انا تاجر بشتغل في تسويق وتجارة الملابس اون لاين وبعاني من فقدان الشغف ومن الملل ومن عدم النظام والكسل حتى إني بنسى اسعار المنتجات بتاعتي وابقى مش عارف ارد على الناس حاله غريبه جدا من الاجهاد المستمر بتستمر ايام طويله وممكن اسابيع ارجو مساعدتي في ثلاث حاجات واربعه فقدان الشغف عدم النظام والنسيان والكسل مش عارف ده يتسمى في الطب النفسي الحاله صعبه بصراحه ومحتاج مساعده
كمان ما ببقاش عارف ارد على الناس ومش عايز ارد على حد
السلام عليكم، هل مررت بفترة طويلة من الشغل المتواصل والضغط في العمل مؤخرًا؟ ربما يكون ما يحدث معك الآن احتراق وظيفي أو نفسي بسبب الضغط المتواصل في العمل. هي حالة تتصف بالإجهاد المستمر وعدم الرغبة في العمل أو فعل أي شيء سواء متعلق به أو غيره. عقلك وجسدك يريدان الراحة لبعض الوقت. يمكنك قراءة هذين السؤالين لتعرف بعض النصائح للتعامل مع الاحتراق النفسي والاحتراق الوظيفي https://www.fedni.net/q/41782746/ما-هو-الاحتراق-الوظيفي https://www.fedni.net/q/10294733/ماهو-الاحتراق-النفسي#answers بالتوفيق.
تم النشر الاثنين، ١٦ ديسمبر ٢٠٢٤
السلام عليكم ورحمه الله وبركاته طبعا حتى لو حطينا توصيف في نفسي اللي حضرتك بتمر بيه خلينا نحطه في توصيف ابسط علشان تقدر تتعامل معاه بشكل اسرع ان شاء الله. الموضوع هنا واضح فيه جدا ان في عدم توازن في الحياه خلينا نجيبها لك كده بشكل بسيط لو اتكلمنا على ان احنا قعدنا طول اليوم بناكل اكثر ما بنشرب كده هيحصل لنا مشكله في الهضم اكيد هيحصل لنا مشاكل في الجهاز الهضمي طيب لو قللنا الاكل خالص وبقينا بنشرب ميه اكثر اكيد هيحصل لنا مشكله وهنحس بالاجهاد وهنحس ان احنا ما عندناش طاقه جبنا خمول وهيحصل لنا مشاكل اخرى لان كميه الاكل اللي دخلنا مش مناسبه ان احنا نعمل الجهد اللي محتاجينه دايما احنا محتاجين للتوازن في حياتنا فلما بيجي لنا فتره خلاص نحس انه اصبح ما عندناش طاقه زي الاول لازم نعرف هنا انه التوازن اختل. فطول الوقت ضروري تبدا تعمل تقييم للتوازن في كل جوانب حياتك يعني انا هحط لك حاجه كده احنا بنستخدمها بشكل لطيف وبسيط اسمها عجله الحياه عجله الحياه دي انت تقدر تحط لنفسك فيها كده تقييم كل فتره وتقول ادي لنفس كم من 10 في كل جزئيه من الاجزاء اللي في حياتي الحياه الاجتماعيه الشغل الصحه. الرياضه الجانب الديني وهكذا كل فتره تعمل التقييم ده ولو لقيت انه الموضوع بدا يبقى مش متوازن بقى فيه اجزاء هي اللي واخده 10 من 10.9 والزاق ثانيه درجتها واقعه قوي فهتحتاجي انك دايما تعمل ستوب توقف كده وتقول لا انا محتاج ارجع التوازن ثاني لان كل ما ترجع التوازن كلها هتلاقي نفسك عندك طاقه تقدر تكمل بيها في الحياه عموما وفي كل الجزئيات لانه نجاح جزئيه ممكن في جزء بنبقى عايزين ننجحه في وقت معين فبندي له كل الطاقه وكل الوقت ولكن اا بعد ما الجزء ده خلاص تمام بيشتغل وبيدور بننسى ان في اجزاء ثانيه وقعت فانا هديلك يعني نبذه بسيطه كده لو مثلا حاليا الشغل واضح ان هو واخد كل الوقت فلذلك انت موقع الجزء بتاع التوازن انك تاكل صح وانك تاكل في اوقات مناسبه او انك تاكل الاكل المناسب او انك تاخذ فترات روح مناسبه ابدا اعمل ده فورا لو انت بتشتغل ال 24 ساعه لا حط مواعيد للشغل واحط مواعيد. للراحه ما ينفعش تبقى متاح انك تشتغل طول الوقت ما ينفعش انك تبقى طول الوقت فاتح اونلاين وبتشتغل وبترد على الاوردرات عادي جدا كل البيجز بتعمل توقيتات بيكون الرد فيها متوقف او مفيش دلوقتي اوردرات هتتاخد والناس بتنتظر وعادي جدا فتقدر تبدا تعمل سيستم يحقق لك التوازن علشان تقدر تكمل وما تحسش انك بتقف ربنا يوفقك ان شاء الله واتمنى اكون افدتك.
