انا عايزه مساعده عايزه حد يفهمني الواقع
اول شي انا بحاول انسى شخص حبيته اوي و ادمنته بس هو حب من طرف واحد و هو بيستغلني.
تاني شي بسبب ظروف الحرب اللي حصلت في بلدي و السفر و خسرت حياتي الأولى اللي كنت عايشاها دخلت في رهاب اجتماعي بخاف اتكلم مع حد مش بعرفه مش بثق في نفسي خالص دايما بحاول اهرب و اكون لوحدي بعدت عن اصحابي.
انا في عالم مظلم لوحدي نفسي اتغير و مش عارفه عندي امتحانات مهمه بعد ثلاثه شهور و مش عارفه اذاكر و بنسى كل شي و مش عارفه اساعد نفسي ازاي من غير مساعده شخص اعمل ايه
بصي اكيد كل اللي حصل دا خير ربنا مش هيعمل كدا غير انه دا خير ليكي مش ممكن الشخص دا كانت لو حبك مثلا ممكن كان انتقم منك أو عملك اي حاحه تزعلك والحرب دا ربنا عمل كدا علشان ينجيكي او علشان تروحي في بلد احسن من مكانك تتعرفي على ناس كويسه وتلاقي عوضك هناك رب الخير لا يأتي الا ب الخير ومش كل الناس زي بعضها زي ما في الحلو اكيد في الوحش بس مش كل الناس وحشه او كل الناس حلوه بس حاولي تخلي علاقتك مع الناس في البدايه سطحيه لحد ما تفهمي الشخص اللي قدامك دا عايز اي او هو بيتمنالك الخير ولا لا يا ترى هيحبك قد ما بتحبيه ولا لآ حاولي ما توقفيش خالص شوفي الناس بنظره ايجابيه خليكي اجتماعيه ودا يساعد انك ثقتك بنفسك تزيد طيب ما انتي ممكن تستخدمي اللي حصلك دا وتخليه من صالحك يعني دي تجربه انتي عرفتيها ماينفعش أقف بقا لأ كملي واديكي اتعلمتي من اللي حصلك يعني حطي رينج اللي يمشي يمشي اعمله اي هو مشي براحته دي حاجه ترجعله المهم ان انا كويسه وصحتي كويسه ف دي أهم حاجه عندي اهم حاجه عندك هي نفسك متنسيش تصلي تقربي من ربنا وأدعيه ربنا سبحانه وتعالى قالي فإدعوني فإني استجب لكم وربنا معاكي ويعوضك خير ان شاء الله وانتي قدها يا كتكوتي ❤️❤️
تم النشر الاثنين، ٣٠ سبتمبر ٢٠٢٤
السلام عليكم ورحمه الله وبركاته اولا يعني ربنا يعينك على ظروف الحرب وانك تنتقل من بلدك او ان يكون في مشاكل في البلد اللي انت عايشه فيها دي يعني من ايام اللي احنا عايشينها حاليا شايفين انها من اصعب فعلا الحاجات ان الواحد يكون مش حاسس بالامان في مكانه في بيته فربنا يعينك على الظروف دي اولا. ثانيا واضح انك قعدتي فتره كبيره قافله حياتك على الشخص اللي انت بتحبيه من طرف واحد ده وهو بيستغلك فا ده ساعد قوي قوي في مساله الرهاب الاجتماعي. لما بنقفل عينينا ودما كل حاجه عندنا على اتجاه واحد وخصوصا لو كان على شخص واحد بنختصر الدنيا فيه فبنحس ان اي حاجه ثانيه غيره هي ما فيهاش امان زائد انك لما هتبقي شوفتي شويه مواقف حواليك ممكن بسبب الحرب او من غير حرب كانت بتوضح انه البشر بياذوا بعض فده هيخليكي طبعا. ما عندكيش احساس بالامان