•الحمدلله علي كل حال..انا الحمدلله بفضل محافظه علي صلاتي بشكل كبير وطويل اوي ممكن اعد سنه اتنين اصلي كل فروضي عادي وببقي قريبه من ربنا وعلاقتي بيه حلوه اوي وحياتي عموماً كلها بخير "بكون فأفضل حالاتي وانا قريبه من ربنا"
ولسبب ما غير معروف بالنسبالي كله بيروح وبفضل مده مصليش ولكن قلبي بيهلكني تأنيب ضمير فأرجع واكون مش منتظمه وبفضل فالوضع ده فتره طويله مش منتظمه بفوت فروض، بفضل وقت طويل عشان امسك المصحف،بعمل ذنوب كتير...ولكن قلبي لا يغفل حقيقي فكل خطوه تأنيب ضمير مبيوقفش ولا بيغفل..
بكون غير متزنه نفسياً خالص الفتره دي وفعلاً بحاول اتمسك ولكن بقع لدرجه ان احساس الصلاه مش بحسه بحس انها مجرد حركات خاليه من اي خشوع
_ازاى اعدي الفتره دي..ازاى لما علاقتي تظبط بربنا مترجعش تبوظ تاني..ازاى ارجع مستنيه الفرض مش بصليه وانا بخلص واجب عليا من غير اي حب..ازاى اتزن نفسياً وميبقاش ليها علاقه بالموضوع ده؟!! محتاجه اجابه ضروري
فيه حاجه بعملها مش عارفه هتظبط معاكى ولا لا لما بحس أنى مش منتظمه بحاول اعتكف يومين تلاته كده زي ايام رمضان إلى هو هصوم و بالتالى لازم اصلى عشان مفيش صوم من غير صلاه و بقرأ قرآن كتير فبخرج من اليومين دول الأمور متظبطه و بحس بإحساس جميل يارب تنفع معاكى ❤️
تم النشر الاثنين، ١ يناير ٢٠٢٤
الإيمان يزداد وينقص... عشان كده بنحتاج طول الوقت اننا نشحن طاقة إيمانية عشان كده الصحبه مهمه و الخلوه مع الله مهمه. الانسان يعتاد لذلك يحتاج كسر للقاعدة كل فترة.. إذا لم تفعليه عن قصد سوف يحدث رغما عنكى... كسر للقاعدة هنا نفعله بشىء جيد وليس سىء... مثلا تحضرى درس فى موضوع جديد عليكى... اذهبي للصلاة فى مكان جديد... جددى الأذكار واضيفى ذكر جديد وهكذا
تم النشر الثلاثاء، ٢ يناير ٢٠٢٤
شكراً لحضرتك علي المشاركة النفس اللَّوَّامَةُ: هي نفس تترنح بين الخير والشر، تغالب شهواتها تارة وتسقط في حمأة المعصية تارة، فصاحبها يستحضر الملامة والحسرة والخشية عقب اقتراف أي ذنب فيتوب ويؤوب، قال تعالى:(وَلا أُقْسِمُ بِالنَّفْسِ اللَّوَّامَةِ) وهذه نفس طيبة لأنها رجّاعة إلى الحق ولا توجد بها مادة الإصرار والتحدي النفس اللوامة هي نفس المؤمن في الدنيا، حيث يلوم نفسه على الخير والشر، ويندم على ما فات، ويعاتب نفسه بعد تصرفه وعن الحسن البصري: إن المؤمن والله ما تراه إلا يلوم نفسه: ما أردتُ بكلمتي؟ ما أردتُ بأكلتي؟ ما أردت بحديث نفسي ؟