تم النشر الثلاثاء، ١٧ ديسمبر ٢٠٢٤
عزيزي، أشعر معك بالتحديات التي تواجهها، ففقدان الشغف والاهتمام يمكن أن يكون مؤلماً للغاية، خاصة في مجال عملك الذي يتطلب تواصلًا دائمًا مع الزبائن. يمكننا العمل على هذه القضايا في خطوات عملية: إعادة اكتشاف الشغف : حاول أن تتذكر لماذا بدأت في مجال تجارة الملابس. يمكنك أن تكتب قائمة بالأسباب التي دفعتك للدخول في هذا المجال، وما الذي يجعله ممتعًا بالنسبة لك. هذا يمكن أن يساعدك في استعادة حماسك. تنظيم العمل : قم بوضع جدول زمني يومي يتضمن أوقات العمل وأوقات الراحة. استخدم تقنيات مثل إدارة الوقت (مثل طريقة بومودورو) لتقسيم وقتك إلى فترات عمل قصيرة تتبعها فترات راحة. تنظيم المساحة التي تعمل فيها عن طريق التخلص من العناصر غير الضرورية لجعل المكان أكثر إشراقًا وتحفيزًا. التعامل مع الكسل والنسيان : حاول أن تستعمل أدوات التكنولوجيا مثل تطبيقات المساعدة على التذكير أو القوائم لتنظيم مهامك اليومية. هذا سيساعدك على تذكر أسعار المنتجات والرد على الزبائن. التواصل مع الآخرين : من المهم أن تعرف أنه ليس وحدك في هذا. حاول تحديد وقت محدد كل يوم لمراعاة الزبائن والتواصل معهم، حتى لو كان ذلك لمدة قصيرة. يمكنك البدء برسالة بسيطة تعبر فيها عن الشكر لهم على صبرهم. بالإضافة إلى ذلك، إذا استمرت هذه الأعراض لفترة طويلة أو تفاقمت، يمكنك التفكير في استشارة متخصص في الصحة النفسية للحصول على دعم إضافي. تذكر أن طلب المساعدة لا يعتبر ضعفًا، بل هو علامة على القوة والإرادة لتحسين حياتك. أسأل الله أن يرزقك الراحة والتوفيق في مسيرتك.
تم النشر الاثنين، ١٦ ديسمبر ٢٠٢٤
هحاول اكسر الدايرة وهكمل ولو قدرت هكتب تجربتي هنا عشان افيد اي حد بيمر بالمشكلة دي اكيد في ناس كتير بتمر بالمشكلة نفسها
تم النشر الثلاثاء، ١٧ ديسمبر ٢٠٢٤
دا احيانا بيبقى من ضغط الشغل
تم النشر الثلاثاء، ١٧ ديسمبر ٢٠٢٤
هجرب والله انا مش عارف اشكرك ازاي كتر خيرك والله
تم النشر الاثنين، ١٦ ديسمبر ٢٠٢٤
يبقى ده معناه ان اكلك غلط نعدله بقي قلل دقيق من اكتر الحاجات اللي بتخمل.
