حبيبك خلاك محجبة كويس بس للأسف مش عايز يقول لك أن كلامك معاه حرام علشان تفضلي تكلميه! أنت دلوقتي في وسط علاقة ممكن تعمل لك دمار شامل وأذى نفسي لو سبتي نفسك على هواها وكملتي فيها والموضوع فشكل زي ما بيحصل في أغلب الحالات وممكن تلحقي نفسك من دلوقتي وتتقي ربنا في نفسك وتحافظي على البقية الباقية من أخلاقك والقرار بإيدك!
تم النشر الثلاثاء، ١٢ سبتمبر ٢٠٢٣
بلاش تتصرفي معاه بالشكل ده، حاجه ممكن تزهق بعض الرجالة، ف نفس الوقت ممكن الشئ ده يخليه يتعود، ما هي هتتكلم ف الاخر فمش فارق! اتقلي شوية .. لو هو زعلان وقالك سبيني شوية .. سبيه شوية لحد ما يهدي وبلاش تكلميه كتير، كفاية رسالة واحده تقولي فيها انك هتقدري ده، وهتسبيه يهدي وبعدين نتكلم، ولو محتاجه يتكلم ف انتي هتكوني موجوده. ديه حاجه كفايا اوي انك تدعميه بيها غير كده بلاش. اما عن كلامكم مع بعض بقى عموما، ياريت بلاش كلام مع بعض طالما مفيش لحد الان ارتباط رسمي. وطبعا قرات تعليقك بانه هيتقدم .. ف لحد ما يتقدم ياريت الكلام يقل او ميبقاش لحد ما يجي، وده سلامة ليكي.
تم النشر الثلاثاء، ١٢ سبتمبر ٢٠٢٣
شكرا بجد على كلامك وانا فعلا كلمت مامته عشان اعرف هو ماله
تم النشر الثلاثاء، ١٢ سبتمبر ٢٠٢٣
علشان تقتلي البرود ده اتقلي شوية لحد ما يفضفض معاكي لكن مش قوي علشان ميطول النفور بينكم الاهم انك تهدي ومتتكلميش كتير وهو هيرجع يكلمك علطول ..علشان كتر التقرب اوقات بيسبب البرود والنفور يعني خلي فيه اشتياق بينكم بسبب بعد المسافات او قلة الكلام ده حل نفسي وواقعي مع العلاقات اوقات كتيرة ..ولكن ابحثي مع اقرب الناس ليه ف بيته شوفي هو بيعاني من مشكلة ومسببة مضاية ليه ولا الامور تمام بكدة هتعرفي السبب وحله بين الامرين .واطمني ادام ماسكين في بعض عمر ما في اي شي هيبعدكم ودي امور طبيعية بسبب ضغوط الحياة اوقات كتيرة ..تحياتي
تم النشر الثلاثاء، ١٢ سبتمبر ٢٠٢٣
لعرض السؤال في فدني اضغط هنا