لو سمحتم أنا مكسوفة أسأل أوي عن النصيحة دي بالذات بس محتاجه مساعدة.
انا عندي 17سنه ومعنديش صحاب وعلى طول قاعدة لوحدي فكل ما أحس إني لو حدي اوي وأضايق بعمل حاجه وحشه انا عارفه انها غلط وحرام بس مش عارفه ابطل والحاجه دي هي العادة السرية،
وبعد ما بعمل كده بقعد اعيط جامد انا مكنتش عارفه الحاجه دي ولا كنت فاهمة بس عرفت واحد اكبر مني عنده 28سنه وكان الموضوع ده مهم اوي بالنسبة له وهو اللي علمني اعمل كده عشان هو كمان لما يعوز يعمل كده ميبقاش لوحده
بس انا سبته وللعلم كنت اول مره اكلم حد في حياتي واللي كان مصبرني ومخليني ساكته واسمع كلمه اني لقيت منه حنيه واهتمام وحسيت أنه ظهر وسند وكنت على طول بقول انا ابويا محبنيش يبقى اكيد مفيش حد هيحبني فلما هو جه حسيت بنفسي وانوثتي معه انا عارفه أنه غلط بس انا والله سبته بس مش عارفه ابطل العاده اعمل ايه
بعيدا عن الظروف الى خلتك تتعرفى عليه ولا الى حصل.. عاوزك تتعلمى ازاى تديرى مشاعرك.. هو استغل فراغك العاطفى وعرف يزرع جواكى ان هو الى انتى مستنياه وهو الى هينقذك وقالك كلمتين حلوين ضحك بيهم على عقلك عشان يصطادك وانتى استجبتى ليه ، فلازم نتعلم اننا نوزن الامور بدماغنا انتى مابقتيش صغيرة بس ينقصك شوية خبرة فعادى لو اخدتى رأى حد بتثقى فيه.. ثانيا.. عاوزك تتأكدى من جواكى انه اذاكى وعاوزك تكرهيه اوى وتكرهى اليوم الى شفتيه وكلمتيه فيه وتكرهى كل حاجة علمهالك ، عاوزك تنتقمى منه ف نفسك بانك ماتعمليش اى حاجة علمهالك وتكونى احسن وكل ما دماغك تجيبك افتكرى انك كدا بتعملى الحاجة الى بتبسطه وهو اذاكى وضرك وخلاكى تعصى ربنا وخلاكى متحبيش نفسك فهل ينفع حد بيكرهنا كدا نسمع كلامه ؟ خلى دا حافز ليكى.. ثالثا صحابك يآنسة، دورى ع الصحبة الصالحة اطلعى برا القوقعة الى دخلتى نفسك فيها زاى ماعرفتى شخص مش كويس اذاكى وجرك لطريق وحش اعرفى اشخاص كويسين هيفيدوكى ويجروكى لطريق الصلاح... خليكى عارفة يآنسه انك لو مسعدتيش نفسك محدش هيقدر يساعدك، خلى عندك يقين انك تقدرى تعملى اى حاجة استعينى بربنا وقربى واتكلمى معاه وانتى حاسة بذنبك ولو اذنبتى توبى مرة واتنين وافتكرى دائما ان ربنا مطلع عليكى ولازم تشغلى نفسك بأى حاجة تبعدك عن الكلام داا واستعينى بالله اولا واخرا هيتقبلك.. حاشا لله ان يرد عبدا طرق بابه.. كلنا بنغلط وبنذنب وبنتوب دا المهم.. ولنا ولكى الله
تم النشر الأربعاء، ٨ يناير ٢٠٢٥
علشان تقدري تتغلبي على ممارسة العادة لابد وان تشغلي وقتك لأن الفراغ والعزلة سبب مباشر في اللجوء لتلك الممارسة ولأن الشهوة الجنسية رغبة طبيعية وطاقة داخلية فلابد من استثمارها في ممارسة رياضة مفيدة بدلآ من اهدارها في ممارسات سلبية تعود عليكي بالضرر والحزن وجلد الذات ولو خطوة الابتعاد عنها صعب انك تتخذيها بنفرد بمن الضروري المتابعة مع مخاص تعديل سلوك ويارب يبعد عنك الفتن ويصلح حالك
تم النشر الجمعة، ١٠ يناير ٢٠٢٥
صغيرتي شكرا لطرحك مشكلته وطريقة تعبيرك عنها مما يدل علي ذكاك ووعيك بمشكلتك خلينا نقول انك اتعلمت سلوك خاطئ من احد الاشخاص وانك لم تكوني تعرفين وانا هنا لن اتحدث عن الحرمانية انما ساطلب منك البحث عن مخاطر ممارسة العادة السرية التي من الممكن ان تتسبب في توقف عضلة القلب احيانا بالاضافة لضياع وقتك وعدم تركيزك نتيجة الاحساس بالذنب والمشاكل التي ستقابيلنها في حياتك الزوجية من عدم استمتاع فيما بعد اذا استمر الموضوع فمشكلتك عزيزتي تتلخص في وجود وقت فراغ بالاضافة لعدم وجود اصدقاء لديك فحاولي ملئ وقت فراغك بالانشطة وممارسة الرياضة والهوايات والمذاكرة طبعا ولا تعزلي نفسك عن اسرتك وعن المجتمع حتي لا تصابي بنقص المهارات في التعامل مع الاخرين ابداي في تكوين جماعة اصدقا تتوافق مع قيمك ومع شخصيتك انتقي اصدقاء جيدين وحاولي التوقف عن تلك العادة والابتعاد قدر الامكان عن الظروف التي تجعلك تلجاين لها مثل عدم الجلوس كثيرا بمفردك في غرفتك وعدم التطويل في الاستحمام حسب المكان الذي تتم فيه الممارسة تجنبيه قدر الامكان
