يا جماعه انا مليش صحاب انا صاحب الكل ومليش صاحب ارتاحلو خالص كلهم صحاب بالاسم والموضوع ده تاعبني يعتبر انا مجرد صاحب احتياطي لأصحابي لو عاوزني ببقى معاه مش عاوزني ببقى مش فارق مع حد وتعبت اوي من الموضوع ده اعمل اي ومبقتش أذاكر وبقيت واحد فاشل حرفيا مليش اي هدف في الحياه
السلام عليكم ورحمه الله وبركاته. مش مش دائما هيبقى عندنا الصاحب اللي هو القريب قوي قوي ده انه احنا صغيرين مش لازم العادي جدا انا ممكن اعدي في مراحل في حياتي مليش صاحب قريب ودي مش حاجه وحشه دي حاجه كويسه ومعناها بتقول ان انا رغم ان اللي حواليا كتير الا ان انا ما اخترتش اي حد وخلاص اقربه مني عشان يبقى لي صاحب قريب، انا مش هختار الا الشخص اللي فعلا ينفع يكون قريب مني. طيب هل بقى انا فعلا بختار ولا انا قاعد مستني حد يختارني اكون شخص قريب؟ هنا تبقى هي دي المشكله، لو انا قاعد مستني حد يخطرني فانا المفروض ابدا اكون انا اللي مستلم زمام الأمور، انا اللي بقرر في حد من اللي حواليا دول ينفع اكون صاحب ولا لا طيب بناء على ايه بناء على اللي انا عايز صاحبي يساعدني عليه او اللي عايز صاحبي يدعمني فيه. واللي انا كمان اقدر اقدمه لصاحبي ده وده اللي بيخليني اشوف من الشخص اللي ينفع يكون قريب مني. انك بقى فاشل وما فيش هدف بتاعتك انت دي ما لهاش علاقه بالصحاب لو انت رابطها بالصحاب وانك مستني يكون هدفك هو وهو هدف الشلة او هدف صاحب القريب يبقى انتوا الاتنين هدفكوا زي بعض ماشيين في نفس الطريق برضه مشكله هدفي انا في الحياه ملوش علاقه بحد انا بيكون لي هدف وبيكون لطريق وانا ماشي في الطريق ده لما بلاقي حد زيي في نفس الطريق بقرر ان هو ده اللي يكون صاحبي.
تم النشر الأحد، ٢٣ فبراير ٢٠٢٥
طيب نتكلم في نقطتين. بما انك بتقول انك بتذاكر يبقى لسه في مرحله عمريه صغيره يبقى محتاج نفهم ان الأصحاب في الوقت ده بيبقى ليهم عوامل. بمعنى انت نفسك ليه ممكن تصاحب حد فاشل؟؟. وقت المدرسه والدروس او حتى الكليه كلنا بنحب نقرب من رمز النجاح. الشخص اللي بنحسه واخد خطوه زياده عننا. تعرف ان مش لازم يكون ذكي؟؟ هو بس بيكون شايل مسئوليه نفسه وعايز يزكيها وياخد فرصه أكبر في الحياه. تفتكر لو هو فاشل هنقربله ليه؟؟ هيزود لينا ايه مثلا؟؟. ثانيا كلمه فاشل دي غير واقعيه انت بتنجح كل يوم في حاجات كتير بس انت مش بتاخد بالك. يبقى انت لازم تشيل مسئوليه نفسك. وتقرر انك مش هتسيبها تضيع. وتقوم تجيب كتبك كده وتشوف عندك ايه نذاكره ونفهمه وتروح دروسك وتحضر وانت هتلاقي الكل بيقرب منك. طيب مقربوش؟؟ مش مهم الدايره دي خالص. انت لو نزلت المسجد صليت واستنيت سمعت دروس هتلاقي صحبه ممتعه وناس هتكبرك بشكل لطيف. طيب لو معاك مصروف وعرفت تحوش منه حبه كده وتروح مكان فيه أطفال تفرحهم. خليك شخص عنده خزين نفسي مليان. وافتكر كويس ان المسلم كالغيث أينما وقع نفع♥️ وهتكبر وتقابل ناس تقف في ضهرك وتسندك زي اخواتك ويكونوا عيلتك التانيه. ماتستعجلش ع الأصحاب دلوقت الدنيا هتدهشك كل ماتكبر. ركز في طريقك دلوقت واعمل اللي عليك وخليك راجل مع نفسك. واما تصلي ادعي ربنا يرزقك صحبه صالحه لانه فعلا رزق♥️. عارف اهم واول حد ممكن تصاحبه مين؟ هو انت اصلا. صاحب نفسك كده وقويها وشدها معاك وقتها هتلاقي الصاحب اللي شبهك.
