السلام عليكم، طيب لو عرفتِ إنه بيحبكِ، هتعملي إيه؟ إيه الخطوة الجاية؟ هيتقدم ويخطبك؟ هتتكلموا من دون علم الأهل؟ ** بصي يا جميل، أنتِ في فترة حساسة جدًا من عمرك والفترة دي المشاعر بتخدعنا فيها كتير. الحب مش حرام في ديننا أكيد لكن لما يكون في طريق صح والأهل عارفين وموافقين مش زي ما بيحصل دلوقتي بين الأولاد والبنات. ** الفترة اللي انتِ فيها كلنا مرينا بها وتجاوزناها بكل مشاكلها، والمشاعر دلوقتي بتكون لسه خضراء ومتقلبة وطبيعة السن إن الجنسين ينجذبوا لبعض ويدوروا على المشاعر. فممكن تكوني أنتِ شايفة إنك بتحبيه وممكن يكون هو كمان فيه من ناحيته حاجة لكن ده مش شرط إن تكون المشاعر دي مستمرة. فمش صح أبدًا تحكمي من خلال المشاعر دي حاليًا أو تاخدي خطوة على أساسها. نصيحتي، ركزي على نفسك حاليًا وعلى دراستك وطوري نفسك ومع الوقت هتكوني ثقتك بنفسك وشخصيتك وتقدري تحددي إذا الشخص ده فعلا يستحق تكملي معه حياتك ولا لأ. بالتوفيق.
لعرض الإجابة في فدني اضغط هنا