انا واحده عندي 35 سنه عمري ما ارتبطت قبل كده كنت بشتغل مع حد وكنت معجبه بيه جدا بس كنت متاكده ان هو عمره ما فكر فيا لدرجه اني في مره قلت له تتجوزني وساعتها رفض
دايما كان بيجي لي عرسان بس كانوا غير مناسبين ليا تماما لحد من كم شهر جالي عريس ويمكن اول عريس ارتاح له نفسيا واحس اني ممكن اكمل معاه وافقت ولما بلغت الشخص اللي بشتغل معاه قال لي لا انا مش عايز اخسرك وهتقدملك وجيه اتقدم وخطبني بس للاسف من ساعتها وانا حاسه انه ما بيحبنيش حاسه بعدم التقدير بقله اهتمام هو اه مشغول بشغله جدا حد بتاع شغل بيحب شغله بس حاسه اني مش موجوده في حياته خناقات كثير بسبب الموضوع ده دايما بشتكي انه مش مهتم بيا مبيقوليش كلام كويس زي اي واحد بيقول لخطيبته كلام كويس كلام حلو دايما تتقلب بخناقه اني مشغول وعندي شغل والكلام ده تفاهه وانت كده بتفكري بطريقه تافهه لحد ما في لحظه ضعف مني لقيت نفسي فتحت البلوك اللي كنت عاملاه للعريس القديم وعملت ستوري تظهر له هو بس عشان اعرف هل هو لسه مسجل رقمي وهل ممكن يكلمني او لا وفعلا كلمني ساعتها قلت له اني فسخت خطوبتي من الشخص ده و اتكلمت معاه كذا مره وخرجت معاه كذا مره اهتمامو الكبير بيا كاننا اتنين بنحب بعض والاحساس اللي انا نفسي احسه بحسه معاه بقيت بني ادمه خاينه وزباله مش قادره افكر اعمل ايه مش عارفه اسيب خطيبي ما اعرفش ليه وفي نفس الوقت مش عارفه اقول للثاني ايه بس مش عارفه اخد قرار مش عارفه مش عارفه
انا بقيت متدمره نفسيا مش عارفه اعمل حاجه مخنوقه طول الوقت وبرده مش عارفه اخد قرار خطيبي اهو حد انا عارفاه كويس العريس ما اعرفوش كويس خايفه يكون حلاوه البدايات بس وبعد كده هيبقى حد مش كويس الله اعلم ولا عارفه اخد قرار خايفه اخذ قرار اخسر بيه كل حاجه انا مش حلوه عاديه او اقل من العاديه بشويه و 35 سنه مش سهله الاقي عريس كويس
المشكله اني الشخص لما جالك مقدرش اعيش من غير وجي اتقدم قولتي خلاص هو ده ،واللي متعرفهوش إن الشخص ده بتاع مصلحته اهم حاجه الشغل وبس حته لو انتو اتخانقته مش هتبقي فارقه معاه طالما انتي موجوده في المكان واكيد انتي فاهمه الشغل كويس ومتجل عليكي في كل حاجه ،الحل الوحيد علشان ترتاحي شوفي شغل في حته تانيه وسيبي الشخص ده حتي بعد الجواز مش هيسأل فيكي هينزلك وهتشتغلي وكأنك عبده عنده ،ولو سبتي قرري تمشي صح وامشي بما يرضي الله ولو عايزه عريس قولي يا رب اكرمني هيكرمك لييييي لانك سلمتي الأمر لي أما انتي هدوري مش هتعرفي تختاري لنفسك حاجه لان احنا لا حول ولا قوه
تم النشر الثلاثاء، ٣ سبتمبر ٢٠٢٤
السلام عليكم و رحمه اللّٰه و بركاته طالما حاسه انك مرتاحه مع الشخص الي اتقدملك جديد ليه موافقتيش عليه و وافقتي على شخص رفضك مسبقاً المفروض تفكري كويس انتي حابه تبقي مع مين صلي استخاره بينهم ، و توبي لربنا لإن دي مش كذبه بسيطه ، و انا شايفه انك تصارحي الإتنين بدل متعيشي على كدبه طول عمرك دا هيحسسك بالندم طول الوقت و يا ريت متخافيش من انهم لو رفضوكي ف متلاقيش عريس ذي مبتقولي و إن كذبتي ب حِجه صعب تلاقي عريس مناسب ، لو ليكي نصيب