عندى مشكلة في المعدة فمش بقدر اكل وكدة او ممكن يعدى اليوم من غير ما اكل الا لو خدت مسكن، بعد اسبوع هروح اعمل منظار، بس الفترة دى فيه مشاكل انه بابا وماما مش مقتنعين انى مش قادرة اكل او كدة هما بيأذونى لما اكل غصب ولما بقول الكلام ده بيقولوا معلش وكدة، كل مرة ماما بتفضل تزعق وحرام عليا انى منكدة عليهم كدة على طول وبابا ممكن مياكلش عشان طبعا انا نكدت عليهم، انا عارفة انهم خايفين عليا بس مش كدة انا كرهت نفسي اوى و حاسة انى عبء زيادة عليهم هما بيزعلوا عليا ليه اصلا او يحبونى ليه انا مش عايزاهم يحبونى، الموضوع مش بايدى فعلا يعنى ممكن اخد ٣ او٤ مسكن عشان اقدر اكل او منكدش عليهم وبرضو بتعب، ممكن اكون اوڤر بس هنا المكان الوحيد اللي اقدر اتكلم فيه كدة
حبيبتي، أنا عارفة إن الموضوع ده صعب عليكي جدا، بس ماتقلقيش، ربنا هيفرجها عليكي قريب. انتي الأول عايزاني أقولك إنه مافيش حاجة اسمها إنك نكدة أو عبء زيادة على أهلك، لأ دول بيحبوكي وعايزين الأحسنلك زي مابيحبوا بعض. بس انتي عندك حق انهم مايضغطوش عليكي تاكلي وانتي مش قادرة. حاولي تشرحيلهم بهدوء إنك بتعاني من مشاكل في المعدة، و إن أكلك دلوقتي بيسببلك ألم شديد، ف أنتي محتاجة تريحيها شوية لحد ما تروحي تعملي المنظار. قوليلهم إنك فاهمة قلقهم عليكي، بس دلوقتي الأهم إنك ترتاحي علشان تقدري تاكلي بعدها. و إن شاء الله يفهموا الموقف. أهم حاجة ماتبقيش تكرهي نفسك، ولا تفتكري إنك عبء عليهم أبدا، انتي بنوتة غالية عليهم أوي. ربنا معاكي يا حبيبتي و يفرح قلبك قريب إن شاء الله.
تم النشر الخميس، ١٣ يوليو ٢٠٢٣
بصي يا حبيبه قلبي ما اظنش ان في حد في المكان هنا كله هيعرف يقدم لك مساعده تحل لك الكلام الغريب اللي انت بتقوليه ده انت كل اللي انت محتاجاه ان انت تقعديهم قدامك وتتكلمي اكنك بنت عقله كبيره فاهمه انت بتقولي ايه يا ماما يا بابا انا عندي كذا كذا انا بروح اكشف انا تعبانه انتم تعبتوني انتم بتزودوا عليا المرض اللي عندي بالراحه عليا انا كويسه انا بخير بس انا ما اقصدش ان انا انكد عليكم وان انا ازعلكم وان انا اعمل واسوي كل ما في الامر ان انا تعبانه انا مش عايزاكم تزعلوا مني بس انتم تعبتوني نفسيا وانا كمان تعبانه جسديا فارجوكم بالراحه عليا شويه وسيبوني براحتي اما اجوع اكل ولما ما اكونش جعانه سيبوني الى ان اخف واللي تقدروا تقدموه انكم تدعوا لي باني اخف وشكرا لكم بس خلاص واي حد فيما بعد كده يتدخل ثاني ويقول لك كلي او اشربي قولي له بعد اذنك دي حياتي يا حبيبتي اهم حاجه نفسيتك تكون كويسه انت لو نفسيتك باظت وانت كمان جسديا تعبانه جسمك مش هيقدر يتعافى بسهوله فانت لازم تتصرفي ولازم تقوي شخصيتك بنسبه 100% وتروحي تقعديهم تكلميهم علشان اللي انت فيه ده خطا وهيفضل يسوء طول ما انت ساكته!
تم النشر الخميس، ١٣ يوليو ٢٠٢٣
الدكتور اكيد قالك ايه احتمالات المشكلة وممكن تكون زى ما قولتى فى وسط التعليقات لانك عندك ضغط تسليم مهمات فى الدراسة ...فده قولون عصبى غالبا وسواء بكلامهم او من غير كلامهم انتى مقتنعه انك هتمتنعى عن الاكل والشرب نهائى ....يعنى هتعيشى صيام دائم مثلا ..؟ طب ولما بتاخدى المسكن مش بتكونى بتاخديه وبتشربى ميه؟ هما كانوا ممكن يقتنعوا لو كنتى وانتى بتكشفى مثلا الدكتور قالك مش هتاكلى خالص ويعلقلك محلول جلوكوز بقى بدل الاكل .( بس اكيد الدكتور يمكن منعك من شوية انواع لكن مش من كله ) فهنا انتى اللى محتاجة تقتنعى بالحقيقة .....ان عليكى ضغط وده حتى خلاكى تشوفى انك مش عاوزه حبهم لو هيجيبلك ضغوطات هى فى الاساس عشان صحتك واهتمامهم بيكى . وعاوزه بس انصحك بانك
تم النشر الخميس، ١٣ يوليو ٢٠٢٣
بجد أحزني كلام هذا!
تم النشر الخميس، ١٣ يوليو ٢٠٢٣
لعرض السؤال في فدني اضغط هنا