ما النصائح التي توجهها لشخص ينوي بإذن الله الانتقال من منطقه مثل شبرا او بولاق او امبابة الى منطقه من المدن الجديدة مثل اكتوبر او التجمع
ما الصعوبات المتوقعه
الصعوبات المتوقعه هي بعد المسافات بالنسبه للانتقالات والمواصلات لكن مع العمران وزياده اعداد السكان في المكان بتزداد وسائل المواصلات وتبقي سلسه وايضا ارتفاع السلع والخدمات مع عدم توافرها في بعض الاحيان وايضا ارتفاع اسعار المصروفات المدرسيه الخاصه الموجوده في المكان لكن في ميزات ايضا مثل النظافه فالمدن الجديده تمتاز بالنظافه والهدوء وتوجد ايضا خدمات التوصيل اي سلع محتاجها سواء ماكولات او علاج وبالتوفيق ان شاء الله
تم النشر الأحد، ٢١ أغسطس ٢٠٢٢
محتاج تعرف إن في مميزات مهمة في المناطق الشعبية دي منها سهولة الوصول لمعظم الأماكن داخل القاهرة وتوفر الخدمات المختلفة بأسعار معقولة جدََا وكمان هتوفر معاك لو شغلك وسط البلد علشان مش هتصرف كتير في المواصلات.. لكن طبعاً المدن الجديدة أنضف من حيث الهدوء والنضافة وظروف السكن والمعيشة.. فلازم تحسبها كويس بس مش اكتر
تم النشر الجمعة، ٢٥ نوفمبر ٢٠٢٢
الصعوبات ممكن تكون الابتعاد عن اى مكان معتاد عليه مسافة اكبر عدم وجود كل الخدمات على بعد خطوات مثل شبرا وامبابة التعامل مع الجيران مختلف واحتمال يكون مش بنفس الالفه الاسعار ممكن تتفاوت فى المحلات فى الاماكن الجديدة باقى الصعوبات على حسب المنطقة والاجواء المحيطة واحتياجاتك من المكان اليومية.
تم النشر السبت، ١٩ نوفمبر ٢٠٢٢
أهم حاجة الثقافة يعني ثقافة المدن الشعبية من لغة وعادات ومعيشة تختلف تماما عن المدن الجديدة فمثلا فكرة الصوت العالي والشتائم واللعب في الشارع طول اليوم مش هتلاقيها أو نادر تلاقيها هناك فكل منطقة وليها عاداتها
تم النشر الأربعاء، ٧ ديسمبر ٢٠٢٢
الصعوبة الاساسية هي اختلاف الاسعار بين المنطقتين و دي من الحاجات اللي هتصدمك في البداية وممكن تتعبك .. انصحك انك في بداية كل شهر تشتري كل حاجتك من منطقتك القديمة ودة هيفرق معاك جدا
تم النشر الخميس، ١ ديسمبر ٢٠٢٢
حضرتك هتبدا من جديد حياة كاملة من جيران وخدمات وبيئة جديدة مختلفة. محتاج تحد اهم حاجة ليك في المكان الي عاوز تنقل ليه وبعدين لما تختار مكان تشوف الخدمات حواليه وهل المكان مناسب ولا لا . لو بتحب الهدوء اعتقد هيكون مناسب ليك اكتر
تم النشر الجمعة، ١٩ أغسطس ٢٠٢٢
الحنين إلى أرض الوطن:)
تم النشر الجمعة، ١٩ أغسطس ٢٠٢٢
مش فاهمه معلش ايه علاقة السؤال بالقابض على دينه ؟؟؟
تم النشر الأربعاء، ٣٠ نوفمبر ٢٠٢٢
القابض على دينه
تم النشر الجمعة، ٢٥ نوفمبر ٢٠٢٢
لعرض السؤال في فدني اضغط هنا