تم النشر الجمعة، ١٠ يناير ٢٠٢٥
عزيزتي، أشكرك على مشاركتك لمشاعرك وتجاربك. أود أن أبدأ بتأكيد أهمية فتح الحوار حول هذا الموضوع، فلا يوجد ما تخجلين منه. من الواضح أنك تدركين أن العادة السرية قد تؤدي إلى شعور بالذنب والندم، وهذا الشعور قد يكون دليلاً على أن هناك حاجة للتغيير. إليك بعض النصائح التي قد تساعدك في الابتعاد عن هذه العادة: ابني علاقات صحية: حاولي البحث عن أصدقاء أو مجموعات تفاعلية في المدرسة أو المجتمع، فهذا يمكن أن يساعدك في الشعور بالتواصل والارتباط. شغلي نفسك: استغلي الوقت في نشاطات جديدة، مثل القراءة، الرسم، ممارسة الرياضة، أو حتى تعلم مهارة جديدة. الانشغال بالنشاطات المختلفة سيساعدك على تقليل الفراغ والزمن الذي قد يؤدي إلى ممارسة العادة. مواجهة المشاعر: إذا شعرت بالوحدة أو الضيق، حاولي التحدث مع شخص تثقين به، سواء كان أحد أفراد العائلة أو معلمة أو مستشارة، فهم يمكن أن يساعدوك في التغلب على هذه المشاعر. تطوير روح الإيمان: عزيزتي، عندما تزيدي من ارتباطك بعباداتك مثل الصلاة وقراءة القرآن، ستحصلين على دعم روحي يساعدك في التغلب على التحديات. تحديد الأهداف: حاولي وضع أهداف قصيرة وطويلة الأجل لنفسك. كلما حققت إنجازًا، مهما كان صغيرًا، ستساعدين نفسك على بناء شعور إيجابي وثقة أكبر. تذكرين دائمًا أن التغيير يحتاج إلى وقت وصبر، فأنتِ على الطريق الصحيح بمجرد فهمك لما تحتاجين إليه. إن كنت تحتاجين إلى المزيد من الدعم، فلا تترددي في طلب المساعدة من متخصص في الصحة النفسية. حظًا موفقًا!
تم النشر الأربعاء، ٨ يناير ٢٠٢٥
صلِّ على النبي خلينا متفقين ان انتي معترفه ان كل ده حرام اصلا طيب هو حرام بس انتي بتعمليه بتعمليه ليه بقى عشان اتعرفتي على حد جرك ليه واتعرفتي عليه بسبب ظنك الغلط ان والدك مش بيحبك اولا مفيش اب مش بيحب بنته حتى لو مظهرش ده ممكن يكون والدك مش بيعرف يعبر عن مشاعره كويس بس! ف الاول والاخر ده والدك انتي بتقولي ان مالكيش صحاب جربتي تتعرفي على حد اظن انك تانيه ا تالته ثانوي ف المفروض بتروحي مدرسه ومعرضه انك تشوفي ناس جديده لو جربتي انك تشوفي بنت تكون صاحبتك وتكون محترمه وصديقه صالحه اهم حاجه اه صعب انك تلاقي والموضوع هيطول بس هتلاقي انتي لو بحثتي ف عقاب ده هتلاقيه عظيم جداااا وذنوب للصبح بس! لو بحثتي برضه هتلاقي ان ربنا غفور رحيم
تم النشر الأربعاء، ٨ يناير ٢٠٢٥
الشكر لله ربنا يعينك ❤️
تم النشر الأربعاء، ٨ يناير ٢٠٢٥
شكرا جدا علي نصيحتك وطريقتك الكويسه وإن شاء الله هعمل كده جزاكي الله كل خير
تم النشر الأربعاء، ٨ يناير ٢٠٢٥
ف انتي أنوي انك مش هترجعي لكل ده تاني ابداا اه الموضوع صعب بس حاولي وجاهدي نفسك جهاد النفس ده ثوابه عظيم قربي من ربنا احفظي قرآن قربي من أهلك اكتر ركزي ف مذاكرتك انشغلي بحرفة او مهارة جديده اقرأي كتب اعرفي اكتر عن الدين وربنا يصلح حالك وحالنا أجمعين يارب❤️
تم النشر الأربعاء، ٨ يناير ٢٠٢٥
لعرض السؤال في فدني اضغط هنا