السلام عليكم ورحمه الله
انا طالبه ف ٣ ث بس انا مشكلتي مختلفه شويه اتمنى بجد حد يفهم اللي هقوله انا هحكي من البدايه انا كنت لحد ٢ اعدادي طالبه متفوقة بتطلع من الأوائل ومستحيل تسيب مركزها سواء اولى او الثانيه على المدرسة
أول ما دخلت تالته ودي بدايتها حالي اتشقلب اذاكر مهما اذاكر ولا اي حاجه ونتايجي كلها ف النازل وبقيت انطوائيه ونفسيتي زي الزفت لدرجه اني حاولت انتحر اكتر من مره ربنا يسامحني بجد
المهم على كد لحد بدايه ٣ ث وهنا بقى كان البدايه حرفيا اول ما بدأت السنه مكنش عندي الشغل بتاع كل الناس دا حقيقي وقولت عادي احسن بس بعدها انا بقيت بتعب كتير جدا صداع يغمي عليا اول ما امسك كتاب دماغي تنفجر من الصداع حرفيا اروح امتحانات اسيبها وامشي كنت بحس ان حد قاعد فوق دماغي بيضربني على دماغي
رحت لكل الدكاتره بالمعنى الحرفي بما فيهم القلب والمخ والأعصاب وعملت اشعات رنين مغناطيسي ودي لوحدها كانت تقعدني ف اكتئاب شهر وكله مش عارف اي السبب لدرجه ان في دكتور كان بيقول ورم ف المخ
المهم اهلي قالو يتجهوا للسكه التانيه وجابولي معالج بالقرآن يعني مش معاه مساعدين او حاجه وقال إن في حد مشربني حاجه
بمعني سحر مأكول وشربت حاجات واستفرغت حاجات لونها اسود وتعبت وربنا ما يكتبها على حد قولت ان خلاص كد المشكله اتحلت وكان عندي امل اني خلاص هبدأ بق
لسه تعبي موجود يمكن خف شويه بسيطه وبعدها زاد جابولي شخص تاني بس دا بقى كان معاه مساعدين قالي ان معايا حد والحد دا بيأذيني من يوم ما عرفت كد وعملت شويه حاجات بقيت بشوف حاجات وانا نايمه ربنا ما يوريها لحد وببقى كأني صاحيه والضرب ف الحلم واصحى الاقي كدمات ف وشي لحد اخر حاجه اما اتسحبت للعالم التاني ولولا قربي من ربنا والذكر والقرآن ما كنتش عرفت اطلع
طبعا كنت ف حاله من الهلع ودا كله وسط ضغط من كل اللي حواليا ومن المدرسين اللي كل واحد بكلمه انتي بقيتي كد لي انتي صعبانه علينا انتي متفوقه والناس كلها بقوا عارفين اني تعبانه والحمد لله موضوعي خلص وطلع ان في مقبره تحت بيتي والخدام بتوع المقبره بياذوني طلعنا من البيت رحت قعدت ف بيت تاني ودلوقتي انا مبقاش عندي اي حاجه بس نيجي بقى الحاجه اللي مش عارفه اعمل فيها اي الدراسه انا دخلت ف شهر ٢ وحاجات كتير واقعه مني ومش عارفه ابدأ نفسيتي وحشه اوي خايفه ومش عارفه ابدا خدت اسبوع الاجازه كريست وقلتت ان شاء الله هبدأ من بدايه الأسبوع
بس خايفه برضو انا مش عارفه هلحق ولا لا وهل هعرف أحقق حلمي ولا حلمي ضاع سنين عمري اللي قضيتها كلها ف تفوق وكل الناس عارفني باجتهادي واني من المتفوقين هتروح كد تعب السنين دي كلها هيروح كد مش عارفه دماغي بتلف مش قادره اعمل حاجه بالله حد يفيدني بحلول منطقيه مش عايزا بجد اسمع الكلام المعتاد بتاع قربي من ربنا هتلاقي ذاكري انا بجد عايزا اعمل حاجه وانفذها زهقت من سماع الكلام دا حقيقي معذره لو طولت
بسم الله الرحمن الرحيم بصي يا اختي احنا عندنا مشكلة بسيطة في نظامنا التعليمي ان المرحلة الاعدادية مستوى صعوبتها ٣ بس الثانوي مستوى صعوبته ٩٠ مثلا،يعني مفيش تدرج في المستويات للأسف و كتير قابلتهم نفس مشكلتك دي بس انت مشكلتك انك اخدتي المشكلة دي بجدية بزيادة فالموضوع اثر فنفسيتك اوي و بقيتي تعتبري نفسك شخص ناجح بس فشل فشل ذريع و بطلتي تفتحي الكتب خوفآ من تكرار هذا الفشل المرير انتي دلوقتي عايزة حل لهذه المشكلة وحلي ليكي بسيط ،متديهاش اكبر من حجمها سنة و هتعدي وانتي هتذاكري و خلاص جت جت و الحمد لله مجتش عنها مجت و قدر الله و ما شاء فعل بس متجيش على نفسك اوي كدة و تحسسي نفسك انك فاشلة انتي مش فاشلة انتي مش قادرة تتكيفي فقط مع المرحلة الجديدة
تم النشر الأحد، ٢ فبراير ٢٠٢٥
وعليكم السلام ورحمة الله وبركاته. أختي العزيزة، بداية، أريد أن أشكرك على مشاركتك هذه التجربة الصعبة. إن ما تمرين به هو حدث مؤلم للغاية، وأشعر بمدى الألم والضغوط النفسية التي واجهتها. من الواضح أن الظروف التي ممرت بها تركت أثراً عميقاً على صحتك النفسية والجسدية. أولاً، أود أن أوضح أن الأمور التي تصفينها تتطلب رعاية ودعماً مهنياً. إذا كنت تعانين من أعراض مثل الصداع المستمر وثقل في المشاعر، ينبغي عليك أن تستشيري طبيباً مختصاً في الصحة النفسية ليتمكن من تقديم الدعم المناسب. بالإضافة إلى ذلك، التقرب إلى الله هو أمر هام للغاية في معالجة أي مشكلات نفسية. اعتني بصلاة الفرائض وقراءتك للقرآن، فالإيمان والصلاة يمكن أن يجلبا لك الطمأنينة والسكون في قلبك. تذكري أن الله قريب منك، وتحلي بالصبر والثقة في أن الفرج قريب بإذن الله. أشجعك أيضاً على الحديث مع شخص قريب منك، كالأهل أو الأصدقاء الذين يمكنك الوثوق بهم، فهم يمكن أن يقدموا لك الدعم العاطفي الذي تحتاجينه في هذه المرحلة. إذا كنت تميلين للبحث عن مساعدة إضافية، يمكنك التفكير في الانضمام إلى مجموعة دعم تواجه قضايا مشابهة أو حتى مناقشة مشاعرك مع مرشد روحي أو معالج نفسي. كوني قوية واعتني بنفسك، ولا تخجلي من طلب المساعدة. الله معك دائماً.
تم النشر الجمعة، ٣١ يناير ٢٠٢٥
لعرض السؤال في فدني اضغط هنا