السلام عليكم
طالبه المفروض تكون طالبه جامعيه بس حظي في الثانويه مجموعي قليل وتعبت لعد النتيجه وحاسه اني مش هلحق ولا اي كليه وبجد بجد حالتي النفسيه وحشه اووي وانا عاوزة اكمل اهلي بيصغطوا عليا اني اقعد وكفايه كدا بس انا رافضه وعاوزة اكمل ويبقا ليا كيان لنفسي وحياتي العمليه الخاصه بس انا خايفه وتعبت بسبب قلق التنسيق وكمان مش عارفه هلحق كليات او لا بجد خايفه اووي.
حد يفدني ويقولي اعمل اي انا بحب التأليف والكتابه جدا وموهوبه فيهم وبعرف أكتب شعر وخواطر بس مش عارفه ازاي اساعد نفسي بأني انشر اللي بكتبه وابقى مشهوره وابدا في مجال انا بحبه وعالاقل يكون في حاجه ليا جنب الكليه اذا دخلتها بتمني بجد تفدوني لان تعبت نفسيا اووي
مرحبًا، إن شاء الله تطمئنين على نتيجتكِ وتحققين ما تريدين. لا داعي للتوتر حتى ظهور النتيجة وما كتبه الله لكِ هو ما سيكون، لذا التوتر والقلق حتى درجة الإجهاد النفسي ليس جيدًا ولا فائدة منه. عندما تظهر النتيجة وكنتِ لا تزالين على قرار دخول الكلية فتحدثي مع أهلكِ بصراحة وأخبريهم برغبتكِ في دخول الجامعة وتحقيق كيانكِ... حاولي إقناعهم بطريقتك واختاري الوقت المناسب لتناقشيهم في الأمر وإن شاء الله يوافقون. بالنسبة لموهبة الكتابة فسأنصحكِ من خبرتي المتواضعة في مجال الكتابة. من الخطأ جدًا أن تفكري في النشر قبل أن تتأكدي من تطوير كتابتكِ وتعلم أساسيات الكتابة والاستفادة من تجارب من سبقكِ من الكُتاب. الكتابة تتطور بالممارسة والقراءة المستمرة وأيضًا بتحسين لغتكِ العربية... لا أعتقد أنكِ تنوين الكتابة بالعامية ولا أنصحكِ بهذا. بالنسبة لي لا أرى اللهجة العامية تصلح للأدب... ربما أتقبلها أحيانًا في حوارات بعض الروايات وفي بعض كتب الشعر لكن حتى هذه تكون عامية راقية وليس كما هو منتشر الآن على الفيسبوك وغيرها من وسائل التواصل وأماكن نشر الكتابات. إذا كنتِ تريدين بالفعل تطوير موهبتك في الكتابة والشعر فابدأي في وضع خطة تتضمن: قراءة يومية لكتب مفيدة وأشعار... حاولي القراءة لكُتاب لديهم ثقل لغوي لينمي حصيلتك اللغوية. تابعي مجموعات الأدب الراقية على السوشيال ميديا. خصصي وقتًا للقراءة في تقنيات الكتابة من مواقع الكُتاب الآخرين. تدربي على الكتابة في المجال الذي تريدين الكتابة فيه. بعد فترة وحين تشعرين أنكِ وقفتِ على قدميكِ ابدأي في عرض كتاباتكِ في المجموعات الأدبية التي تسمح بنشر الكتابات الأدبية. استفيدي من النقد الذي ستحصلين عليه سواء إيجابي أو سلبي بنّاء في تصحيح العيوب والقصور في كتابتكِ. استمري في تطوير نفسكِ. مع الممارسة اليومية والتطوير ستعرفين الوقت المناسب لبدء مدونة ناجحة ووقتها يمكنك معرفة أفضل الطرق لإنشاء مدونة وتفادي أخطاء من سبقكِ من المدونين. بالتوفيق إن شاء الله. تحياتي.
