ايا كانت الغلطة هي ايه .. ف حابب أقولك أن كلنا بنغلط الرسول صلي الله عليه وسلم قال ( كل ابن آدم خطاء وخير الخاطئين التوابون ) .. والله عز و جل في القرآن يقول ( مَّنْ خَشِيَ الرَّحْمَٰنَ بِالْغَيْبِ وَجَاءَ بِقَلْبٍ مُّنِيبٍ ) و معني منيب اي المعترف بذنبه أو خطأه في خلوته فيستغفر منه .. وانتي الحمد لله اعترفتي بغلطك و توبتي و حاولتي تصلحي و ربنا كرمك و الدنيا بقيت تمام يعني بإذن الله خطأك مغفور ايا كان هو ايه . انتي حاليا كل اللي مضايقك الضغط اللي عليكي لما حد عرف الغلط دا و دي حاجه طبيعية انك تزعلي و خصوصا أن الدنيا بتتصلح زي ما بتقولي ، ف انتي مش بإيدك حاجه تعمليها فبلاش تكوني قاسية علي نفسك انتي اعترفتي بغلطك و صلحتيه .. دلوقتي مفيش حاجه تقدري تعمليها غير الدعاء .. ادعي ربنا يفرج همك و يزيح هذا الكرب و الغم و الضيق عنك ، ولا تستهيني بالدعاء نهائي ، سلاح عظيم والله بس اللي يعرف يستغله .. ادعي ربنا بنية صادقة .. ولو مش لاقيه حد تفضفضي معاه ؟ قومي صلي ركعتين و اسجدي و فضفضي مع ربك و قولي كل اللي في نفسك و ابكي بين ايديه .. الرسول صلى الله عليه وسلم يقول ( إن الله تعالى حيي كريم ، يستحي إذا رفع العبد إليه يديه أن يردهما صفرا ) ربنا مش هيخذلك ابدا خلي يقينك في ربك كبير مهما كان ذنبك صغير او كبير ربنا كريم و هيزيح عنك كل ضيق بإذنه فقط ❤️
تم النشر السبت، ١٣ مايو ٢٠٢٣
4 تعليق
دي أقل حاجه والله لو اقدر اعمل اكتر من كدا كنت هعمل بس ممكن تدعيلي دعوة حلوه عشان انا ثانوية عامه ف ادعيلي وانا هدعيلك برضه🥰💛
تم النشر السبت، ١٣ مايو ٢٠٢٣
متشكره جدا لحضرتك بدايه القصه انا فعلا عملت كده وبدعي ربنا انه يخلينى مش اقسي ع نفسي بس حقيقي كلام حضرتك فرق جدا❤️❤️❤️
تم النشر السبت، ١٣ مايو ٢٠٢٣
انا الحمد لله قريبه من ربنا والغلطه دى عاديه اى حد يغلط فيها انا بس مش بحب انى اتكلم لانى كتومه لابعد حد بس مش اكتر لكن الحمدلله انا كويسه
تم النشر السبت، ١٣ مايو ٢٠٢٣
كلنا بنغلط، ارجعي لربنا وصلحي من نفسك💛
تم النشر السبت، ١٣ مايو ٢٠٢٣
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك