انا بحب المدرس بيتاعي انا عندي ١٦ سنه والمدرس عندو ٢٥ وانا مش عارفه اوصلها ازاي لان انا محترمه وسمعتي حلوه فخيفه اعمل حاجه تأثر على سمعتي أو علي كرمتي ف مش عارفه اعمل اي
اتعاملى مع الموضوع ومع نفسك بلطف وافهمى ان دا اعجاب وشئ طبيعى ليس الا وبمجرد ماهيختفى المدرس دا هيختفى احساسك ومتفكريش طبعا توصليلو حاجه وبما اننا ف رمضان اخرجى اتمشى حبه كدا ف الجو الجميل دا وطلعى الموضوع من دماغك لانه مش هيزيدك الا خساره (لوقتك ومشاعرك).
تم النشر الاثنين، ١٨ مارس ٢٠٢٤
وجيالك من المستقبل بقولك انا شخصيا اعجبت بمدرسين بس كنت بتعامل انه طبيعى اعجب بيهم من شطارتهم وثقافتهم وفعلا لما كبرت نسيتهم خالص😂 ولو سالتى اصحابك هتلاقى نص الدفعه بردو معجبه بنفس المدرس ولنفس الاسباب ودا طبعا ياكدلك كلامى
تم النشر الاثنين، ١٨ مارس ٢٠٢٤
دا مش حب , ممكن توصفيه بإعجاب ودا لأنك في سن المراهقه و طبيعي تحسي بإنجذاب لشخص بتشوفيه كل يوم وبيهزر معاكي وبيتكلم قدامك بالساعات .. بس دا واجبه بيعمله مع الكل عشان يؤدي وظيفته .. وإنتِ بالنسباله صغيره جدا .. ولو قلتيله حاجه دا هيقلل منك كتييير .. متوقعه لو وصلتيله إنك بتحبيه بأي طريقه مباشره او غير مباشرة .. هيجي يخطبك مثلأ؟ هل انتِ في سن خطبه وزواج ؟ ولا سن دراسه وتعليم وتكوين ؟ بالعكس ممكن يلغي الدرس معاكي او يقول لحد من الأهل او يقول لأي حد وينتشر كلام عنكِ يإذيكي أو يطلع مش سوي نفسيا ويتسلى بيكي شويه ويجاريكي حبه ويسيبك .. طب ليه نحط نفسنا في موقف مش حلو من البدايه ونغضب ربنا ؟ نصيحتي ركزي في مذاكرتك وشيليه من تفكيرك ومتعمليش حاجه ..
تم النشر الاثنين، ١٨ مارس ٢٠٢٤
طيب خلينا متفقين انه مش حب، هو مجرد اعجاب او انجذاب، ربما علشان هو كويس معاكم، ربما علشان هو بيشجعكم، ربما علشان قريب منكم في السن .. بيرجع لحاجات كتير. وده طبعا علشان ده سن المراهقة، ومشاعرك تعتبر عادية .. لكن اللي مش عادي انك تنساقي ورا اي فكرة او اي شئ، وفي الحقيقة انتي سؤال سؤال كويس. انك خايفة على سمعتك من اللي ممكن تعمليه، لان سمعتك كويسة. طيب هل اساسا لو عملتي ده هتبقى سمعتك كويسة؟ اتمنى حد من الشباب هنا يردوا عليكي، ويقولوا ليكي هما ازاي بيبقوا شايفين البنت اللي بتصاحب شباب؟ وازاي الموضوع ممكن ينتشر بسرعة البرق ويتعرف .. ف طبعا لا للاسف هتبقى بتدمري نفسك بايدك. خاصة اساسا لو رجعنا بقى للدين هنلاقي اساسا ان الموضوع حرام شرعا، حرام انك تدخلي ف علاقة غير شرعية مع حد، ف انتي خايفة على سمعتك وكرامتك ومش خايفة من الله! راجعي نفسك واحسبي كل خطوة انتي بتاخديها مش خوفا من الناس لا، خوفا من ربنا سبحانه وتعالى .. لان اللي بعد كده بيبقى اسوء. خاصة انه مش هينظر ليكي انك بنت ناضجة، بالعكس ممكن يستغلك ويتسلى بيكي. ف ليه تضعي نفسك ف الموقف ده. ومتستعجليش الحب والزواج هيجي ف وقته. وربنا يوفقك باذن الله
تم النشر الاثنين، ١٨ مارس ٢٠٢٤
دا نابع عن جفاف عاطفي عندك، ويمجر ما بدئتي تلاحظي اهتمام المدرس بيكي على عكس باقي اللي حواليكي عقلك أوهمك إنك بتحبيه، ركزي في دراستك، بطلي تروحي الدرس وغيري على مدرس تاني عشان تركزي بشكل افضل اثناء الشرح، واخرجي والعبي اكتر مع اصدقائك، وقربي اكتر من بباكي او لو عندك اخ ولد خليهم حاولي تخرجي وتتكلمي معاهم
تم النشر الجمعة، ٢٢ مارس ٢٠٢٤
بصي اوعي تاخدي خطوه عشان هو يوم ميخطب هيخطب واحدا من سنه وخليكي فكرا دايما الجمله دي طول حياتك اللي عايز واحدا بيروحلها ويتقدملها بلاس البنت هي ترخص من نفسها وتروح لشب هما يجوا البيت من بابه وحاجا كمان أنتي ف نظره عيله لسه للاسف يعني ف اكرفي لحوار دا عشان لسه قدام العمر كويل وهيقبلك الاحسن
تم النشر الخميس، ٢١ مارس ٢٠٢٤
مفيش حب في السن ده واهتمي بدراستك أهم حاجه وانتى لو اعترفتي حرام ولو بينتي أنك معجبه ف ده كده بتهيني كرامتك واحفظي قلبك من الحب الحرام وكل شيء قدر ونصيب ممكن مينكش من نصيبك ساعتها انتى هتتأذي نفسيا
تم النشر الاثنين، ١٨ مارس ٢٠٢٤
حبيبتي التفتيش لدراستك اهم. معلش كلامي يزعلك. بس الدراسه اهم فينك ده عالاقل الوقت ده🤍🤍
تم النشر الاثنين، ١٨ مارس ٢٠٢٤
يعني انا في الترم الاول جبت درجه حلوه وكانت اعلي درجه في الماده بيتعتوا
تم النشر الجمعة، ٢٢ مارس ٢٠٢٤
وانا اصلان من النادر لما تجاوب مع استاذ
تم النشر الجمعة، ٢٢ مارس ٢٠٢٤
علي فكره انا شطره معا جدا
تم النشر الجمعة، ٢٢ مارس ٢٠٢٤
لعرض السؤال في فدني اضغط هنا