انا جوا حفره ودايره فكريه مش عارف اخرج منها
....
1 - في صوت في دماغي دايما بيقولي افكار سلبيه عن نفسي ويفكرني بمواقف قديمه جدا تدايقني ، وكل ما ادرك الفرق بيني وبين الصوت دا واحس اننا شخصين فعلا ، مبقدرش اوقفو تماما
2 - عايز افهم مين اللي متحكم في مين ، انا ولا عقلي وافكاري
3 - مش عارف اكون النسخه اللي انا عايزها بسبب حربي المستمره مع نفسي والدوشه اللي ف دماغي
4 - حرفيا المجتمع اللي انا عايش فيه مفيهوش 1% من الناس يشبهني
5 - انا مش معقد وبسيط وبيقولو عليا دمي خفيف وضحكتي حلوه ، بس دايما بحس بضغط جوايا وانا قاعد مع حد بيخليني مقدرش اعمل اي حاجه من الحاجات دي ، والتشويش مبيخلنيش ادير الحوار او القعده بشكل سليم ، لان الكلام بيخلص مني بسرعه بسبب دماغي وتركيزي ف ان كل شيئ يبقا كويس
شوية معلومات عني ممكن تفيد ف التفكير
انا شخص قرر يسيب كل المجتمع اللي عايش فيه والناس اللي حواليه ويهرب ويروح يقعد لوحدو ف بيت ف مكان بعيد شويه ، كل صحاب عمري حصل بيني وبينهم مشاكل ،، عندي شوية افكار عني استنبطها من اللي حواليا ، مفيش حد يشبهني ، دايما حاسس بالوحده وبتخنق لما اكون مدايق وحرفيا ملقيش حد اتكلم معاه ، بحب الحياه اوي والناس وبحب الخير وكل حاجه كويسه وحلوه ، بس الحياه العكس تماما معايا
خذ لك صديق زي امك ولا حد من خواتك وخليهم جنبك على طوول ...واحكيلهم الطالعة والنازلة واطلب منهم يستحملوك شوي عشان حالتك النفسية دي الي هي مرحلة بتفوت .اذا عالجتها بطريقة سليمة امك هي الصديق المثالي ليك في حاله زي هذي
تم النشر الاثنين، ٣١ يوليو ٢٠٢٣
كل كلامك اتكرر فيه مختلف عنهم ومفيش حد شبهى .. طب انت دورت على نقاط اتفاق وتشابة اصلا استحالة يكون مفيش ٣ تشابهت على الاقل انت تقدر تقول انك عارف نفسك بنسبة كام ف المية ... عشان تقدر تحدد انت بتحب ايه ومحتاج ايه من الناس ال ف حياتك الحوار الداخلي ده شئ جميل جدا ومفيد لتنمية الذات بشكل كبير .. الفكرة فى إدارته وتوجيه ***الاسهل اننا نختار السلبيات ،بس الحلو فى حكايتك انك مصمم تكون شخص ايجابى فأنت كدة فى النص بين مرحلتين محتاج عوامل تساعدك تنجح فى الانتقال للمرحلة الجديدة ف حياتك واتأكد مهما ان كلن عمرك وخبرتك لازم هيجى وقت تكون متلخبط فيه ومش عارف ايه الحل .. ديه بتكون بداية نطور فى حياتك وتنجح بتعلم شئ انت محتاجه اتمنى اكون قدرت اوصلك وجهة نظرى
تم النشر الاثنين، ٣١ يوليو ٢٠٢٣
هل انت مسلم تعبد الله وحده ؟؟ بحكم الموقع عالمي
تم النشر الاثنين، ٣١ يوليو ٢٠٢٣
صباح الفل .. علي فكره انا شبهك جدا بحس ان جوايا ٢ واحد يدخلني جهنم و التاني عايزني ابقي ملتزم عارف امتي بقي الصراعات دي تنتهي .. لما انت تقرر هتغذي انهي واحد فيهم .. عارف احساس التوهه و ان انت لوحدك مش طايق حد لانك لما هتتكلم حتي مش هتتفهم و لا هيبقي في اهتمام من حد .. انا بقول الكلام ده لنفسي قبلك و الله اخرج من عزلتك دي خالص و حاول باقصي حاجه تخرج منها و سامح نفسك علي كل حاجه قديمه بجد و تقبل ذاتك بكل حاجه فيها .. صراعاتك دي لازم تحسمها جوه دماغك لازم .... قبل ده كله بقي لما تكون ف خلوه خلي بالك من افعالك لان الاحاسيس دي بتيجي لما يكون الشخص طبيعته حاجه و هو بيوري الناس حاجه تانيه كل ما كان افعالك ف خبوتك زي فعلك وسط الناس هتقفل الفجوه دي و ارجع لربنا احكيله و فضي و ارمي هموم الجبال اللي كتفك شايلها و صدقني ربنا هيفاجاك اوي و هيسندك عن تجربه .. لانه بيعاملنا برحمته مش بعدله ربنا هيراضيك و هيغيرلك حالك للاحسن مدام انت معترف بعيوبك و متقبلها و عارف مميزاتك الاعتراف بدايه الحل .. و ربنا يهدينا
تم النشر الثلاثاء، ١٥ أغسطس ٢٠٢٣
