذكريات وحطي فيها صور واحكي فيها براحتك. Journaling لطيف كده
تم النشر الجمعة، ٣ مارس ٢٠٢٣
لعرض السؤال في فدني اضغط هنا