انا اول مره اكلم بس عاوزة اطلع إلى جوايا علشان خلاص تعبت كل يوم بتعرض لصدمة اكبر من التانيه اولهم وفاة امى وبعدها ان بابا هايجوز ولسه عدى عليها ١٠ شهور بس لسه والله مافوقت من صدمه وفاتها والى قتلني ان بابا يجى يقولى شوفى دى يقعد يورينى صور اللي هايروح يشوفها ولا كأن امى هى اللي ماتت ولا كأنى ليا شعور والأكبر ان عاوزنى اروح معاه اختار مش حاسس انا قد اى بتقطع وقعد اعيط وتعب وهو عادى يرد بأنه ده حلال وشرع انا عارفة وكنت رافضة بس مش فأيدى حاجة إلى فدماغو بيعملو بس يخاف على شعورى انا بموت كل يوم محدش حاسس بالوجع ده حتى تاتا وعماتى عادى جدا لما جيت احكى وعيط تاتا ضحكت وقالتلي عاوز يشوف حياته وكمان ليكو حاسه انى فى دوامه ونفسى اصحى الاقى كل ده كابوس مش حقيقة ومش عايزة اعيش معاه هو والست إلى هاتيجى مش هاستحمل حد مكان امى اشوف حد مكنها الموضوع صعب عليا يمكن الكل يشوفو اوفر بس البجد لا صعب اوى تعبت
السلام عليكم ورحمه الله اهلا بيكي الله يرحم والدتك و يغفر لها و يجعل مثواها الجنه، شعورك طبيعي و هو الحزن علي وفاه الوالده و لكن لو فكرنا بالمنطق و شرع الله هو من حقه الزواج لأسباب لا نعلمها نحن هو الوحيد اللي عايش و عارف ايه احتياجاته و دا حق من حقوقه. 🔹و هنا لازم تفصلي بين حق والدك الشرعي و بين حزنك الطبيعي جدا انك تحزني علي والدتك. 🔹 لو كنتي متزوجه ف هو عاوز حد يرعاه و يرعي باقي اخواتك، وجود الست مهم جدا في البيت و بيساعد الراجل في حياته، و لو كنتي لسه مش متزوجه ف مش هتقدري تقومي بكل المهام لانك ابنه و ليست زوجه و هيجي اليوم اللي برضو هتشوفي حياتك فيه. 🔹 روحي معاه و شوفي معاه ست بنت حلال مناسبه ليكم و تخاف عليكم و حبوها و تقبلوه. 🔹و خليكي علي علم أن الزوجه لا تنافس والدتك في اي شئ. 🔹 و تذكري أن الدنيا دار ابتلاء و محن و صعوبات، ف ارضي والدك و ساعديه في الخير حتي و إن كان صعب و لكن الاجر علي الله
تم النشر الأحد، ١٤ يوليو ٢٠٢٤
لا هو مش اوفر هو فعلآ الموضوع صعب لكن بما ان بابا هينفذ ما يريده يبقى بدل ما نبكي ونتألم هيكون الافضل انك تحاولي تتعايشي مع سلبيات بابا واللي هي من وجهة نظره حق وحلال ربنا لكن كان الافضل انه يراعي مشاعرك ولكن لعله يريد الخير بأنه يعرض عليكي الصور واللي اكيد هو سوء تصرف لكن من الممكن ان يكون نابع عن جهل وليس عمد حيث انه يريد منك ان تختاري من تأتي للإقامة بالبيت ويتعامل معك وكأنك صديقة ولست ابنته فقط... وبنصحك انك تدعي لماما وتتعايشي مع حال الدنيا الذي فيها دوام الحال من المحال وياريت تخرجي وتتجنبي الوحدة والعزلة وتبعدي عن الحزن ويارب يرحم ماما ويصبرك ويبعد عنك كل شر
تم النشر الأحد، ١٤ يوليو ٢٠٢٤
حبيبتي، انا حاسة بيكِ جدًا وحقيقي وقلبى معاك. فقدان الأم حاجة صعبة ومؤلمة جدًا، وكتير من الناس ما بيعرفوش يفهموا حجم الألم ده غير اللي عايشوا نفسه. كويس إنك عبرتي عن مشاعرك، ده أول خطوة في العلاج. أنا عارفة انه ممكن يكون صعب تتقبلي فكرة ان والدك يتزوج مرة تانية وخصوصا بالسرعة دي. هو يمكن شايف انه ده حلال وشرع، وده مفهوم، بس مشاعر برضو ليها حق تكون مسموعة ومعتبرة. جدي حاول تتحدثي مع بابا مرة أخرى، بس المرة دي بهدوء وتقولي له قد ايه انتي متألمة من الفقد وده محتاج وقت