تم النشر السبت، ٢٢ فبراير ٢٠٢٥
اسمحلي اقولك ان انت مش مختلف بالعكس عادي في ناس كتيره جدا مش معاها صحاب زمايل بس وبعدين هقولك على حاجه اغلب العلاقات دلوقت بقت كدا صدقني العيب مش فيك ولا فيهم الحياه بقت صعبه وبتلهي كتير اوي حب نفسك واشتغل عليها وصاحب نفسك وحبها
تم النشر الأحد، ٢٣ فبراير ٢٠٢٥
أولاً، أود أن أعتذر لك عن مشاعرك الحالية التي تشعر بها، فالوحدة قد تكون عبئاً ثقيلاً على النفس وتؤثر سلباً على صحتك النفسية. من الواضح أنك تمر بوقت صعب وأنك تشعر بالخذلان من علاقاتك الاجتماعية. للخروج من هذه الحالة، من المهم أن تبدأ بترتيب الأولويات في حياتك. إليك بعض النقاط التي قد تساعدك: تحديد الأهداف : حاول وضع أهداف صغيرة وقابلة للتحقيق. يمكنك البدء بأهداف دراسية أو شخصية، مثل قراءة كتاب جديد أو تحسين مهارة معينة. تطوير علاقات جديدة : ابحث عن أنشطة أو مجتمعات تهتم بها، مثل الرياضة، الفنون، أو التطوع. هذا سيمكنك من التعرف على أشخاص جدد وتكوين صداقات حقيقية. التعبير عن مشاعرك : حاول التحدث مع أحد الأصدقاء أو العائلة عن مشاعرك. التعبير عن ما في داخلك قد يساعدك على الشعور بالراحة. تقييم العلاقات الحالية : قد تحتاج إلى التفكير في الصداقات التي لديك. هل هي صحية؟ هل تظهرك بشكل جيد؟ من المهم أن تحيط نفسك بأشخاص يدعمونك ويشجعونك. طلب المساعدة : إذا شعرت أن الأمور تفوق قدرتك، لا تتردد في طلب المساعدة من مختص في الصحة النفسية. قد يكون لديهم أدوات وتقنيات تساعدك في تحسين حالتك. تذكر أنك لست وحدك في هذا، وهناك أشخاص يهتمون بك حتى وإن لم تشعر بذلك حالياً. اتخذ خطوة صغيرة اليوم نحو تحسين وضعك، وإن شاء الله ستsee النور في حياتك قريباً.
تم النشر الجمعة، ٢١ فبراير ٢٠٢٥
في مقوله حلوه سمعتها من الدكتور ياسر الحزيمي بيقول كل م زاد استغنائك عن الناس زاد احتياج الناس لك الخلاصه زاكر واجتهد وشد حيلك واخرج من اي علاقه انت مش مرتاح فيها وحدد لنفسك هدف انت نفسك توصلو وادعي ربنا كتير كتير انو يثبتك على طريق الخير وان يرزقك صحه صالحه ولا تمل من الدعاء اوعى تمل من الدعاء بعدما تبقى حاجه كويسه وتوصل لهدفك او لمكانه اجتماعيه عاليه صدقني هما اللي حيتمنو انهم يبقو اصحابك حاول وسعتها ربنا حيرزقك بناس شبهك اصبر انت بس واوعى تنسى انك تحسن علاقتك مع ربنا دي اهم من كل دا
تم النشر الأحد، ٢٣ فبراير ٢٠٢٥
شوف انا موقفي مشابه لموقفك نسبياً مأذيتش حد والحمد لله بتعامل مع الكل بالحسنة ولما جت الاجازة قل التواصل بينا ولما رجعت الدروس لقيت صحاب قريبة ليا بعدت عني وبنمشي جنب بعض عشان طريقنا واحد ولغاية دلوقت مقالوش عاملة ايه من بداية الترم اه اتضايقت الي هو ليه! بس عديت الموضوع مهو الي يتعامل معايا كده وانا معملتش حاجة يبقا العيب منه، وجه فبالي كده انهم "اتعودوا على وجودي" مهو لما تبقا موجود طول الوقت وضامن وجودك لا انا هشوف حد تاني اتعرف عليه ما انت موجود مش هتمشي، بصراحة مخدتش