انا طالب جامعي والدكتور بعد ما شرح الماده كامله وكنا بننزلهم يومين في الاسبوع وبنحضر في اليوم تلت ساعات
هو مش بياخد غياب بس بيسهل للناس اللي بتحضر الدنيا وبيحدد لينا الاجزاء اللي هيجي منها الامتحان
دلوقتي اصحابي طلبوا مني الاجزاء دي والدكتور أمنا اننا مش نديها لحد وكمان الطلاب اللي بتحضر فانا عملت كده وخرجت من جروب صحابي
فهما بعدوا عني وقالولي اني مش جدع فانا مش عارف فين الصح
ما دام امنك مينفعش تخون الامانه و لازم توضح لصحابك حاجه زي كدا وأن من علامات النفاق خيانه الامانه ولو متفهموش ده خلاص بس اعرف انك ترضى ربنا احسن من انك ترضى شخص اخر
تم النشر الجمعة، ٢ يونيو ٢٠٢٣
طالما الدكتور استأمنكم على حاجة فأوف له كما استأمنك لأنك أكيد ماتحبش أنك تخون الأمانة ويروح هو برضه يخون الوعد ويجيب حاجات تانية في الامتحان غير اللي قال لك عليها .. صحابك هينسوا بعد شوية والأمور هترجع لمجاريها إن شاء الله لكن لو خنت الأمانة هتفضل وصمة عار في ضميرك ممكن ماتنسهاش
تم النشر الجمعة، ٢ يونيو ٢٠٢٣
المفروض ما تقولش لاصحابك عشان هي امانة و حاول تقولهم انك المفروض ماتعملش كدة عشان دي امانة
تم النشر الثلاثاء، ٦ يونيو ٢٠٢٣
يعني برده خليك متساهل شويه ابعتلهم شوية اجزاء مش لازم كلها و تبقي كسبت الطرفين
تم النشر الثلاثاء، ٦ يونيو ٢٠٢٣
انت صح ... خيانة الأمانة هي من الذنوب العظيمة ... ومن المبادئ القوية جدًا جدًا التي لا يستطيع أيًا كان الثبات عليها في وقت الشدة وقد فعلت، مما يدل على حسن خلقك وشجاعتك المتناهية لا تقلق لم تفعل شيئًا يعيبك بل هم من فعلوا بالتوفيق لك
تم النشر الاثنين، ٥ يونيو ٢٠٢٣
متديهمش كل حاجه انت بردو أمسك العصايه من النص لأنك ممكن تحتاجلهم
تم النشر السبت، ٣ يونيو ٢٠٢٣
الثبات علل المبدأ مش حاجة سهلة وده من ابسط المواقف اللى هيخليك تتعلم ده . انت فاهم يعنى ايه أمانه...لذلك فكرت واحترت ....والفكرة اللى بيحاولوا يضغطوا عليك بيها ...ده تلاعب نفسي بيعملوه طبعا بدون وعى منهم ...بس عشان مصلحتهم وفهمهم الغلط اصلا لفكرة الجدعنه ولغياب فكرة الامانة من ذهنهم. اختار تكون امين قصاد ربنا وقصاد ضميرك ....وكمان تحافظ على مجهودك ....لان محدش فيهم كان عنده ظرف يمنعه يحضر مثلا ...لا دول عاوزين يوفروا مجهود على حساب مجهود غيرهم. ولو حفاظك على مبدأك فيها خسارة لاشخاص ...اخسرهم وهتكون فى الاساس كسبان .
تم النشر الأحد، ٤ يونيو ٢٠٢٣
برأي ان الي عملته صح الصح كفايه كده ان ربنا راضي عنك انت كده مخونتش الامانه واسفه علي الي هقوله بس صحابك دول مش صحاب ابدا علشان عارفين ان ده امانه والدكتور امانكم عليها مفروض يراعوا كده انت انبسطت كده انت عملت الصح وبكره تلقي الصحاب الي بجد بالتوفيق ♥️
تم النشر الخميس، ١٥ يونيو ٢٠٢٣
إن كنت عايز تختار فدول كده مش صحاب أصلا لأن لو هما صحابك فعلاً مكنش هيفكر يطلب منك كده حتى ولو من باب الهزار + الدكتور بيثق فيك أو أى حد عموماً بيثق فيك و شخص ما سواء شاب أو بنت يبقى مسموش صاحب أو حبيب أو عزيز لأنو هنا بيضرك (ده رأي الشخصي).
تم النشر الثلاثاء، ٦ يونيو ٢٠٢٣
لا لا دا ملوش علاقه بالجدعه.... انت كدا عملت الصح الجدعنه دى لو موقف او خناقة او ظرف معين تكون جنبهم انت صح اعمل الى ضيمرك شايفه صح ومتبصش وراك
تم النشر السبت، ٣ يونيو ٢٠٢٣
لا انت عملت الصح اللى يتضايق من الامانة هو اللى غلطان و انت ربنا يبارك لك و يرزقك اصدقاء كويسين زيك
تم النشر الجمعة، ٢ يونيو ٢٠٢٣
لعرض السؤال في فدني اضغط هنا