، وإن الفاجر يمضي قدما ما يعاتب نفسه. والأصل والأساس هو جهاد النفس. فإن العبد ما لم يجاهد نفسه أولاً فيبدأ بها ويلزمها بفعل ما أمرت به وترك ما نهيت عنه لم يمكنه جهاد عدوه الخارجي مع ترك العدو الداخلي، ولهذا قال صلى الله عليه وسلم: " المجاهد من جاهد نفسه في طاعة الله، والمهاجر من هجر ما نهى الله عنه ". فهنيئا لك نفسك اللوامة اللي تذكرك دوما بالرجوع الي طريق الحق والصواب ولكيلا ننجرف فالمعاصي فمن الممكن ان نلاحظ انفسنا ونقوم بالتدوين ليومياتنا ونري اي المواقف تقع فيها هل مرتبط وقوعي في وقت معين او مع صحبة معينة او مكان محدد وابتعد عن كل مايثيرني للوقوع فالمعاصي والبعد عن الطريق لله وبما إنك ذقت حلاوة الركون الي الله فاستعيني بالله وأكثري من الدعاء لعل الله ماإبتلاك إلا ليطهرك والتائب من الذنب كمن لا ذنب له
تم النشر الاثنين، ١ يناير ٢٠٢٤
لو بتعملي ذنب ومش عارفه تبطله استثمريه..أيوة استثمريه زى ما بقولكم كده تعاي اقولك ازاى ؟؟؟؟؟؟ عملتي ذنب .. اعزمي من جواك انك مش هاتعمله تانى خد قرارك استغفر وتب الى الله .. الزم نفسك تستغفر كتير بعده مع الندم والعزم على تركه ...........::::::::::::::::::::............ طيب عملته تانى 🥺 ارجع استغفر وذود معاه ركعتين توبه مع الدعاء أن ربنا يبعد عنك الذنب واى طريق يوصلك له ...........:::::::::::::::::::::::::::.......... رجعت عملته تاني😔 استغفر وصلى ركعتين توبه وادعى وزود عليهم صيام يوم بنيه أن ربنا يبعد عنك الذنب واى طريق له .............::::::::::::::::::::::::......... بعدت فترة ورجعت للذنب تانى 😭😭 استغفر وصلى وصوم وادعى وزود عليهم اخراج صدقه بنيه أن ربنا يبعدك عن الذنب واى طريق له ................:::::::::::::::::::::............. لا تجعل الشيطان ونفسك يهزموك مرتين ✌️ احنا فى جهاد مع أنفسنا وده اكبر جهاد ممكن بشر يقابله اذا هزمتك نفسك بالأمس 🥹 اهزمها انت بتوبتك وقربك الى الله اليوم وغدًا 👌💪 إن الله لا يمل حتى تملوا ... باب المغفرة والرحمة مفتوح حتى تخرج الشمس من مغربها او ان ياتى موعدنا فى قائمه ملك الموت ... رزقنا الله وإياكم حسن الخاتمه
تم النشر الثلاثاء، ٢ يناير ٢٠٢٤
يمكن سبب انتكاستك إنك في أول كنتي في غير استقامة ثم استقمتي وشيطان ضحك عليكي وخلاكي تنتكسي لإن انتي لما رجعتي تستقمي انتي حرفيا قفلتي في شيطان كل أبوابه فيقعد يحاول يوقعك في ذنوب وانتي مش بتستجيبي وعلي حسب بقا لما يتقفل عليه باب ده ممكن يوسوسلك في العقيدة أو يحسسك بضيق ويقفلك من صلاة فتحسي انك لما صليتي حياتك بقت تقيلة فبصي الي عايز اقولهولك صلاة دي خط احمر وبعدين عايز اقولك علي حاجة انتي لو ربنا هداكي الحمدالله وخايف تنتكسي زودي من هدايتك ازدادي في عبداتك خليكي مع مجموعة متدينة تشدك في الدين يعني انا تجربتي لما مكنتش مستقيم وربنا هداني أول حاجة عملتها اني كنت بصلي في المسجد عشان المسجد في التزام في وقت معين فبتالي