بفكر كتير
بجد بفكر كتير اوي والموضوع ده تاعبني جدا اوقات بيكون صح وأوقات م كتر ما دماغي شغاله بتعب م كتر التفكير
نفسي أبطل افكر بجد ودماغي ترتاح حبه بقي مش عايزه اتساب لدماغي
انا ودماغي لما بنقعد سوا لوحدنا بجد بنعمل مشاكل
فرغي أفكارك في ورقة واصطاديهم كد والفكره الوحشه اعملي عليها × وقطعيها وارميها ف الباسكت عشان تبرمجي دماغك انها ملهاش لازمه اساسا
تم النشر الجمعة، ١٨ أغسطس ٢٠٢٣
لو حصل موقِف مثلا يديقك حاولي متربطيش الموقف ده برد فِعل فاهمةة عشان كده هتفتكريه وتقولي طب لو كنت رديت كذه وكده فاهمةة، بخصوس التفكير انتِ كل اما تلاقي نفسك هتفكري وتنكدي على نفسك بصي خلصي كل الحجات اللي مفروض تعملهيا وخصصي وقت كده للتفكير فاهمةة اللّي هو كل اما الافكار تجيلك قولي لاء ده ليها وقت مُعين كده واما يجي الوقت ده سيبي الافكار تيجي وتروح فِ دماغِك اي حاجةة حصلت قبل كده حصلِت ومش هينفع نصلحها أبدا المهم انك تاخدي العِبرة منها وتتعلمي والمُستقبل اعملي اللي عليك عشان ميجيش علبك وقت تقولي انا لو كنت عملت مكنش زماني كده دلوقت فاهمةة خصصي وقت مُعين كده تفكري فيه وعيطي عادي وخرجي كل اللي جواكِي وهتكونِي احسن ربّ يبارك فيكِ ويطمن قلبِك💗💗💗🌻،،
تم النشر الجمعة، ١٨ أغسطس ٢٠٢٣
ايه هي المشاكل اللي بتعمليها انتي ودماغك؟ وممكن اعرف بتفكري في ايه بالظبط؟ هل لما بتكوني مثلا فيه حاجه معينه شغلاكي؟ ف بتقعدي تفكري فيها كتير؟ ولا الموضوع بيكون ازاي معاكي .. ممكن مثال؟
تم النشر السبت، ١٩ أغسطس ٢٠٢٣
انا فالحالات دي بتبع نصيحة " لا تقتل التفكير و لكن اقتل الوقت الذي تفكر فيه" يعني مهما حاولت متفكرش فأنت هتفكر فإنك متفكرش و هتبقى ليلة ،، لكن لو شغلت نفسك بحاجة فواحدة واحدة تفكيرك هيقل لحد م ال شاغل تفكيرك نفسه هيبقى ملوش أهمية كبيرة بالنسبالك ،، حاولي تنزلي شغل مثلا لو مش متاح يبقى ممكن تاخدي اي كورس عالنت اسهلها كورس انجليزي أو تتعلمي حاجة جديدة كروشيه تطريز رسم اي اي حاجة أو تسمعي بودكاست أو تقري كتب و ياريت تتجهي للكتب و البودكاست الدينية و النفسية هتساعدك فموضوع التفكير ده و ادعي كتير ربنا يدبرلك امرك و يريح بالك قولي " يا حي يا قيوم برحمتك استغيث اصلح لي شأني كله ولا تكلني الى نفسي طرفة عين"
تم النشر الجمعة، ١٨ أغسطس ٢٠٢٣
بجد حاولي تشغلي نفسك فأي حاجه حاولي بجد ومهتميش للحصول ومتديش الشي أكبر من حجموا كمان ياعينونب
تم النشر الخميس، ٢٤ أغسطس ٢٠٢٣
لعرض السؤال في فدني اضغط هنا