انا معجبة بشخص من أولى اعدادي كان معايا فالمدرسة وحاليا انا في تانية كلية ومش قادرة ابطل تفكير فيه كنت براقبه عالاكونت وبطلت عشان انساه مش قادرة انساه ولا قادرة ابطل تفكير فيه دايما على بالي رغم اني عمري ماكلمته بس أعجبت بيه من اول نظرة
ازاي ابطل تفكير فيه انا لما بشوفه بحس انه عارفني وأنه عايش جوايا وانا عمري ماتعاملت معاه وكنت بشتاقله جداا ومهووسة بيه رغم اني قابلت ولاد كتير هو حاجة تانية مشوفتش زيه
فكرت اروح اقوله حتى لو مش معجب بيا ابقى عارفة الحقيقة بس اكيد هو حاسس بحاجة ناحيتي لانه ٢٤ ساعة على بالي مش معقول ده لوحدي بس
اعمل اي وينفع اقوله اني معجبة بيه من زمان ولا هيشوفني مش محترمة؟
مرحبًا بكِ، شكرًا لعرض مشكلتكِ وإن شاء الله تستفيدي من نصائح خبراء وأعضاء فدني. نصيحتي لكِ بلاش فكرة إنك تروحي تكلميه وتعترفي له بإعجابكِ... مش فكرة هيشوفك محترمة أو لأ... لكن عشانكِ انتي. المفروض كبنت تعززي نفسك وتبعدي كمان عن الارتباط والعلاقات غير الرسمية عشان ربنا يرضى عنكِ. فكرة التعلق والهوس دي ممكن عشان هو منتبهش لكِ أو قرب منكِ أو انتي مسمحتيش لنفسكِ تتجاوز فكرة التعلق بالشخص ده وفضلتِ متعلقة بمشاعر مراهقة لكن انتي ما زلتِ صغيرة. اشغلي نفسكِ بحاجات أهم في حياتكِ واملي الفراغ بدراستكِ وصحباتكِ واتعلمي مهارات جديدة وابعدي تمامًا عن مراقبة الأكونت وصدقيني لما تحسي إن حياتكِ بقت مليانة بحاجات مهمة مش هتلاقي وقت تفكري فيه وتعلقك وهوسكِ هيقل مع الوقت لحد ما يختفي.
تم النشر الأربعاء، ١٠ يوليو ٢٠٢٤
ممكن اقولك على حاجه بس تريحك الاول اسألي نفسك سؤال هو النصيب ده لو في خير ليا ربنا هيبعده عني لي؟؟ جوابك على اسس كتير في حياتك وهتعرفي تجاوبي ثانيا دكتور مي وضحتلك فكره الارتباط غير شرعي مش محتاج اقول حاجه غير انها نهايتها يا الدمار النفسي يا الدمار النفسي ثالثا الحل في مشكلتك انك كانسانه عندك مشاعر ودا طبيعي بس حرام تستغليها بفكرك بشاب، لان الهواجس دي من الشيطان هو اكتر حد لي مصلحه في انك تقعي كما وقع الاخرون لعلك لما تجاوبي السؤال تفهمي اكتر لو حتى هو جيه كلمك فأول حاجه اكيد هتعمليها تتفاعلي معاه وهتفرحي في الاول ودا احتمال يحصل لان الشيطان هيلعب على الطرفين لا انتي غلي قيمه نفسك وأُشهد الله اني حذرتك.... ان اللي انتي في ده ابتلاء لو وقعت في مشكله زي دي فأنتي وقعتي في بير الحب اللي مستحيل تتطلعي منه بسهوله هيكون الم جدا عليكي لو سابك وفكر فيك كبنت قليله ودا الطبيعي على فكره لان بعد الحب اخر مرحله الجواز بعد كدا العقل يشتغل ويفهموا بعض وتظهر عيوب محدش واخد باله منها لان القلب معمي وما بني على باطل فالبناء كله باطل حلك الوحيد انك تجددي شغفك لانك مستحيل تفكري فيه وانت في وقت عندك هدف وامل اكبر واخد مساحه من جهدك لكن الفراغ بيدمر الافلام واغاني والمسلسلات اللي بتتصدر ليك السوشيال ميديا كل ده مش حقيقي والله ودا بيدفعك تفكري في الحب وبيبقى نفسك تجربي على امل انك تعيدي دور اتمثل عليكي في الاساس يا انسه فبلاش تقعي في غلط غيرك واديك عرفت الحق ولو وقعت هتكون انسانه مدمره عاطفيا وهتضيعي كتير من عمرك تتعالجي من الصدمات لانها كلها خطوات شيطان وربنا قال "ولا تتبعوا خطوات الشيطان " بيكون الاول اعجاب وبعدها كلام وبعدها تعارف وبعدها كلام محلو وبعدها صور وفيديو وبعدها خروج ولمس ومحدش من الطرفين بيبقى عايز يزعل التاني فلما يكتشف ان اللي بيعمله حرام ما بيقدر يرجع ودي دوامه ما يسمى الحب الحرام... وخلي بالك كتير كانوا بيحبوا وهما صغار بس ده هبل مجرد اعجاب وبعدها والله مهما طول مع الوقت بننسى وعشان اديك امل انا حبيت واحده من تالته ابتدائي لحد تالته اعدادي من طرف واحد معرفش ازاي كنت مغفل كدا 😅 لحد ما نسيت خالص اهوت بس وقتها مكنتش واعي بجد وعلى عندي خبره اصلا بس مع الوقت وتوفيق ربنا كنت نسيت الموضوع اطلاقا وعايش كوني انسان طبيعي ودا احلى ما في الحياه بجد فلعل رسالتك دي تكون رحمه من ربنا ليك اننا اخواتك في الابلكيشن نوضحلك وبس كدا.... اتمنى اكون قدرت افيدك وربنا يهديك وينور قلبك
تم النشر الخميس، ١١ يوليو ٢٠٢٤
أولًا، حبيت أقولك إن مشاعرك طبيعية جدًا، وكلنا مررنا بمواقف مشابهة في فترة من حياتنا. لكن خليني أساعدك نحاول نلاقي طريقة تعاملك مع الموضوع ده بشكل متوازن. خطوات ممكن تساعدك: اشغلي وقتك: حاولي تلاقي نشاطات جديدة تلهيكي وتشد انتباهك. ممكن تنضمي لنادي أو تبدئي هويات جديدة. اتجهي لصاحباتك: شاركي قصتك مع صاحباتك المقربات، الكلام عن الموضوع مع الناس اللي تثقي فيهم ممكن يخفف من الضغط عليكِ. اعترفي بمشاعرك: إنك تعترفي لنفسك إنك معجبة بيه ده شي طبيعي ومتوقع، لكن حاولي تقنعي نفسك إن في عدة جوانب تخليكي تقبلي بالحقيقة. اقنعي نفسك بالواقع: أوقات، مجرد ما نواجه الواقع ينتهي الوهم اللي احنا خليناه في بالنا. ممكن تكتشفي إنه مش الشخص المناسب لكِ فعلاً بعد ما تتكلمي معاه وترتبي أفكارك. لو احتجتي أي حاجة، أنا هنا دايمًا! 🌸
تم النشر الأربعاء، ١٠ يوليو ٢٠٢٤
لعرض السؤال في فدني اضغط هنا