بفكر ادرس لغة صعبة ومطلوبة او لغة الأجر بتاعها عالي ، مش فارق معايا الوقت اتعملها او اتقنها في قد ايه انا هكون متفرغ ليها بس عايز اعرف ادرس ايه لاني بحثت كتير وملقتش اجابة و لما اتقن اللغة دي اشتغل بيها ازاي ، ياريت لو حد عنده اي معلومة يفدني ..
أظن انك تقصد الترجمة مش أي وسائل تانية للتربح من المهارة في لغة أجنبية زي تدريسها او حتى استخدامها في وظائف محتاجة لغات أجنبية. لو الترجمة فعلا، خد بالك ان الترجمة نفسها مهارة مستقلة عن مهارة استخدام اللغة ومحتاج تدرسها، وأكيد دي هاتكون مرحلة بعد اتقان اللغة اللي هاتختارها. ولو ترجمة، فأنت دائما مطلوب طالما هاتشوف شغل أونلاين. لو هاتشتغل مع شركات محلية، يبثى الافضل تلتزم بالانجليزي لأنها تمثل 80%من حجم السوق وفقا لاخر دراسة سوقية اطلعت عليها. ندرة اللغة في السوق المحلي ممكن يخلي أجرها مرتفع فعلا لكن في المقابل مش مطلوبة كتير، يعني ممكن تلاقي مستند روسي او ياباني مطلوب منك تترجمه مرة كل 3 شهور، وبالتالي لا يعتمد عليها كمصدر دخل. قاعدة رئيسية بتتعامل بيها شركات الترجمة المحترمة ان مترجم اللغة الهدف لازم يكون ناطق اصلي بيها. يعني لو هانترجم انجليزي - عربي، الأفضل يكون المترجم عربي. لكن لو العكس، يبقى الأفضل يكون المترجم من الدول الناطقة بالانجليزية. زيادة كمان، يفضل يكون من الدولة المستهدفة عشان يستخدم الألفاظ والمصطلحات الدارجة في الدولة دي، ودة هايكون واضح لي العربي واختلاف لهجات الخليج عن الشام عن مصر، عن السودان، وعن المغرب العربي. زي ما الانجليزي البريطاني يختلف عن الاسترالي والامريكي والايرلندي. كمان نوع الترجمة وتخصصها، هل عاوز ترجمة تحريرية ولا شفوية فورية زي المؤتمرات والأخبار، ولا ترجمة شاشة زي الأفلام. والتخصص يفرق معاك كتير لأن ترجمة الاقتصاد غير السياسة غير الطبية. لازم تكون ملم جدا بمصطلحات التخصص والتعبيرات الدارجة فيه، ودي غالبا هاتعتمد على خبراتك ودراساتك السابقة لكن أكيد مش شرط لانك ممكن تدرس التخصص او تعتمد على تراكم الخبرة مع الوقت. لو الترجمة تحريرية، يبقى الصينية أصعب لغة في الكتابة، لأن حروفها - اذا صح التعبير اصلا - لا تمثل الصوت المنطوق، لكن كلمة او مقطع من كلمة، والصيني المتعلم محتاج يحفظ 4000 حرف على الأقل حسب ويكيبيديا، وأذكر إني قرأت سابقا ان المطلوب 8000. ممكن تستخدم موقع proz.com عشان تشوف متوسط أسعار الترجمة بين أزواج اللغات. https://www.proz.com/employers/rates
تم النشر الجمعة، ١٢ يوليو ٢٠٢٤
السلام عليكم. يعني انا اقول لك رايي في الموضوع ده يعني على قدر معرفتي باللغات انه افضل حاجه انك الاول تعمل بحث تشوف ايه اللغه اللي مطلوبه في البلد اللي انت هتشتغل فيها بشكل كبير ولكن الناس اللي موجودين بيتكلموا اللغه دي قليلين ده اللي هيفرق معاك جدا عشان تكون متميز يعني لان احنا ممكن نقول لك انه. الالماني لغه محتاجينها في سوق العمل كثير ولكن يكون في ناس كثير بتتكلم الماني في البلد اللي