بقطع اي وسواس أو كسل غير اني عندي صدق وعزيمة فده ساعدني بشكل كبير جدا وبرضو لما خت قرار ده التزامي بدين اشتركت في أكاديمية عشان الزم نفسي اني احفظ قرآن كنت عايز فعلا الهداية كان في أكاديمية في محاضرات دينية حضرتها لإن ده التزام الناس هي إلي شدتني وبعديها انا الحمدلله دلوقتي مع جماعة متدينة ومعاناة هدف نخدم المسلمين كل ده في علو هداية بسبب مين ؟؟ الناس هي إلي شدتني انا بقولك كلام مجرب وده توفيق من عند ربنا وهوه الي هداني علي فكرة أنا مفيش حد نصحني واستجبت له فهوه بصي المهم يبقا عندك عزيمة وصدق فعلا إنك عايزة طريق الهداية وربنا بأمره اي هيهديكي وهيرزقك الصحبة الصالحة الي تشدك في الدين فإلي عايزة اقولهولك عشان ربنا يهديكي لصراط المستقيم اهم حاجة الصدق والعزيمة وناس تشدك ودعاء انا سبب تيسيري في أن الاقي ناس تشدني اقسم بالله الدعاء واخر حاجة عايز اقوهالك لو ختي طريق ده وعملتي بنصائح دي خلي بالك اوي من شيطان عشان مش هيسيبك وهيحاول بطل طرق ينقل عليكي عبادتك لحد ما تزهقي وعلي فكرة ده بيبقا ابتلاء ورحمة من ربنا عشان بس مطولش لو ختي طريق خلي بالك اوي من شيطان وياريت تقولي أذكار ص-م ،اسأل الله أن يهدينا جميعاً ويجعلنا منا القانطين مثل مريم بنت عمران ويملئ قلوبنا بالإيمان
تم النشر الثلاثاء، ٢ يناير ٢٠٢٤
إن المسلم خلق توابا مفتونا إذا ذكر ذكر وأنه ما من عبد مؤمن إلا وله ذنب مقيم عليه يعتاده الفينه بين الفينه ..وأن الله تعالى لا يمل حتى تملوا ...كون النفس تلومك ع الذنب ده معناه انها قريبه من ربنا وهي لوامه تؤنب ضميرك لترجعك الى طريق الحق فاتبعي السيئه الحسنه تمحها وأكثري من صدقات السر ودائما اطلبي من الله العون والاستعانه وتوكلي عليه حق توكله وخذي بالاسباب وابتعدي عن ما يوقعك ف الذنب وابتعدي عن الخلوات واشغلي وقتك بالطاعات ...عفا الله عنا وعنكم ورزقنا الخشوع وحسن العمل وطاعته طاعه ترضيه عنا يارب
تم النشر الاثنين، ١ يناير ٢٠٢٤
سمعت شيخ بيقول انك لو عايز تخشع في صلاتك وتحس بيها لازم تهيأ نفسك قبلها من خلال انك تقرأي صفحة بخشوع وتركيز بعدين تصلي، هتحسي بفرق كمان انك تصلي بآيات معينة لموقف حصل معاكي ف يومك مثلا ، او تصلي بآية جديدة بحيث تركزي وأنصحك بأنك تصلي السنة لانها بتجبر الفرض ، والحمدلله ان قلبك فيه نور وضمير بيأنبك ربنا بيحبك وعايزيك ترجعي ليه ربنا يصلح حالنا جميعا. اهم حاجه متيأسيش إن الله لا يمل حتي تملو .
تم النشر الاثنين، ١ يناير ٢٠٢٤
مهما بطلتي صلاه ورجعتي وبتقطعي ومش بتحسي بخشوع وبتعمليها تأديه واجب كل ده مجاهده وهتاخدي ثواب عليها اهم حاجه متوقفيش
تم النشر الأربعاء، ٣ يناير ٢٠٢٤
لعرض السؤال في فدني اضغط هنا