تم النشر الاثنين، ١٦ ديسمبر ٢٠٢٤
طيب ماتجرب كده نظبط الحاجتين دول وتدور ع تيم عمل حتى لو فرد واحد هيفرق معاك اوي. ولو كل مره بتعدي بنفس الطريقه طبيعي هترجع تاني. حاول كده كمان مره النفس محتاجه مننا شويه زق يااما هي هتقعدك.لاقيت الحلول مع حضرتك خلصانه ومفيش حاجه بتجيب نتيجه مرجوه خلاص ملجأ لحد نفسي
تم النشر الاثنين، ١٦ ديسمبر ٢٠٢٤
شغلك بقي هنحتاج مثلا يكون عندك برنامج ترتيب مهام زي notion مثلا كتير اوي شرحه زي باشمهندس احمد ابوزيد. ممكن لو منتجاتك تعرضها بالصور نعمل من كل منتج صورتين ونعمل واحده بسعر يكون ده فايل الاسعار ونخليه كده لو حد سأل ع اي قطعه نبعت صورتها. ممكن كمان ف excel sheet على حسب حضرتك نظام شغلك والكميه. ممكن تقسم ع حسب الكاتوجري والاسم. اليوتيوب مليان أفكار من دي اختار ايه يريحك لكن قله النظام بتخلي في فقد ف الطاقه كبير اوي وكل خطوه تحتاج تعمل فيها steps كتير
تم النشر الاثنين، ١٦ ديسمبر ٢٠٢٤
لو حضرتك راجعت نومك واكلك وعبادتك ولاقيت مثلا عامل من كل حاجه ٤٠٪يبقي عايزين ٢٠٪كمان وهتكسر الدايره دي كويس. نجيبهم بقي بإننا ندخل ف كل حاجه فرع جديد يعني الاكل ننضفه اكتر او يكون بميعاد محدد. الصلاه نقرا عنها. الرياضه نشوف بنرتاح ف اي استايل. التطور بيكسر كل الملل. فقدان الشغف ده طبيعي لانه الملل بيعمل تثبيط لا طاقه. اول ماهتطور هتلاقي الاتنين اتكسروا
تم النشر الاثنين، ١٦ ديسمبر ٢٠٢٤
مش قادره اقيس حضرتك واصل لفين. بس دي من عيوب الشغل الاون لاين اللي مفيهوش تواصل مع تيم. ناخدها نقطه نقطه. الأول نظام يوم حضرتك ايه. يعني بتصحي صبح ونايم بليل بتنزل تتمشى اشوف الشوارع بتلعب رياضه عنزة دواير بتتواصل فيها بشكل سطحي ودايره أصدقاء فيها تواصل مقرب. استايل اكلك ايه هل هو اكل بيخليك نشيط ولا بتخمل بعده. هل قادر تعمل عباداتك اليوميه وبندور ع طريق توصل بيه لربنا. لو الدواير دي موجوده وحضرتك قفلتها حاول تفتحها تاني لو مش موجوده وحضرتك ع الوضع ده مده كبيره يبقى محتاج متخصص
تم النشر الاثنين، ١٦ ديسمبر ٢٠٢٤
والاكل دايما بيسبب لي خمول وبحتاج انام
تم النشر الاثنين، ١٦ ديسمبر ٢٠٢٤
بالنسبة للرياضة والصلاة غير منتظم مع العلم اني رياضي وكمان متدين والبنسبة لفريق العمل اعتقد ان ضروري اكون فريق عمل وانه ده حل لمشكلة الشغف
تم النشر الاثنين، ١٦ ديسمبر ٢٠٢٤
انا بقالي فترة كبيرة الحالة دي بتحصلي على فترات واعديها وترجع تاني
تم النشر الاثنين، ١٦ ديسمبر ٢٠٢٤
لعرض السؤال في فدني اضغط هنا