اخواتي واعزائي انا اسمي عمر عندي 25 سنه عندي مشكله كبيره من وانا عندي 17 سنه كنت دايما بحب اخرج واروح هنا واجي هنا في يوم من الايام اتعرفت على ناس قريبه مني وكنا في البدايه انا وهم ما كناش لينا علاقه بالحشيش وفي يوم من الايام واحد صاحبنا تشرفنا اول سيجاره حشيش وما كانش في اي مشاكل وما كانش في اي حاجه في البدايه بالعكس كنا بنشرب وكنا بنعمل حاجاتنا الطبيعيه نخرج ونروح في كل حته بعد كده انا لقيت نفسي بعد فتره بقت حالتي النفسيه تتدهور بقت فلوسي خلصت ما بقيتش عارف اشتغل وكل ما اروح شغل امشي بسبب الشوربه وكل ده بسبب الحشيش وبسبب ان انا مقتنع ان هو حشيش حاجه عاديه مش حاجه كبيره بوظني وخلاني في حته ثانيه اوحش من انا كنت متخيل وما بقتش عارف اعمل اي حاجه ودايما معزول ما بقتش اقعد مع حد ولا اروح ولا اجي ولا اعمل اي حاجه حتى شكلي اتغير 190 درجه كل ده بسبب الحشيش كل ما اخد خطوه ايجابيه واقول هبطل ارجع اتدهور تاني 190 درجه انا حتى بقى كل يوم بقول لنفسي انا هبطل النهارده وخناقات وصراعات في دماغي هتفجر لي مخي غير ان انا اصلا رجعت ورا خالص المشكله معايا ما بقتش حشيش وبس المشكله ان انا بوظت حياتي بايدي زعلان قوي ان في حاجات كتير راحت مني انا حياتي بتدهور واحده واحده قولي لي ايه المفيد اعمل ايه مع نفسي
ديه اول خطوة يعتبر انك عايز فعلا تبطل. اول شئ ابعد عن كل صاحابك اللي انت عارف انهم بيشربوا، حتى لو كانوا بيشربوا سجاير عادية وده مهم. حاوط نفسك بناس تانية انت عارف انهم كويسين. لازم تلهي نفسك، رياضة، شغل، خروجات، سفر لمكان جديد وده هيكون كويس جدا لو قادر تعمله. اول ما تيجي فكرة انك عايز تشرب، ياريت تعمل اي حاجه، حاول ترخج تقعد مع اهلك، انزل روح الجيم، كلم واحد صاحبك تكون حتى معرفه انك بتبطل وجاتلك الفكرة وقوله خليك معايا ع الاقل لحظات او دقائق لحد ما الفكرة تروح من دماغي وافتح معايا اي موضوع. ابدء انك تعمل حاجات جديدة .. حتى لو هتروح تتطوع في مكان. وباذن الله مش هترجع تاني
تم النشر الخميس، ١٢ أكتوبر ٢٠٢٣
وانت اخدت اهم خطوة .....النيه للتغيير والاعتراف بالمشكلة يلا اخطوة التانية تبعد عن كل الناس والاماكن اللى ليها علاقة بالموضوع تبتدى تعمل روتين مشى بس ( وقت بعد الفجر ...عشان الهوا بيكون نضيف ) على اى كوبرى على النيل يكون افضل تشرب عصاير واكلات تساعدك على توفير الطاقة اللازمه لجسمك ( عصير طماطم وبنجر و رمان ) تاكل بروتينات تلتزم باى شغل يكون هيلزمك بنوع محدد من النضافة ...زى شغل المطبخ بتاع المطاعم الالتزام هو الحل ....لو التزمت لمدة 40 يوم متواصل هتبقى عديت اهم مرحلة اذا كان الامر صعبا عليك وحدك ...يمكنك التواصل مع الخط الخاص بعلاج الادمان يوفرون علاج ومتابعه بسرية ومجانا (الخط الساخن لصندوق مكافحة الإدمان " 16023 ")
تم النشر الخميس، ١٢ أكتوبر ٢٠٢٣
لإدمان اصعب شيء في الوجود انك يتحكم فيك شي ويكون سبب في دمارك البعض يعتقد انك مجرد لاعتراف بالمشكلة حل لها هو بداية لحل المشكلة وليس حل لها علشان كده انت مطلوب منك انك تعالج نفسك وسؤال هتقدر تعالج نفسك ؟؟؟ أسأل نفسك هتقول انا حولت مرة ومليون ومعرفتش لوحدي. يبقي الحل هو انك تستعين بشخص غريب عنك اي موش قريبك روح لدكتور في بلد غير بلدك شوف حد يكون قريب من ربنا وعرض عليها مشكلتك وطلب منه المساعدة اووووع تعيش في دور المحاولة علي طول كل مرة لا شوف حل نهائي انت اكيد جربت طرق كتير بس علاج الادمان للاسف بيكون محتاج مساعده مساندة من حد فاهم واعي مجرد انك تحكي مع دكتور وتصحبة وتكلمة كل يوم تحكي عن يومك ليه وعطيك برنامج عملي تمشي عليه وسالك كل يوم عن تنفيذ البرنامج هيفرق معاك انت محتاج مساعده اوع تسيب نفسك كده علشان انت قولت انك كنت متفوق واحسن في شكل بس الحشيش دمرك . الحاجه المهمة في الموضوع ،انك اسيبك من الكلام الفارغ ركز اوووي علي الحلول العملية اي حل انت شايف ان هو هيجيب معاك نتيجة نفذة .وعندي ليك اقتراح خاطر في ذهني حالا هو انك تسيب مكانك وتغير محل إقامتك عيش في بلاد متعرفش فيها حد وبحث فيها علي دكتور كويس لمدة من زمان لو عاوز ترجع تاني بلدك ارجع بس بعد التعافي ربنا معاك وبداية النجاح في اي شئ هي النية والعزم وان كثرة محاولاتك وفشلت حاول تاني لا تمل مهما عانيت وستصل ان شاء الله 🌸