انت تشتغل فيها لو مثلا هنتكلم زي مصر يعني لكن ممكن يكون في لغه ااا اللي بيتكلموها او اللي بيشتغلوا بيها قليلين وادي هتكون انسب فرصه بالنسبه لك فانت هتحتاج تعمل بحث كده عن ايه اللغه اللي مطلوبه في سوق العمل وانهي سوق عمل كمان لانه ده هيفرق جدا سواء ااا الترجمه ولا في النشاط السياحي. ولا في تعليم الاخرين يعني برده اتجاهك في انهي مهنه هيفرق فانت هتستخدم اللغه دي في ايه وهيفرق وانت بتتعلمها برده فاا يعني استثمر البحث في الاتجاه ده الاول هتلاقي ان بدات الاختيارات تبقى محدده اكتر. ما بين اللغه او اثنين لانك ممكن تتعلم لغه صعبه جدا ممكن اجيب لك لغه نادره بس مش هيكون ليها استخدام في البلد اللي انت عايش فيها فبالتالي هيكون جهدك يعني مش مستغل على اتجاه الاخر انت ممكن تكون مقرر مثلا تسافر بلد تانيه تعيش فيها او انت مقرر انك تستخدم اللغه اللي انت هتتعلمها دي في مكان ثاني فده برده هيودينا لاتجاه ثاني وانت بتبحث هتشوف البلد اللي انت حابب تشتغل فيها دي وتختار اللغه بناء على هي قد ايه مكتوبه في البلد ربنا يوفقك ان شاء الله.
تم النشر الجمعة، ١٢ يوليو ٢٠٢٤
أكيد يا صديقي، فيه لغات كتير ممكن تكون مفيدة وجذابة من الناحية العملية والمادية. بما إنك متفرغ ومستعد تستثمر وقتك، أنا بأرشح لك تفكر في واحدة من اللغات دي: الألمانية : ألمانيا مشهورة بكونها دولة صناعية ولغة الألمانية مطلوبة في العديد من الشركات العالمية. تعتبر لغة صعبة نسبياً بس الأجر بتاعها عالي خصوصاً في مجالات الهندسة والتكنولوجيا. الصينية (الماندرين) : الماندرين هي اللغة الأكثر تحدثاً في العالم، والصين دولة اقتصادية عملاقة. إتقان اللغة دي ممكن يفتح أبواب فرص عمل كثيرة في مجالات التجارة والأعمال الدولية. الروسية : روسيا سوق كبير ولها تأثير قوي في قطاعات مثل الطاقة والتكنولوجيا. فهم اللغة الروسية ممكن يكون ميزة كبيرة في مجالات زي الهندسة والطاقة. البرتغالية : في البرازيل، الاقتصاد نمى بشكل كبير في السنوات الأخيرة، والبرتغالية ممكن تكون مفيدة في مجالات مثل الموارد الطبيعية والزراعة. بعد ما تختار اللغة اللي تفضلها، ممكن تبدأ تتعلمها عن طريق: الدروس الخاصة : إذا عاوز تنجز بسرعة، دروس خاصة مع مُعلم محترف ممكن تكون مفيدة جداً. التطبيقات : تطبيقات زي Duolingo وBabbel ممكن تكون مساعدة في تعلم الكلمات والقواعد الأساسية. كورسات أونلاين : فيه كورسات مجانية ومدفوعة على منصات زي Coursera وedX. التفاعل مع الناطقين باللغة : دي خطوة مهمة، حاول تدخل في مجموعات على مواقع التواصل الاجتماعي أو مواقع زي Tandem لتبادل اللغة. أما بخصوص الشغل، تقدر تستخدم اللغة في التدريس، الترجمة، العمل في الشركات العالمية، أو حتى العمل المستقل (Freelancing) ككاتب أو مترجم. اختيار اللغة بيعتمد على ميولك ومجال اهتمامك، وربنا يوفقك في اختيارك. 🌺
تم النشر الجمعة، ١٢ يوليو ٢٠٢٤
صيني .. ألماني
تم النشر السبت، ١٣ يوليو ٢٠٢٤
لعرض السؤال في فدني اضغط هنا