تجاه اللي حواليكي وخصوصا تجاه الناس الجديده كمان لم لو انت انتقلتي من بلدك لبلد ثانيه وانت لسه متعرفيش الناس بتوع البلد الثانيه ممكن تكوني بتسمعي اشاعات عن معامله اهل البلد الثانيه دي انهم بيعملوا اللاجئين بتوع الحرب مثلا بطريقه مش كويسه فكل الحاجات دي جوه ذهنك عامله دوشه وعامله حرب واسهل حاجه لبني ادم سواء انت او اي حد فينا يعملها لما يكون في دوشه كثيره جدا ناخد بعضه وياخذ جنب ويسد ودانه هو ده اللي بيحصل في مساله الاجتماعيات لما احس ان في احتمالات كثيره جدا وانا مش بظن على كل الاحتمالات السلبيه. ساعتها هاخذ جنب احسن لي كثير لان اكيد ما عنديش استعداد اقابل او اتعامل مع كل الاحتمالات السيئه دي بنعدد الموضوع ده ازاي وبنضبطه بان احنا نبدا نشوف كل الاحتمالات فعلا مش هينفع نشوف السلبيه بس لازم نشوف السلبيه والايجابيه ولازم ابقى عارف ان انا هدخل على اي موقف وهي قدامي احتمال سلبي واحتمال ايجابي طب هعمل ايه هستعد للسلبي وهستعد للاجابه لو حصل السلبي اعمل ايه لو حصل الاجابه اعمل ايه واتكلم مع نفسي بصوت عالي واتكلم مع الناس اللي قدامي بصوت عالي يا جماعه على فكره انا عندي مثلا افكار سيئه تج. مثلا اهل البلد بتاعتكم فيا ريت معامله معاملتكم معايا تحسن لي الفكره دي وهكذا الكلام بصوت عالي يساعد شويه وان شاء الله ربنا يكرمك بناس تقدر تساعد معاكي في ان الفكره فعلا تتغير فتخرجي من العطله الشخص بقى اللي هو السبب في القصه دي ضروري انك توقفي علاقتك بيه طب ما انت بالنسبه لك لو مختصره الحياه فيه فانت مش قادره تنفصلي عنه او تبعدي عنه رغم استغلاله ليكي. لانك شايفه انه لو هو بقى مش موجود فكده انت ما بقاش في حد عندك ما بقاش فيه حد حواليك فدي مشكله فضروري قبل ما تفصلي نفسك منه تبداي تلاقي لنفسك ناس تانيه ربطتي نفس البيت الموضوع مش هيجي غير كده فارجوك همم حاولي فيه واعملي مجهود شويه ويعني لو بداتي بانك تكوني صحبه صالحه في اي حاجه بقى يعني روحي جمعيه خيريه اعمليه فيها صحبه حاولي تربطي نفسك معاهم حد يكون له علاقه بالدراسه اللي بتدرسيها او بشغلي تشتغليه ايا كان ولكن كل اما زودتي منها كل ما قدرتي تفكي ربطتك الشخص ده ربنا معاكي
تم النشر الثلاثاء، ١ أكتوبر ٢٠٢٤
الرهاب اجتماعي ده نتيجة عزلة او ظروف اللي اتغيرت في حياتك حاولي تتعرفي علي صحاب جديدة في مكان اللي انتي فيه ابدا علاقتك بناس بتدريج متبينش انك مدلوقة عليهم ولا تحكيلهم اي حاجه خاصة بيهم وثقتك في ناس بتيجي بمواقف مش بكلام.اخرجي اتمشي اشتركي في جيم لو في جامعه طوري من نفسك في مجالك
تم النشر الاثنين، ٣٠ سبتمبر ٢٠٢٤