تم النشر الخميس، ١٢ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة اول خطوة فالتعافي هيا ادراكك باللي انت وصلت ليه كمل جميلك لنفسك ودور علي مستشفي تساعدك لانك بقالك ٨سنين بتشرب مش هتقدر لوحدك ولتخفيف اعراض الانسحاب عليك وفي مستشفيات عامه زي العباسية وقسم الصحة النفسية بالدمرداش أو مستشفي ابو العزايم هتتعالج وتتعافي وتمشي علي برنامج نفسي يؤهلك تواجه المشاكل اللي وصلتك للادمان وتؤهلك كمان تتعامل أفضل مع اسرتك وتكون اصدقاء يعينوك ولو انتظمت واستمريت هتكون أفضل نسخة من نفسك ان شاء الله ربنا يوفقك ويكتبلك الصالح
تم النشر الأحد، ١٥ أكتوبر ٢٠٢٣
ابعد عن صحابك دول وصلي وأدعي كتير ربنا يتوب عليك منهم
تم النشر الجمعة، ١٣ أكتوبر ٢٠٢٣
علاج الادمان ده لازم بمساعده حد لان كده الجسم اتعود عليه لازم تاخد خطوه انك توقف.. الموضوع هيبقى صعب بس مع الاصرار والعزيمه هتقدر وحاول انك تختار اشخاص كويسين لحياتك وتشارك اهلك تفاصيل يومك
تم النشر الجمعة، ١٣ أكتوبر ٢٠٢٣
أحسن حاجة أن أنت مدرك أنه حاجة وحشة وأنه بهدلك وأنك بتحاول تبطل يعني اشكر نفسك ع أنك بتحاول ممكن تشوف مصحة تتعالج فيها من الإدمان أول حاجة تعملها إنك تقطع مع كل صحابك والناس اللي أنت بتشتري منهم قرب من ربنا وتوب ع اللي عملته أنت تقدر تغير حياتك حاول وبلاش تيأس أبدا
تم النشر الخميس، ١٢ أكتوبر ٢٠٢٣
ربنا يشفيك ويعافيك بحوله وقوته يارب طلبك للتعافي دي كده خطوه انت مشيتها وان شاء الله هتكمل بس انت محتاج مساعده لوحدك مش هتقدر في مراكز كتير دور واسأل وان شاء الله توصل لحاجه كويسه الادمان للاسف مبيكونش تأثيره علي الانسان المتعاطي لوحده لكن علي عيلته كمان تأثير كبير جدا اقعد مع نفسك بالورقه والقلم اكتب الخساير اللي حصلتلك بسبب التعاطي ده وبعدين الخساير والضرر اللي وقع علي اي حد تاني قريب منك بسببه وبعدين تكتب هتصلح ده ازاي ورقه تانيه اكتب حياتك من غير حشيش هتكون شكلها ازاي استحضر نيه التعافي ومنع الضرر وتوكل علي ربنا اطلب منه المدد والعون ربنا مش هيسيبك وخد اول خطوه وشوف مصحه او مركز تعافي وربنا معاك
تم النشر الخميس، ١٢ أكتوبر ٢٠٢٣
جزاك الله كل خير كلك ذوق
تم النشر الخميس، ١٢ أكتوبر ٢٠٢٣
هاجر ، اهجر الاشخاص المحيطين الاماكن حاول تنوى الاعتكاف بالمسجد مثلا من المغرب للعشاء او من العصر للمغرب واعكف على الصلاة وقرأة القران والح على الله فى الدعاء ثم لاتخجل فى السؤال غن اقرب مركز علاج ادمان اسال الله ان يصرف عنك كل سوء
تم النشر الأحد، ١٥ أكتوبر ٢٠٢٣
حاول تبعد عنة انك تتعالج منة يعني شوف طرق علاجة ازاي حوط ف دامغك أنا عايز اخف من الحاجة دي
تم النشر الجمعة، ١٣ أكتوبر ٢٠٢٣
اعمل بحث عن مصحات التعافي في القاهره هتلاقي كتير كلمهم وقارن الاسعار انا للاسف معرفش حاجه معينه ولو الامر مجهد ماديا ليك كوتش ياسمين كتبتلك رقم الخط الساخن لمكافحه الادمان عندهم رعايه ومتابعه مجانيه وانصحك بالدعاء كتييير ربنا يعينك ويقويك ويرزقك بمدد من عنده يارب
تم النشر الجمعة، ١٣ أكتوبر ٢٠٢٣
ربنا يخليك والله كلك ذوق بقول لحضرتك انا من القاهره في مراكز جنبيه تكون متخصصه بالكلام ده اسال ازاي
تم النشر الخميس، ١٢ أكتوبر ٢٠٢٣
لعرض السؤال في فدني اضغط هنا