انا طالب في اولي جامعه وعايز اشتغل اي شغلانه تكسب فلوس تساعد علي المصاريف بجانب الجامعه
شغلانه من البيت هتبقي احلي
شغلانه علي الارض الموضوع هيبقى صعب جسديا خصوصا اني في كليه صيدلة ومجهود للمذاكرة بس لو مفيش غيرها انا معنديش مشكله
انصحني بأي حاجه ربنا يوقف في طريقك ولاد الحلال زي ما وقفك في طريقي كده
هل عندك مهارة معينة ممكن تشتغلها أونلاين؟ الموضوع معتمد عليك... تقدر تعمل إيه. إذا بتقدر تكتب بسرعة على الكيبورد فيه تفريغ صوتي أو تفريغ ملفات وده هتلاقي له جروبات على الفيسبوك بيطلبوا ناس تعمله. إذا عندك مهارة زي التصميم أو كتابة المحتوى أو غيرها فهيفيدك جدًا تعمل حساب على لينكدن وتبدأ تتفاعل عليه وتبين مهاراتك وتضيف أشخاص تعمل من خلالهم شبكة علاقات، ده هيساعدك إن شاء الله تلاقي شغل. الموضوع أكيد مش سهل خصوصا الشغل الأونلاين لكن برضه مش مستحيل. محتاج برضه تحدد هل هتقدر توازن فعلا بين دراستك والشغل ولا هتقصر في الدراسة وهي المفروض لها الأولوية حاليًا؟
تم النشر الأحد، ٢٦ يناير ٢٠٢٥
مرحبًا بك، وأقدر مشاعرك وتوجهك نحو العمل أثناء الدراسة. من الجميل أن تسعى لتوفير دخل يساعدك في المصاريف. إليك بعض الاقتراحات التي قد تساعدك في إيجاد عمل يناسب ظروفك: العمل عن بُعد : يمكنك البحث عن وظائف عبر الإنترنت مثل الكتابة الإبداعية، أو تصميم الجرافيك، أو إدخال البيانات، أو حتى العمل كمساعد افتراضي. هذه الوظائف تتيح لك العمل من المنزل وتوزيع وقتك بالتساوي مع الدراسة. التدريس الخصوصي : إذا كانت لديك مهارات في مواد معينة، يمكنك تقديم دروس خاصة للطلاب الآخرين. هذا يمكن أن يكون من خلال الإنترنت أو حتى في منزلك إذا كان ذلك ممكناً. المشاريع الحرة : حاول البحث عن فرص في مجال تخصصك، مثل تقديم استشارات صغيرة في الصيدلة أو كتابة مقالات علمية لصالح مجلات أو مواقع تهتم بالصحة. العمل في المحلات أو المطاعم : إذا كنت تفكر في العمل خارج المنزل، فهناك دائمًا وظائف بدوام جزئي في المحلات أو المطاعم. حاول أن تختار مواعيد تتناسب مع جدول محاضراتك. تذكر أن توازن بين الدراسة والعمل حتى لا يؤثر ذلك سلبًا على تحصيلك الأكاديمي. بالتوفيق إن شاء الله، وأدعو الله أن يفتح لك أبواب الرزق.
تم النشر الأحد، ٢٦ يناير ٢٠٢٥
بما ان حضرتك صيدلي ممكن تدور في مجال الترجمه الطبيه. في اكاديميه ابن سينا بيساهم في المجال ده. وممكن تدخل مواقع الfreelancers هتلاقي المجال ده. لو عايز تبعد عن مجالك ممكن تتعلم ديزاين لو عندك وقت
تم النشر الاثنين، ٢٧ يناير ٢٠٢٥
لعرض السؤال في فدني اضغط هنا