السلام عليكم...
انا عمري ٢٠ سنه و أبي متوفي من وقت ما كان عندي ٩ سنين و اخواتي متزوجين ما عدا واحد فقط عايش معايا انا و أمي ولكن شخصيته انطوائيه جدا مش بنعرف نتعامل معاه حتى انه إلى الان مش بيشتغل و ده شيء ضاغط على أمي و بالتالي بيضغط عليا انا كمان لأني مليش غيرها و طول الوقت هي في مشاكل معاه
و قبل ذلك كان ايضا مشاكل بينها و بين اختي و كانت بتتعبها جامد و ده بيخليني قلقانه عليها طول الوقت بس مش قادره اغير من حاجه و انا أصغر واحده في اخواتي وصعب اتكلم معاهم أو اخليهم يعرفو غلطهم
و أحيانا بتوتر جدا و بقى عندي وساوس اني هفقد امي أو أن هيحصل لها حاجه والموضوع ده بيتعبني جدا و بحاول اقول لنفسي إن ربنا مش هيعمل كدا فيا لكن للأسف مش برتاح خالص بقالي اكتر من سنتين على الحال ده و مبقتش أعرف احس بالأمان ابدا و لما بسمع صوت خناق ابتدي اتخنق و جسمي يترعش و اخاف على امي اكتر و مش عارفه اغير تفكيري ولا في حاجه بتتحل محتاجه نصيحه لأني تعبت جدا
اولا ربنا يرحم والدك و يرزقه فسيح جناته، ثانيا القلق هيستنزف منك كتير اوي انتي الحمد لله مامتك لسه عايشة و ربنا يخليهالك ليه افضل افكر طول الوقت في فقدها و هي الحمد لله عايشة و وسطكوا انا عارف ده بسبب وفاة والدك في سن صغير أثر عليك و خلاكي مش حاسه بالأمان بس انتي دلوقتي الحمد لله ربنا كارمك و مامتك بخير استمتعي باللحظات و بيومك مع الناس اللي بتحبيهم متخليش التوتر يسرق عمرك و تندمي قدام أن انتي مستمتعيش بحياتك مع ناس هما جنبك دلوقتي و المستقبل كدا كدا بايد ربنا متشغليش بالك بحاجة و خلي عندك يقين و الخناقات في البيت حتى لو انتي أصغر واحدة عادي تكلمي اخواتك تقوليلهم مامتكوا كبرت و مبقتش مستحملة زي الاول خفوا شوية و يصالحوها انتي كدا مش بتعلميهم الادب يعني خالص ولا دا حاجة غلط و صلى قيام ليل و ادعي ربنا بكل اللي في نفسك و ان شاء الله القلق ده هيروح
تم النشر الاثنين، ٢٤ فبراير ٢٠٢٥
من الواضح إن فقد الأب تسبب في صدمة أدت إلى التعلق الزيادة بالأم والخوف من فقدانها هي كمان، ومع الوقت الخوف من فقد الأم اتسبب في وسواس بده. وده بيظهر في الخلافات والخناقات فبتخافي ان المشاكل دي تؤدي إلى فقدها. الحل في معالجة صدمة وفاة الأب بإنك تتقبلي ده لاشعورياً وشعورياً، وتبدأ تتعاملي بناء على هذا الوضع. وانك تنمي قدراتك الذاتية وتطوري من نفسك. انك تفكري نفسك إن سنة الحياة هي الفراق، وإن خوفك على والدتك مش هو الي هيمنع قدر ربنا، لكن تحاولي تكوني بارة بيها. فالحل يبدأ من علاج صدمة وفاة الأب
تم النشر الثلاثاء، ٢٥ فبراير ٢٠٢٥
وعليكم السلام ورحمة الله وبركاته، عزيزتي، أشعر بمدى الضغوط النفسية التي تعانين منها، ومن الطبيعي أن تؤثر المشاكل الأسرية على حالتك النفسية، خاصةً في ظل فقدان الأب وتحمل المسؤوليات العائلية. إليك بعض الخطوات التي يمكنك اتباعها للتعامل مع هذه المشاعر والقلق الدائم: التواصل الصريح : حاولي فتح قنوات التواصل مع أمك وأخوتك. اتبعي أسلوبًا هادئًا عند مناقشة مشاعرك ومخاوفك. يمكنك أن تعبري لهم عن حبك لهم ورغبتك في تحسين الوضع. توجيه العناية لأمك : قدمي الدعم لأمك بطرق بسيطة مثل قضاء وقت ممتع معها، أو مساعدتها في الواجبات اليومية، فهذا قد يخفف من توترها ويقلل من المشاكل القائمة. البحث عن الدعم الخارجي : قد يكون مفيدًا البحث عن الدعم من الأصدقاء أو الأقارب الذين يمكنك الثقة بهم. في بعض الأحيان، وجود شخص آخر تستمعين إليه قد يكون مريحًا. تدوين المشاعر : قد يساعدك كتابة مشاعرك وأفكارك في تخفيف التوتر. افرغي ما يدور في ذهنك على الورق، فهذا قد يكون له تأثير مهدئ. التركيز على الإيمان : تذكري أن الله سبحانه وتعالى هو الحافظ، وادعيه دائمًا أن يحفظ لكِ أمك. يمكنك قراءة القرآن وأذكار الصباح والمساء لتنعمي بالطمأنينة. استشارة مختص : إذا استمر شعور القلق لديك، قد يكون من المفيد استشارة معالج نفسي متخصص يقوم بتقديم الدعم والمشورة لك بالطريقة المناسبة. تذكري أن مشاعرك مهمة، وأنت لست وحدك في هذه الظروف. اجتهدي في اتخاذ خطوات بسيطة لتحسين وضعك النفسي، وثقي أن الأمور ستتحسن بإذن الله.
تم النشر الاثنين، ٢٤ فبراير ٢٠٢٥
لعرض السؤال في فدني اضغط هنا