وقت كبير لاني كنت عارفة ان كلنا فترات في حياة بعض لازم تيجي ناس تحبها وتمشي هتعلمك حجات كتير حتى لو شخصيات سلبية ومسمومة بس هتتعلم بردو ومينفعش تتعلق بحد اكتر من ربنا لان صدقني هيبعد، واهم حاجة تحسن علاقتك بربنا محدش فيهم هيغنيك ولا هيفيدك بحاجة لو ربنا مش راضي عنك، ولو ربنا رضي عنك هيحبب فيك خلقه، واهم حاجة اخلاقك لازم عشان تلاقي ناس تناسبك تكون اخلاقك طيبة عشان تلاقي ناس شبهك ، ومشكلة المذاكرة دي بقا انا يادوب راكمت وهقولك عشان تلحق نفسك بقا الحاجة الي شجعتني ارجع اذاكر ومحسش بالوقت ولا الصحاب الي وجودها زي عدمها كان تطبيق Flip التطبيق ده بالنسبالي خطير لانك بتفتح التايمر وتلاقي ناس بتذاكر زيك وبتدخل تصنيفات على اكتر عدد ساعات مذاكرة هتلاقي نفسك كل شوية تفتحه وتجيب اي مادة وتذاكر عشان تدخل التصنيف وتقدر تدخل جروبات ويبقا معاك ناس تانية بتذاكر وتشجعك وهتلاقي نفسك بتخلص مذاكرتك لان والله هي الي هتنفعك ومفيش حد يستاهل وعايزة اقولك ان اه الواحد ليه ناس يعرفها ومعرفة سطحية بس مش شرط يكون عندك صاحب قريب وتحكيله انا لما بتخنق بحكي لحد من اهلي او بتعامل مع مشاعري بنفسي،وطبعا احسن حد تحكيله وفكك من اي حد هو ربنا لانه القادر يبدل حالك وانت الي محتاجه، اكتب الي جواك حتى لو على ورق وصدقني لو قدرت تواسي نفسك وتقف معاها مش هتحتاج حد يواسيك، وعايزة اقولك بردو ان محدش مهتم يسمع مشاكلك كل واحد عنده مشاكله وكل الي هيقدروا يقولوه انهم يواسوك وبما ان هتبقا يادوب مواسية واسي نفسك، وبردو الناس مش عايزة تعرف شخص مش مهتم يطور نفسه ولا شاطر مثلا الكل هيحبك لما يلاقوك ناجح (دروس بقا او عندك معلومات كتير) انجح في مجالك دلوقت انجح في دراستك وهتلاقي الناس بتيجي تتعرف عليك وجايز ساعتها تصاحب ناس شاطرة تسحبك معاها، بردو انت ممكن تنزل اعمال تطوعية في محافظتك زي جمعية رسالة وجمعيات تانية كتير وهتلاقي نفسك بتتعامل مع ناس كتير وبتكون معارف جديدة ومن اماكن مختلفةوغير الثواب الي بتاخده في الاعمال دي، وخد كورسات في حجات كتير هتفيدك قدام مفيش حاجة مش مفيدة هتلاقي جروبات على تليجرام بتدي كورسات مجانية خدها وطور من نفسك ه وخلي هدفك تبقا احسن نسخة من نفسك امبارح لازم ميعديش اليوم من غير ما تتعلم حاجة تنفعك عارفة ان الرسالة طويلة جدا وبجد انا قلت اغلبية الحجات الي خلتني مهتمش بالفكرة دي وبإذن الله تستفاد ولو مفيش حاجة قدرت اساعدك بيها في الرسالة دي اكيد هتلاقي حل بس في حجات تانية
تم النشر الأحد، ٢٣ فبراير ٢٠٢٥
سيبك من اللي حواليك وماتتعبش نفسك ركز مع حالك واللي يحتاجك منهم قوله مش فاضي اظهر على مزاجك مش على مزاجهم وذاكر وانجح لأنك واضح ان اللي حواليك مأثرين عليك سلبا مش إيجابا خليك مع حالك واكسب نفسك وربنا يوفقك
تم النشر السبت، ٢٢ فبراير ٢٠٢٥
والله م شافو مني غير كل خير عشان اراضيهم وضيعوني دراسيا منهم لله
تم النشر السبت، ٢٢ فبراير ٢٠٢٥
لعرض السؤال في فدني اضغط هنا