مش عارفه اعمل ايه انا مش اجتماعيه ومعنديش ثقه في نفسي وحاجات كتير وحشه في حياتي. حتي البيت عندي كل شويه اتخانق من غير سبب .كل ما افرح او اغني او ابقي خلاص مبسوطه الاقي اهلي بيتخانقو مع بعض لائمه بيتخانقو معايا. وماما سعات لو عملت حاجه تافهه بتدعي عليا. وتفضل تقول حسبي الله ونعم الوكيل فيكي ولما بيتخانقو في البيت بدخل اوضتي بقول هما علي طول كدا كل يوم خنقات انا زهقت مش عارفه ابقي مبسوطه من برا الناس بتتنمر عليا وكنت بضرب في المدرسه في الابتدائيه ومكنتش بقول ل اهلي والبيت دلوقتي خناقات زهقت مش عارفه اجيبها من البت ولا من برا زهقت غير شخصيتي حساسه وعدم ثقه في نفسي ومش اجتماعيه ولما بيحصل خنقات في البيت أو انا بتعصب من غير سبب بفتكر بابا وبعيط هو والدي متوفي انا من الشخصيات لما بعيط بفتكر كل حاجه حصلت لي زمان والتخيل حاجات واعيط اكتر زهقت من كتر الخنقات بقيت برا في الشارع بدي وش عادي قدام الناس حتي لو بيتنمرو عليا بعمل نفسي مش هممني وانا ببقا متدايقه من جوا وعاوزه اعيط بس بستحمل ومن ناحيه تانيه اما بروح البيت بدي وش تاني ببقا مش طيقاهم مهربي الوحيد اوضتي بقفل علي نفسي واعيط أو انام ونومي كمان كتير بيبقي فوق ال 12ساعه بحاول اهرب من كل حاجه والتخيل حاجات تانيه. بحس انو كل حاجه جايه عليا. انا عندي 16سنه . وكمان بتعب كتير وبحس سعات بنغزات جامده في قلبي مع وجع في معدتي وجنبي وساعات مش بقدر اتنفس وصدري بيوجعني ومش ببقا قادره وبخبي ده عليهم مش عاوزه اعرفهم حاسه لو قولتلها هيقولو عادي احساس عادي
بصي انا مش عارف اقلك ايه عشان انا في نفس موقفك بالظبط انا حرفيا حاسس انك انا ماعدا موضوع التنمر اللي اقدر انصحك بيه من ناحيته هو انك صحابك عاجبينك بهزارهم تمام مش عاجبك هزارهم قوليلهم مش عاجبني و يقولو اللي يقولو اهم حاجا تكوني انتي مستريح من جوا ماعجبهمش الكلام سيبيهم انتي مش مضطرة
تم النشر الاثنين، ٨ يناير ٢٠٢٤
وانتى لسه ١٦ سنة ولسه بتكتشفى الحياة اللى فيها من كل شىء ولو قابلنا كل حاجة ووقفنا عندها... عمرنا هيتوقف فى نقطة معينة ومش هنكمل لقدام. زى ما انتى حلوه كده وبتعرف هتتبسطى... خليكى مصدر البهجة فى البيت ده حتى لو ١٪. اختارى تشوفى كل حاجة مش بس المشاكل.. حتى لو اخدت جنب وقت المشاكل.. خدى جنب ينفعك... اقرأى او طلعى هوايه عندك.... لكن متنامي وتبقي بتحملى نفسك عبء تانى. كل اللى بيحصل ده استفيد منه واتدربي على أن شخصيتك تكون أقوى وتتعامل مع مختلف الظروف ميبقاش سكتها هى الهروب
تم النشر الأحد، ٧ يناير ٢٠٢٤
غالبا المشاكل العضوية اللي انتي بتشتكي منها سببها نفسي .. تاني حاجه مينفعش تظهري عكس اللي جواكي بالذات لاقرب ناس ليكي، اهلك... خلينا متفقين ان مفيش بيت مفهوش مشاكل، ولكن ازاي بقى نقدر نتعامل مع ده؟ ازاي كمان نقدر نتعامل مع اهلنا .. لان الحل مش انك تقعدي ف اوضتك اليوم كله .. ولا انتي تعرفي عنهم حاجه ولا هما يعرفوا عنك حاجه .. انتي كده قطعتي التواصل ما بينكم .. كل اللي انتي فيه لو متكلمتيش عنه او اتعاملتي معاه بشكل صحيح، للاسف التراكمات ديه مش هيكون ليها اثر كويس عليكي، وهيتحول لكبت بعد كده.
تم النشر الاثنين، ١١ ديسمبر ٢٠٢٣
كوني حياتك الخاصه فرحي نفسك واخرجي واتصوري واتبسطي بلاش تنكدي ع نفسك لان ده هيجي ع دماغك انتي ف الاخر
تم النشر الأربعاء، ١٣ ديسمبر ٢٠٢٣
بصي ال انت قولتيه بيبين قد ايه انك عندك مشكله في العلاقات ال حواليك بلص ومشكله تانيه ال هي عدم اكتراثك بتغير طريقه تفكيرك ال هي الاستسلام للواقع ، بصي يا سكر اولا علاقاتك الاجتماعية تقريبا كلها بتأذيكي علي حسب كلامك لازم تنقطع كلها إلا أولو الارحام عشان الدين هنتعامل بس بالحسنه تتم وبودكاست ياسر الحزيمي بتاع العلاقات هيفيدككككككك ،ثانيا انتي غلط ي لما قولتي مش واثقه من نفسي الان مفيش حاجه اسمها كدا موضوع عدم الثقه دي موضوع نفسي عميق ١٪ ٢٪ في البشر بيعانوا منوا لكن انت واثقه من نفسك لكن ممكن تكوني بتمري بحاجه صعبه خليتك تستسلمي
تم النشر الخميس، ١٤ ديسمبر ٢٠٢٣
أن كان ايوه. هيايهاوحطي فيها مش نومك بس لا كل حياتك. واخلامك. حطي فيها هوايات. وميوزك. والتسالي بتاعتك. ختعملي ايه بقا. سيبك من الجو اللي برا ده. اغلقي اوضتك وحاولي تخياي الجو كده وتشوفيك هوايه تحبي تعمليها. رسم قراءة. كتابه. هاند ميد. ازااي حاجه بتحبيخا. وسماعات كده وشغليخا. وعيشي وشويه تسالي جنبك. اللي ياجي جنبك ويقلك يبارد بتتخانق وانتي مشغله ده. ةبرصو. طنشي وولا كان حد بيتكلم. هما نفسهم كل واحد خيتعلم البرود زيك من الجو اللي انتي عايزاه ده. وشكرا ليكي ولاصغائك🤍🌹🌹👥✊
تم النشر الثلاثاء، ١٢ مارس ٢٠٢٤
حبيبتي. اوضتك لوحدك مش كده
تم النشر الثلاثاء، ١٢ مارس ٢٠٢٤
لعرض السؤال في فدني اضغط هنا