نصيحة من شخص مر بكل هذا مسبقًا رجاء اذهب لطبيب نفسي، حتى يساعدك على العلاج من هذه الوساوس. هذه الوساوس قد تكون هينة الآن، ولكنها تزداد خطورة مع الوقت في بعض الحالات، وأحيانًا يكون تأثيرها أشد وأعمق على الشخص، مما قد يدفعه لفعل أشياء غير صحيحة ويندم عليها بعد ذلك أو تكون ذات أذى لنفسه أو لغيره. فرجاء اذهب لطبيب نفسي الآن قبل تفاقم الوضع، الف سلامة عليك
تم النشر الجمعة، ١١ أغسطس ٢٠٢٣
علمت مؤخرا.. من الحكم الإلهية "الحياة مدرسة الروح لتعلم ومعرفة والقدرة على تفرقة الثنائيات (الخير والشر .. الفرح والطرح ....) ،بعدها نفهم ان كل شعور ينطلق يجلب مثله وكل كلمة وكل فعل كل شئ له سبب وتأثير . فكل ما نحن عليه من حال هو نتيجة افعالنا .. مبدأ الوجود الاساسى
تم النشر الأربعاء، ٩ أغسطس ٢٠٢٣
أخي الكريم، أشكرك على مشاركة مشاعرك بصدق. يبدو أنك تمر بفترة صعبة وتشعر بالضياع وعدم الانتماء. لكن لا تيأس، فالحياة ذات مراحل وستجد دائما الخير إن شاء الله. أولاً، الصوت السلبي في رأسك ليس أنت، ولا تسمح له بالتحكم فيك. حاول أن تتحدث مع نفسك بإيجابية وتذكر نقاط القوة لديك. ثانيًا، لا تلوم نفسك على اختلافك عن المحيطين بك. فالاختلاف سنة الحياة وميزة لا عيب. ركز على استثمار مواهبك وطاقتك في أمور تفيدك وتفيد الآخرين. ثالثًا، حاول الاختلاط بالناس ولو قليلاً فهذا يخفف الضغط النفسي. وتذكر أنك لست وحيداً، فالله معك دائمًا وسيرسل لك من يساندك. رابعًا، ابحث عن هواية أو نشاط تحبه لتشغل به وقت فراغك بدلًا من التفكير السلبي. واجعل لنفسك أهداف إيجابية تسعى لتحقيقها. خامسًا، تذكر أن لكل ظلام فجر وستجد دومًا المخرج مهما طال الطريق. فقط ثابر وأحسن الظن بالله. أتمنى أن تجد في نصيحتي بعض العون لك أخي. وتذكر أنك لست وحيدا، فالله معك وسييسر لك مخرجًا إن شاء الله.
تم النشر الاثنين، ٣١ يوليو ٢٠٢٣
الشخص التاني اللي بيقعد يجلد فيك ويفكرك بكل حاجه وحشة بيقولك ايه؟ وانت ندمان عليها او بتفكر فيها ازاي؟ ليه اخترت انك تبعد، تبعد عن كل الناس وتعيش لوحدك؟ هل البعد كان له اثر عليك كويس اكتر من كونك عايش مع الناس؟ وعايز الناس تفهمك ازاي؟ او تشبهك ازاي؟
تم النشر الاثنين، ٣١ يوليو ٢٠٢٣
ممكناعرف متى بدات تحس انك بهذي الحالة وماهو اكثر موقف بيحسسك بغرابتك ؟؟
تم النشر الاثنين، ٣١ يوليو ٢٠٢٣
انا زيك كده علي طول جوايا صوتين واحد ايجابي وواحد سلبي وبيفضلو يتناقشو ويتحاورو مع بعض بتشتت وبضطر للهروب من اي موقف ومن اي قرار بحب الوحده لاني اعتدت عليها ومع ذلك بكرهها بكون مرتاحه وانا لوحدي عشان نفسي الوحيده اللي فهماني وبريح نفسي وبكون مش مرتاحه لاني نفسي حد يفهمني ويكون شبهي بس اكتشفت ان الحل ان يكون في حد في حياتك بتثق في وبيفهمك وبيسمعك تحكيله علي كل حاجه وتتناقش معاه كأنه نفسك بس اهم حاجه يكون الشخص ده عاقل وناضج وتثق في وحاول متقعدش مع نفسك كتير واول اما تحس انك داخل في صراع بينك وبين نفسك الهي نفسك ب اي حاجه ومتفكرش واختلط اكتر بالناس حتي لو مش بتحب كده ومش بترتاح بس ده العلاج الوحيد والصوت ده ساعات بيبقي مفيد لانه بيخلينا نراجع نفسنا ونصلح من نفسنا بس الاهم ان منديش الصوت ده وقت اكبر من وقته خلي وقت محدد بس في اخر اليوم اتكلم في مع نفسك واسمعها وراجع تصرفاتك وافكارك وباقي اليوم خليك دايما وسط ناس واتكلم معاهم الناس مش هتفهمك غير لما تتكلم
تم النشر الجمعة، ١١ أغسطس ٢٠٢٣
مش مقتنع بالكلام دا
تم النشر الثلاثاء، ١ أغسطس ٢٠٢٣
ممكن تستغل التوكيدات الإيجابية مع الوقت هتلاحظ الفرق
تم النشر الثلاثاء، ١ أغسطس ٢٠٢٣
لعرض السؤال في فدني اضغط هنا