هيجيلك لحد عندك بس أهم حاجه بلاش تبني حياتك على كذبه عشان حتى تريحي ضميرك صارحيهم و أنا شايفه إن طالما الشخص الي معاكي في الشغل مش مديكي اهتمام و خناقات طول الوقت ف يستحسن انك تنفصلي عنو لإن المفروض مهما كان شخص بيحب الشغل المفروض يديكي وقت من يومو و يهتم بيكي بردو . و هوني على نفسك كلنا بنغلط بس في فرق بين الي بيعترف بالغلط و بيصلحو و الي بيسكت عليه حاولي تصلحي غلطك ب الإعتراف مهما كانت النتائج شكلها ايه و يا ريت تحطي اول أولوياتك انك بتعترفي بالذنب و الغلط عشان ربنا يغفرلك ساعتها ب إذن الله هيغفرلك و هتتحسن حياتك بشكل كبير . و اتمنى لكي التوفيق و الهدايه
تم النشر الثلاثاء، ٣ سبتمبر ٢٠٢٤
السلام عليكم ورحمه الله وبركاته يا ست البنات. القرارات مش بتتاخد بناء على جزئيه واحده. القرارات بتتاخد بناء على التسلسل بتاع الاولويات والاهميه بتاعه المعايير بتاعت كل حد فيه يعني ببساطه انا دلوقتي يهمني ايه في الشخص اللي انا هحس معاه بالامان وبالسكينه وما احسش ان انا هبص لحد ثاني غيره يهمني ان هو يكون حنين بالنسبه لي نمره واحد نمره اثنين يهمني ان هو يكون مستقر في شغله دي نمره اثنين نمره ثلاثه يهمني ان هو يكون يتكلم بطريقه محترمه. تمام كده ادي مثال على ثلاث معايير هبص على الشخص اللي قدامي. عشان كده ده اللي حصل معاكي انك تكوني محتاره الحيره اللي انت فيها دلوقتي اخترتي الشخص اللي معاكي وبتقولي انك عشان انت عارفاه انت ممكن تكوني عارفاه على مستوى المساحه بتاعه علاقتكم في الشغل او اللي هو يا دوبك احنا نعرف صحيات عن بعض اجتماعيا يعني لكن ده مش معناه خالص انك تعرفيه لانك ما تعاملتيش معاه بشكل لاقرب وده اللي حصل بعد الخطوبه تعاملتي معاه بشكل اقرب فلقيتي انه الواحد اثنين ثلاثه بتوعك ايه ده فيهم حاجات مش موجوده فبدا الموضوع يهدد احساس الامان بتاعك واحساس السكينه فالاضطراب ده خلاك انك تتصرفي تصرف غلط لانه عندك احتياج عايزه تمليه طب اذا كان ده في الخطوبه يعني امال هتعملي ايه بعد الجواز. فانا نصيحتي لك وطبعا تتراجعي عن تصرفات الغلط الكثير اللي عملتيها اييي اذا مش حاسه انه خطيبك الحالي بيمثل الشخص اللي هيخليكي تحسي بانك مرتاحه مع الجواز يعني في انه يكفيكي من الاحتياجات النفسيه والعاطفيه اللي انت تفرق معاكي.
تم النشر الاثنين، ٢ سبتمبر ٢٠٢٤
حاولي تحديد ما هو الأكثر أهمية بالنسبة لكِ في العلاقة. هل هو الأمان العاطفي والتقدير، أم الحب والرعاية؟ فكري في ما يلبي احتياجاتك العاطفية والمعنوية بشكل أفضل.إذا كنتِ تشعرين بعدم التقدير في علاقتك الحالية، حاولي التحدث بصراحة مع خطيبك حول مشاعرك. ربما يكون غير مدرك لمدى تأثير انشغاله عليكِ. التواصل المفتوح قد يساعد على تحسين العلاقة أو توضيح ما إذا كانت هناك مسائل أساسية لا يمكن حلها. على الرغم من المشاعر الجيدة التي تلمسينها مع العريس القديم، تأكدي من أنكِ لا تفتقدين لحظة الضعف أو الحنين إلى الماضي. ربما يكون من المفيد التحدث معه بوضوح حول مستقبلكما المحتمل ومعرفة ما إذا كانت مشاعركما تجاه بعضكما حقيقية ومستدامة.