تم النشر الخميس، ٢٢ أغسطس ٢٠٢٤
هقولك علي حاجه اني مريت بنفس التجربه دي برضووو كنت زعلانه وتعبت جدا نفسيا قولتك خلاص كدا حلمي راح مش عايزه حاجه بس كنت بقول يارب الحمدلله على كل حاجه انا راضيه دخلت كليه مش بحبها روحت بلد تاني عده الوقت عرفت ان ربنا اختار لينا الاحسن الخير فيما اختاره الله اوعي تزعلي ده نصيبك انتي عملتي اللي عليكي والباقي علي ربنا تزعلي فعلا لو كنتي تقولي الي نفسك ياااه لو الزمن رجع بيا كنت ذاكرت اكتر ساعتها تزعلي اصبري وصدقيني ربنا هيعوضك خير كبير اوي هتعرفي ده مع. الوقت
تم النشر السبت، ٢٤ أغسطس ٢٠٢٤
عليكم السلام لا داعي للقلق، فوضي أمرك إلى ربك واستعيني بالله واعلمي أن أمر المؤمن كله له خير. اسألي على كافة الكليات التي تقبل المعدل الذي يوافق معدلك. وحاولي البحث جيدًا لأنه أحيانًا تكون هناك خيارات جيدة ولكن غير منتشرة. لكن الفكرة أن تتشاوري مع أهلك لإقناعهم برفق بهذه الخطوة. بعد أن تحددي ملامح طريقك للفترة القادمة سيكون من السهل إن شاء الله وضع خطة جانبية لتنمية مهاراتك وإيجاد فرصة عمل إضافية لاحقًا إن شاء الله. قبل أن تتناقشي مع أهلك، صلي ركعتين قضاء حاجة وأكثري من الدعاء أن يرزقك الله بهذه الفرصة، ألحي على الله في الدعاء وبإذن الله خير.
تم النشر الخميس، ٢٢ أغسطس ٢٠٢٤
وعليكم السلام، حبيبتي. أنا حاسة بقلقك وضغطك، وبفهم إن الوضع صعب جداً. لكن خليكي عارفة إنك مش وحيدة في اللي بتحسي بيه، وفي طلاب كتير بيمروا بنفس المرحلة. الأول، حاولي تتركي التفكير في النتائج والمجموع في الثانوي، وركزي على حباك في الكتابة والتأليف. الكتابة موهبة جميلة وإبداعية، وممكن تبني عليها مستقبلك حتى لو ما رحتش جامعة. فيه كتير طرق تعملي منها حاجة لكتاباتك، زي: تفتحي مدونة على الإنترنت وتنزلي عليها قصصك وخواطرك. تشتركي في ورش كتابة، غالباً هتتعلمي فيها تقنيات جديدة وتتعرفي على ناس بنفس اهتماماتك. تستخدمي مواقع التواصل الاجتماعي زي إنستجرام أو فيسبوك لنشر كتاباتك وجذب الجمهور. بخصوص القبول في الكلية، حاولي تكوني إيجابية وتفتحي عقلك على خيارات تانية. لو حبت تدرسي في الكلية بعدين، دا ممكن، لكن كمان لو حبيتي تشتغلي في الكتابة كوظيفة، دا برضو ممكن. أكبر نصيحة، لا تسمحي للضغوط تأثر عليك أو تخليكي تحسي إن مافيش أمل. كوني صبورة واشتغلي على نفسك وهويتك. الأهم إنك تعتني بنفسك وصحتك النفسية، وتفتحي أبواب جديدة قدامك. إتفضلّي تكتبي لي عن أي حاجة تانية تحبي تناقشيها، وأنا هنا عشان أساعدك.
تم النشر الخميس، ٢٢ أغسطس ٢٠٢٤
طالما عايزة تكملي تعلميك، كملي حتى لو هتاخدي شهادة مش هتشتغلي بيها، وتتجهي لمجال الكتابة ويكون ده كاريرك الخاص. المقصد من كلامي، اعملي اللي أنتِ شايفاه مناسب ليكي، مش لأهلك، اختاري الحاجة اللي أنت عايزاها وهتريحك.
تم النشر الخميس، ٢٢ أغسطس ٢٠٢٤
شوفي اي الكليات المتوفره ليكي الاول او شوفي معهد كويس ولما تخلصي ممكن تتجهي للمجال اللي انتي حاباه اهم حاجه يكون معاكي شهاده ممكن تشتغلي بيها .
تم النشر السبت، ٢٤ أغسطس ٢٠٢٤
لعرض السؤال في فدني اضغط هنا