بقيت بقارن نفسي بالناس الي اعلي مني وانا حاسس ي مليش قيمه عند اي حد وبقيت مبعرفش ابص في عين حد وانا بحسب كل الناس انهم بيقولو عليا كلام لما امشي فا يا ريت لو حد عنده نصيحه يقدمها
لا تبحث عن قيمتك في أعين الناس واحذر من المقارنات واعلم أن الرزق مقسوم كل واحد مننا واخد رزقه كامل فلو في حد افضل منك في حاجة اكيد انت عندك نعم افضل منه ممكن تكون ظاهرة ليك وومكن متكونش واخد بالك منها
تم النشر السبت، ٢٥ فبراير ٢٠٢٣
يا علي يارب يجعلها نقطه تحول وتغير ليك للأفضل واعلم أن وعيك بنفسك أول طريق لحياه هاديه يارب عاجلا🌻 المقارنة اتعملت عشان نقارن نفسنا بنفسنا.. نقارن الفعلي بالمستطاع.. مش نقارن نفسنا بغيرنا! كده مقارنه غير سليمه أصلا، لأن الشخص التاني لا نفس طاقتك وظروفك ولا نفس امكانياتك ولا نفس حلمك.. ما بالك بقي إن كمان بتقارن نفسك كفرد بنااااس كتير! يعني مقدره فرد واحد بكل دول إزاي!! طيب أعالج المقارنة إزاي! باني أعملها صح أصلا.. و أقارن نفسي بنفسي واشغل نفسي بنفسي.. لما ده يحصل هيزيد معاه ثقتك بنفسك ال هيخليك تبطل تحس الناس بتكلم عليا وتبقي أصلا مش فارق معاك كلامهم لان الناس فعلا مش بتبطل كلام حتي علي أنجح الناجحين.. في كده نوعيه متمرده وناقضه دايما ربنا يعافينا.. فأنت لازم تفهم انك حلو وحش هيكلموا لكن المفروض تبقي حلو أو وحش دي فعيونك إنت.. حكمك عليك من نفسك مش من الناس.. ولو من الناس هنهلك حرفيا لأن سهل ندعي ونتظاهر ونمثل.. عشان كده ربنا بيقول لمن صدق وإلا من اتي بقلب سليم... يعني إنت محور نفسك.. متستغناش عن المقارنة بل بالعكس لو بطلت تقارن عملك بمقدرتك وحلمك وهدفك مش هتوصل لازم كل فتره تقارن وتقيم نفسك بس زي ما اتفقنا وظفها صح
تم النشر السبت، ٢٥ فبراير ٢٠٢٣
هل ديه مشكلتك ديما علطول؟ ولا حصل موقف معين خلاك تحس بكل ده؟ نتمنى تسرد اكتر عن مشكلتك .. ولكن فيه سؤال مشابه اتمنى اجاباته تكون مفيدة ليك. https://fedni.net/q/24480177/بكره-حياتي-وشكلي-واهلي
تم النشر السبت، ٢٥ فبراير ٢٠٢٣
بتحس انهم بيقولوا عليك كلام ازاي وضحلي اكتر؟ انت بتبقا مع ناس جديده ولا صحابك من زمان ؟ وهل حصل وسمعتهم بيتكلموا فعلا من وراك وعلاقاتك بصحابك عامله ازاي؟ دايما عندك احساس ان الي حوليك احسن منك وانك قليل ولا هم انجزوا حجات وانا واقف مكاني مش عارف اتحرك ؟
تم النشر السبت، ٢٥ فبراير ٢٠٢٣
دى مشكلة ثقة بالنفس عموما ايه سبب انك بقيت بتقارن ؟ هلى حواليك ناس حققت حاجات انت عاوزها ؟ قيمتك عند حد ....هل فى حد بتحبه و افترقتوا ؟ بتعمل ايه عشان تتجنب تبص فى عين حد ...عندك اعراض اخرى ؟
تم النشر السبت، ٢٥ فبراير ٢٠٢٣
دلوقتي وظيفتها انها تبص للاحسن منها ويحاولو ينزلو من قدره ممكن تكون مش بقدر كويس من الجمال بس ربنا انعم عليك بحاجه تانيه احلي كتير الحاجه التانيه مش موجوده عند غيرك دا مسبب له هو عقدة نقص ليه فبلاش تحط في دماغك دا بصلي ودا قارني والكلام دا بص انت لنفسك وخليك راضي من جواك باللي ربنا خلقك عليه وهترتاح نفسيتك ماتشغلش بالك باللي حواليك
تم النشر الأحد، ١٢ مارس ٢٠٢٣
لو مستني من الناس تعليك انسي الناس
تم النشر الأحد، ١٢ مارس ٢٠٢٣
لعرض السؤال في فدني اضغط هنا