تم النشر الاثنين، ٢ سبتمبر ٢٠٢٤
أختي العزيزة، أولاً، أود أن أؤكد لك أن ما تعانين منه هو أمر طبيعي يحدث في حياة الكثير من النساء، ولا يعني ضعف الشخصية كما تتصورين. نحن جميعًا نتعرض لمواقف صعبة تؤثر على قرارنا وتوجهاتنا في الحياة. يتضح من حديثك أنك تواجهين مشاعر متضاربة، ومن المهم أن تتأملي فيها بعمق. اختيار شريك الحياة هو قرار مصيري يتطلب التفكير في القيم والمشاعر والتوجهات المستقبلية. يبدو أن لديك مشاعر تجاه كل من خطيبك والعريس السابق، مما يدل على أنك تبحثين عن الحب والاهتمام الذي تحتاجينه. هنا بعض النقاط التي يمكن أن تساعدك في اتخاذ قرار أفضل: تقييم العلاقات : خذي وقتًا لتفكري في ما تريدينه حقًا من العلاقة. ما هي القيم الأساسية التي تبحثين عنها في شريك الحياة؟ هل تشعرين بتقدير واحترام في علاقتك الحالية؟ التواصل : حاولي فتح باب الحوار مع خطيبك. ذكريه بمشاعرك واحتياجاتك. قد تكون مشاغله تمنعه من إظهار الحب والاهتمام الذي تحتاجينه، ولكنه قد لا يعرف أنك تعانين. الاستماع إلى مشاعرك : إذا كنت تشعرين بأنك غير مُقدّرة، فهذا مؤشّر مهم. افتحي قلبك لنفسك واستمعي لمشاعرك، فهي تعبر عن احتياجاتك ورغباتك في العلاقة. تفادي الانجراف بالمشاعر : المشاعر تجاه العريس السابق قد تكون جذابة، لكنها تُعَدّ من الأمور التي تستحق التفكير بعناية. حاولي معرفة ما إذا كانت هذه المشاعر نابعة من شعور بالوحدة أو من رغبة في العاطفة فقط. استشارة شخص موثوق : قد يكون من المفيد التحدث مع صديقة مقربة أو شخصية تثقين بها، فوجهات نظر الآخرين قد تساعدك في فهم وضعك بشكل أفضل. في النهاية، تذكّري أن اتخاذ قرارات مثل هذه ليس سهلًا، ولا ينجح فيه الجميع من المحاولة الأولى. تأنّي وقرّري وفقًا لمشاعرك وما قمت بتقييمه من جوانب الحياة المختلفة. الله سبحانه وتعالى يختار لك ما هو خير، وثق بأهميّة دعائك بالتوفيق. أنتِ تستحقين السعادة والاحترام في أي علاقة تختارينها. وفقك الله.
تم النشر الأحد، ١ سبتمبر ٢٠٢٤
انصحك بصلاة الاستخارة والله هيدبرك الأمر أن شاء الله صدقيني
تم النشر الاثنين، ٢ سبتمبر ٢٠٢٤
بصي نصيحه مني طالما ملقتش التقدير والاحترام من الاول للي بتحبيه متفكريش انه هيجي بعد الجواز الي بيقدر ويحب ويحترم بيبقي من الاول وانا راي انك تخليكي مع العريس القديم طالما بيقدرك وبيحترمك وعلي كلامك انك مرتاحه معاه اما بالنسبه الحلاوه البدايات دي حاجه في علم ربنا بس كله الي اقدر اقوله صلي ستخاره وشوفي لو لقيتي نفسك مرتاحه للعريس القديم كملي معاه لكن التاني ده نصيحه متكمليش معاه
تم النشر الاثنين، ٢ سبتمبر ٢٠٢٤
لان الله سبحانه وتعالى يعلم الغيب ويعلم من الخير لكي
تم النشر الاثنين، ٢ سبتمبر ٢٠٢٤
سيبي و فركشي مع خطيبك مادام مش حسه بالراحة من البدايه و كملي مع العريس القديم
تم النشر الأحد، ١ سبتمبر ٢٠٢٤
طالما خطيبك لا يناسبك اتركيه، وطبعًا اقطعي علاقتك بكليهما واستشعري نظر الله إليك واستغفري وسلي الله أن يرزقك بالخير.
تم النشر الأحد، ١ سبتمبر ٢٠٢٤
لعرض السؤال في فدني اضغط هنا