السلام عليكم ورحمة الله وبركاته انا ديما اهلي من صغري كان و يخافوا عليا خوف شديد يعني مثلا هما في أي مكان لازم اللي يودون و يجبوني و عدم الخروج لفترات طويلة غير بس للدروس و المدرسة و اكتر الدروس كانت في البيت الحركة دي خلتني معرفش اروح أي مكان لوحدي لازم يكون حد معايا و ولا عارفة الشوارع ولا عارفة اوح في مكان لوحدي و دلوقتي هما اللي بيلومو عليا و يقولو انت اللي عملتي في نفسك كده ازاي واحدة عندها ١٩ سنة متعرفش حتي تروح السوق فأيه الحل نا عايزة اعف اتحرك مينفعش اكون عايزة اشتغل و اطور من نفسي وانا مش عارفة اتحرك كده المشكلة دي تعباني و حتي محدش عايز ينزل منهم يعودني علي الشوارع و معنديش اصحاب
احمدي ربنا أن هم سمحولك تخرجي حتي في السن ده في غيرك مش لاقي...! تقدري تنزلي وتلفي أنتي مع نفسك ومرة في مرة هتكتسبي خبرة كدة..!
تم النشر الخميس، ٢١ سبتمبر ٢٠٢٣
وعليكم السلام حبيبتى ...ممكن نحاول فى الموضوع ده زى اى حاجة,,,,طالما عاوزين نعملها يلا بينا ع طول هتبقى تقيلة شويية بس مش مشكله خالصشوفي يا ستي احنا دلوقتي اللي هنعمله هو اللي كان لازم يتعمل ان انت صغيره بس هتعمليه وانت كبيره.واحده واحده الاول هنجرب وناخد بعضنا وننزل نروح مكان قريب جدا زي السوبر ماركت القريب من البيت مجهزين نفسنا عارفين احنا نازلين نعمل ايه وبعد ما نخلص هنرجع على طول.في حد واقف مستنينا في البلكونه علشان بس يسعدنا ان احنا نحس بالاطمئنان وننزل ونجرب.مش لازم حد يبقى جنبي خالص في ايدي الموبايل عارفه انا لو حصل اي حاجه هكلم حد يجيلي انزل اخلص الحاجه والله في حاجه ما عرفتش اتعامل بها بعد ما اطلع ابدا احكي للشخص اللي كان مستنيني انا حصل معايا واحد اتنين تلاته كان ايه احسن تصرف اتصرفه عشان انا ما عرفتش اتصرف وهو هيبدا يوجهني انت المفروض تعمليه كذا كذا كذا لو الاشخاص اللي موجودين معي في البيت مش بيساعدوني ويدوني نصيحه اللي انا محتاجاها اشوف اي حد تاني يسيبها يكون متابع معي في الفتره دي الفتره اللي انا بتعلم فيهاواحده واحده.هبدا ابعد المسافه ودلوقتي افضل حاجه موجوده جوجل مابس.او خرائط جوجل تقدري تستخدميها.مهما كان المكان اللي انت رايحاه خلي عينك في ايدك على الخريطه.الخريطه هتبقى موضحه لك انت هتمشي الشارع ده بعدين هتحتاجي تخشي يمين وبعدين هتحتاجي تخشي شمال وهيبقى باين عندك انك هتلاقي سوبر ماركت في طريقك لا ده انت هتلاقي بنك لا ده انت هتلاقي العالم الفلانيه هتسهل عليه كتير جدا وتديكي ثقه وتقدري تخلي في حد نتابع معك في طريق برضو زيه زيك بالخريطه وشايف خطواتك فلو حصل لا قدر الله اي حاجه تكوني مطمناني فيه حد هيقدر يجي يلحقك من اي موقف يعيش ممكن تتعرض له.واحده واحده يوم ورا يوم وتلاقي نفسك اتعودتي تنزلي تروحي تيجي لوحدك وما فيش اي مشاكل ان شاء الله.
تم النشر الأربعاء، ٢٠ سبتمبر ٢٠٢٣
وعليكم السلام ورحمة الله وبركاته ... الوضع انا مقدره طبعا انه صعب عليكي جدان ولكن للاسف انتي اللي لازم ترمي نفسك في البحر .. يعني ابدئي انزلي مثلا اعملي طلبات للبيت حتى ف الاول من السوبر ماركت. بعد كده ابدئي مثلا تروحي لوحدك تقعدي في كافيه مثلا او مطعم تاكلي فيه، ويكون كل شوية ابعد عن البيت بشوية .. لو فيه مكان عايزة تروحيه، ومش عارفه الطريق ال gps هيوفر عليكي كتير، وطبعا متتكسفيش انك تسألي حد. ابدئي بس بحاجات صغيرة في الاول .. وهتكتسبي بعدها الثقة والخوف هيتلاشي تدريجيا.
تم النشر الأربعاء، ٢٠ سبتمبر ٢٠٢٣
انتي محتاجه وقت للتأقلم ادي نفسك مساحه واخرجي واتعلمي تتعاملي مع البشر بس اول حاجه احفظي عنوانك
تم النشر الأربعاء، ٢٠ سبتمبر ٢٠٢٣
لعرض السؤال في فدني اضغط هنا