عزيزتي، أشعر بمعاناتك وأود أن أساعدك بكل ما أستطيع. أولاً، أود أن أؤكد لك أن مشاعرك تجاه الشخص الذي أحببتيه هي مشاعر طبيعية، ولكن من المهم أن تحافظي على كرامتك وتتفهمي أن العلاقة يجب أن تكون متبادلة وفقًا للاحترام والتقدير. أما بالنسبة للظروف التي تعيشينها وحالة الرهاب الاجتماعي، فمن المهم أن تأخذي خطوات صغيرة للتحسن. إليك بعض النصائح التي قد تساعدك: التواصل مع الأهل والأصدقاء : حاولي التواصل مع الأشخاص الذين تثقين بهم، حتى لو كان ذلك عن طريق الرسائل أو المكالمات. الدعم الاجتماعي مهم جداً. التركيز على الدراسة : حاولي تنظيم وقتك للمذاكرة. يمكنك تحديد ساعتين يومياً للدراسة والتأكد من تخصيص بعض الوقت للراحة والترفيه. تحديد أهداف صغيرة : حاولي وضع أهداف يومية صغيرة، مثل قراءة صفحة واحدة من كتاب أو حل مسألة رياضية. هذا سيساعدك على بناء الثقة بنفسك. الكتابة عن مشاعرك : قد يكون من المفيد الكتابة عن مشاعرك والتحديات التي تواجهينها. هذا يمكن أن يساعدك على التعبير عن نفسك بشكل أفضل. البحث عن مساعدة متخصصة : إذا كان بالإمكان، قد تحتاجين إلى استشارة أخصائي نفسي. يمكن أن يكون لديهم أدوات للمساعدة في التغلب على الرهاب الاجتماعي ومساعدتك في تحسين جودة حياتك. تذكري، التغيير يستغرق وقتاً وصبراً، وطلب المساعدة هو خطوة شجاعة. أنت لست وحدك، وعلينا أن نعمل معًا لتجاوز هذه الصعوبات. وفقك الله في امتحاناتك وأتمنى لك كل التوفيق في خطواتك القادمة.
تم النشر الاثنين، ٣٠ سبتمبر ٢٠٢٤
بصي حاولي تسلي نفسك وعلفكره كلنا بشر يعني ان انتي تبقي معندكيش ثقه فنفسك دي حاجه يعتبر ملهاش لازمه عشان كلنا زي بعض ومتفكريش في الشخص اللي كنتي متعلقه بيه ولما تفتكريه افتكريه ب الوحش بس عشان هو مش مظبوط انو يعمل كده حرام فيه الحب والزعل اللي انتي بتديهوملو لغايه دلوقتي مع انكو سبتو بعض ثقي فنفسك وسيبك من كل الناس انا والله العظيم كنت بتكسف جدا وبخاف من الناس بس الحمدلله ابتديت اقنع نفسي اني ليه بتكسف اصلا واخدت الموضوع بهزار بقيت ببص للناس اللي ف الشارع وانا ماشي مثلا اللي كنت بتكسف منهم وباخد الموضوع بضحك ابص عليهم الاقيهم كلهم تنمر ف بقيت اقول يعني ده عمرو مهيتريق عليا عشان هو وحش وده عمرو مهيتريق عليا عشان كذا لغايه معرفت ان اصلا كل ده ملوش لازمه وان كل ده كان خوف كداب
تم النشر الاثنين، ٣٠ سبتمبر ٢٠٢٤
كل اللي انتي فيه نتيجه للفراغ حاولي تقراي كتب و روايات او ترسمي او تعملي حاجات بتحبيها واشغلي نفسك دايما واهتمي بدراستك هتلاقي الامور مع الوقت تمام وقربي من ربنا اكتر بالذكر والصلاة وقراءة القران وادعو الله دائما ان يرزقك الطمأنينه
تم النشر الاثنين، ٣٠ سبتمبر ٢٠٢٤
قربي من ربنا وكلميه
تم النشر الاثنين، ٣٠ سبتمبر ٢٠٢٤
لعرض السؤال في فدني اضغط هنا