السلام عليكم ورحمة الله وبركاته
اعتقد محتاجه مساعدة
حالتي حاليا متوقفه بشكل كامل حتي ابسط الحتياجات نايمه اغلب اليوم وامورى ملخبطه عايزة تغير في كل حاجه وعارفه طريقه التغير ولكن مش قادرة اعمل حاجه كأني مسجونه جوة جسمي مش عارفه اعمل ايه او ابدا منين حالتي كدة من فترة ولكن حاليا بدا صداع غير عادى في دماغي بيجي مجرد مقوم من النوم مش متحملاه ومش بيروح غير بمسكنات كتير
كشفتى عند طبيب باطنه او عملتى تحاليل ولا لا ؟
تم النشر الأحد، ١٠ مارس ٢٠٢٤
ممكن يكون اكتئاب او فرط التفكير و القلق ممكن يساعدك لو قرأتي عنهم و لو طلع عندك أعراض منهم ممكن تروحي لدكتور نفسي او تقولي لحد قريب منك و ممكن يساعدك انك تبقي احسن في الغالب دي أعراض اكتئاب لو مش قادرة تقومي من السرير و دايما تعبانه و حاسة بيأس و ضيق و رغم انك عارفة اذاي تتغيري الا انك مش قادرة و حاسة ان طاقتك مستنزفة دايما و علاقاتك الاجتماعية بقت سيئة بسبب ده و الناس شيفاكي متغيرة و بقيتي منطوية على نفسك و لا اما بتاكلي كتير جدا او مش بتاكلي خالص لو الوضع كده فممكن جدا انه يكون اكتئاب و هيساعدك انك تقرأي عنه و توعي نفسك و انك تروحي لدكتور نفسي و الصلاة و التقرب من ربنا دي حلول هتساعدك جدا و كمان ممكن تدوني الحاجات الي بتضايقك كمان بيساعد و حاولي ما تستسلميش لأن الاكتئاب ده شيء صعب بتبقي مش عارفة مالك و انتي ليه كده و بتبقي عارفة اذاي ممكن تغيري من نفسك لكن مش بتبقي قادرة و مش عارفة ليه انتي مش قادرة ده الاكتئاب ببساطة و بيأثر على نفسيتك و على جسدك فممكن تلاقي أعراض جسدية ذي مثلا الصداع او الإرهاق الجسدي و كمان علاقتك بالناس الي حواليكي بتتغير رغم انك مش فاهمه ليه بس بتحسي انك مش قادرة تتواصلي معاهم و دايما تعبانة و عاوزة تنامي المهم انك ما تستسلميش و تحاولي تعالجي نفسك لو عندك فعلا أعراض الاكتئاب
تم النشر الجمعة، ٨ مارس ٢٠٢٤
شوية رياضة في البيت، واتعلمي لغة جديده، وورد قران، ممكن تحفظي سوره او اتنين، لو لسه ف الدراسة، اشتغليعلي نفسك اكتر. الخلاصه حاولي تملي يومك باكتفتيز
تم النشر الجمعة، ٨ مارس ٢٠٢٤
وعليكم السلام ورحمه الله وبركاته انصح حضرتك بسماع سورة البقرة يوميا او كل 3 ايام علي الاقل ثم وضع جدول ليومك بالتساوي و لا تنسي وقت للمرح اتمني لك حياه سعيده
تم النشر الأحد، ١٠ مارس ٢٠٢٤
وعليكم السلام ورحمه الله وبركاته اول حاجه تبدأي بيها يومك هيا صلاه الفجر في المعاد وبعدين تعملي جدول فيها مهامك وتنطظمي عليه
تم النشر الجمعة، ٨ مارس ٢٠٢٤
لعرض السؤال في فدني اضغط هنا