السلام عليكم انا متزوجه منذ 3 ولغايت الان ربنا مرزقنيش بذريه وروحت لدكاتره كتير واخدت ادويه كتير واهل زوجي جيبين العيب عندي انا وكل يوم ممررين عليا عيشتي بكلامهم ومش عارفه اعمل اي نفسيتي بقت تحت الصفر واتحطمت ومبقاش عندي رغبه في اي حاجه وكل اللي انا عاوزه أن أفضل مع نفسي في اوضه لوحدي واعيط مبقتش بحب اتكلم مع اي حد خالص ولا تتناقش خالص
اعمل// اي علشان اطلع من الحاله دي اكمل //مع جوزي واستمر ولا انفصل /للعلم أن جوزي حبيبني وديما بيهون عليا وديما بسقف في صفي/ اعمل اي انصحوني
اعملى تحاليل روحى انتى و جوزك لدكتور و أعرفو العيب فين و أدعى ربنا انتى مش بأيك تعملى حاجه لس العلم تطور و تقدرى تروحى لدكتور و تابعى و بأذن الله تخلفى قريب بس اكيد ربنا ليه حكمه فى التأخير ده و كل حاجه من ربنا بتكون خير لينا متشليش هم حد و كونى أقوى من كدا ديه حاجه انتى مش مسؤوله عنها
تم النشر الجمعة، ٨ مارس ٢٠٢٤
زوجتي مرت بنفس المشكلة دي قعدت شهرين مستحملة كلام اهلي فنفس الموضوع..كنت بقف معاها ونقول لبعض ان الموضوع دا هدية من عند ربنا وان دي من عنده ملناش اي دخل فيها وقوليلهم ان دي حاجة من عند ربنا احنا ملناش تحكم فيها مهما عملنا عمليات ولا الهوا لحد ما ربنا يكرمكم ان شاء الله يارب ربنا يرزق كل مشتاق بالذرية الصالحة
تم النشر الخميس، ٧ مارس ٢٠٢٤
السلام عليكم إنتِ قلتي إن زوجك بيحبك وبيهون عليكي و بيقف في صفك .. إزاي من أول مشكله تواجهك يكون الحل المثالي إنك تسيبيه؟ أنا شايفه إنك لازم تتكلمي معاه لأنه لو بيقف في صفك فعلا هيسمعك وهيساعدك.. عرفيه إن الكلام دا جارح جدا وحساس بالنسبالك و إطلبي منه يوقف أي حد بيتكلم في الموضوع دا عند حده وكلميه بصراحه وقوليله كل اللي جواكي .. وأي حد فيهم يكلمك أو يلمح بكلام قوليله ربنا لسه مأذنش .. هتدينا الإذن إنت/ إنتِ ؟ كما إن 3 سنين مش مده طويله خالص على فكره ومتسدعيش إنك تفكري إن في مشكله لا عندك ولا عنده من الأساس .
تم النشر الخميس، ٧ مارس ٢٠٢٤
وعليكم السلام ورحمة الله وبركاته .. ربنا يرزقك باذن الله الذرية الصالحة .. طالما زوجك واقف معاكي وفي صفك .. يبقى خليكي معاه ليه تنفصلي؟ انا مقدرة جدا كلامهم السخيف معاكي، بس حاولي انك تتجاهلي كل الكلام ده، وتقللي من وجودك معاهم ان امكن .. لكن متنفصليش عن زوجك طالما هو واقف معاكي.
تم النشر الخميس، ٧ مارس ٢٠٢٤
فعلا وانا مقدرش استغني عنه بس دا كان هيبقي غصب عني فعلا كلام حضرتك كله صح
تم النشر الخميس، ٧ مارس ٢٠٢٤
يبق طبعا تخليكي يدك بيده
تم النشر الخميس، ٧ مارس ٢٠٢٤
هو لو عايز الخلفه كان خيرك أن انتي ترضي يتجوز أو يطلق . صح ولا لا. يعني هو طالما انتي علي زمته ومستفناش عنك. يبق عايزك. مش كده ولا ايه
تم النشر الخميس، ٧ مارس ٢٠٢٤
وعليكم السلام ورحمه الله. بصي جوزك عايزك وانتي عيزاه خلاص. واللي عندك ده بيد الله
تم النشر الخميس، ٧ مارس ٢٠٢٤
تمام شكراً لنصيحه حضرتك
تم النشر الخميس، ٧ مارس ٢٠٢٤
متنفصليش ، كملي و حاولي تشغلي وقتك دايما و متسمعيش كلامهم ، ده رزق من عند ربنا و ربنا يهب لمن يشاء ، حاولي تتجنبيهم و ربنا يرزقك كل الخير و يسعدك
تم النشر الخميس، ٧ مارس ٢٠٢٤
ونعمه بالله العلي العظيم اللهم امين يارب العالمين ويرزق كل مشتاق بذريه يااااارب
تم النشر الخميس، ٧ مارس ٢٠٢٤
استمري مع جوزك وماتنفصليش عنه الرزق بيد ربنا ربنا بيختارلنا الي خير لنا والله لا يكلف نفسا إلا وسعها استحملي فإن فرج الله قريب وجوزك باين قد ايه بيحبك فمتضيعهوش وتضيعي نفسك وماتهتميش بكلام عيلته علشان الناس الي زي دي هتفضل تجرح فيكي حتى لو جيبتي طفل وربنا يرزقك بالذرية الصالحة عاجلا .
تم النشر الخميس، ٧ مارس ٢٠٢٤
الله يوفقك وينعم عليكم بالسعادة اللهم امين✊🌹🌹🤍
تم النشر الجمعة، ٨ مارس ٢٠٢٤
لعرض السؤال في فدني اضغط هنا