للتعافي. بينيله انك مش ضد انه يتزوج، لكن نفسك تكون الفترة دي مخصصة للتعافي والتكيف مع الوضع الجديد. كمان، لو عندك حد موثوق فيه، زي خالة أو صديقة مُقربة، جربي تحكي لهم بمشاعرك لربما يكونوا دعم نفسي لك. وأهم حاجة، لا تهملي نفسك في خضم كل ده. حاولي تعملي حاجة تُسعدك ولو بسيطة. القراءة، الرياضة، أو حتى تجلسي مع أصدقاء. حاولي تهتمي بنفسك وصحتك النفسية. إذا حسيتي أن الأمور بقت تقيلة قوي ومش قادرة تتعاملي، ممكن تفكري تستشيري متخصص في الصحة النفسية، لأنه هيكون عنده الأدوات والطرق اللي ممكن تساعدك تخرجي من الدوامة دي. أنا هنا عشانك، وأي وقت تحسي انك محتاجة تتكلمي، تلاقيني جنبك. إنتي قوية، وهتعدي الأزمة دي إن شاء الله. ❤️
تم النشر الأحد، ١٤ يوليو ٢٠٢٤
كلامك جميل ي دكتوره فاطمه. بس عادي ممكن تحبك انت واخواتك وتعتني بيكو وحاولي تتكلمي مع باباكي باجل شويه وانت حاولت اتفادي الموضوع وكل شي لعله خير
تم النشر الأحد، ١٤ يوليو ٢٠٢٤
حبيبتي اهدئي، لا تفكري فيما هو قادم، اصبري وادعي، تحدثي مع والدك بضرورة تأجيل الأمر حتى تهدئي قليلًا.
تم النشر الأحد، ١٤ يوليو ٢٠٢٤
محترمه كلام حضرتك بس حتى لو هى ملاك انا مش قبله حد مكان امى واشوف حد مكنها عارفة ان ممكن تكون فى ناس عندها ضمير بس فى الزمن ده معتقدش ان فى وحدة تستحمل ٣ عيال وممكن يكون فيه الله اعلم بس انا مش قبله اى جد مكانها دى المشكله وعمرى ماهقدر اتأقلم انا من دلوقتى وتعبت امال لما تيجى الفكرة صعبة اوى وتوجع بذات ان جرح الفراق لسه
تم النشر الأحد، ١٤ يوليو ٢٠٢٤
ارى أن هناك حكم مسبق يا أحمد، نعم لا يوجد بديل عن الأم لكن لماذا نستبق الحكم أن زوجة الأب ستكون سيئة، ربما تكون هي العون والسند لصديقتنا. أعرف سيدة تزوجت رجلًا ماتت زوجته وكان معه 3 من الأبناء، اعتنت بهم لدرجة أنه عندما قرر الزوج الانفصال عنها رفض الأولاد وساءت حالتهم. كانت تعاملهم بالإحسان، ودعنا نتفق أن هذه النسخة نادرة نعم لكن موحودة.
تم النشر الأحد، ١٤ يوليو ٢٠٢٤
ماشي طب محضرتك داخله تالته ثانوي وتالته محتاجه مصاريف حامده ومحدش بيصرف علي حد ف الايام دي الا الاب ممكن تقعدي لو تضمني ان باباكي يبعتلك فلوس الدروس وكدا ولو دا محصلش فانا اتفق معاك القعده ف البيت هتبقي رخمه اوي اوي اوي وهيا سنه اصلا رخمه لوحدها والجو مش هيبقا مناسب معاك وانت مش طايقه البيت اصلا فانتي قربي من ربنا واللي فيه الخير ربنا هيقدمو. وربنا عارف انت حاسه بايه وان شاء الله هيقف جنبك بدال نفسك تحقق حلمك والدتك وتخش الكليه اللي نفسها فيها
تم النشر الأحد، ١٤ يوليو ٢٠٢٤
مش هاعرف اقعد وفى حد مكانها هابقى كدا بموت بالبطئ وكمان داخلة تالتة اهم سنه محتاجة تركيزى لو قعد مش هاعرف كل الى عوزاه اقعد عن تاتا ام ماما بس يمكن أطول الجامعة الى كان نفسى فيها انا وامى وهو رافض ده معرفش اعمل اى ولا هاكمل ازاى
تم النشر الأحد، ١٤ يوليو ٢٠٢٤
اكيد الموضوع صعب جدا وكمان لسه 10 شهور مش مده يعني ودي ام المفروض يستني شويه بعد سنه ع الاقل بس كمان انت بنت مفيش حل قدامك وكل حاجه قدر ونصيب وارضي باللي ربنا كاتبه رب الخير لا ياتي الا بالخير وقربي من ربنا وادعي كتيير وان شاء الله خير
تم النشر الأحد، ١٤ يوليو ٢٠٢٤
لعرض السؤال في فدني اضغط هنا